ر. دالەنوۆتىڭ ايتۋىنشا, قازاقستاننىڭ ۇزاقمەرزىمدى ءوسىم نەگىزى رەتىندە استانا اگلومەراتسياسىن قالىپتاستىرۋ ماقساتىندا 2020 ج. دەيىن استانا اگلومەراتسياسىن دامىتۋ بويىنشا وڭىرارالىق ءىس-شارالار جوسپارى قابىلداندى, وندا ءۇش باستى باعىت بويىنشا 82 شارانى ىسكە اسىرۋ قاراستىرىلعان. بۇگىنگى تاڭدا 72 پۋنكت ورىندالدى, 10-ى ءبويىنشا تيىستى جۇمىستار اتقارىلىپ جاتىر.
ءبىرىنشى. استانا اگلومەراتسياسىن اۋماقتىق جانە ينستيتۋتسيونالدىق دامىتۋ.
قالا قۇرىلىسىن جوسپارلاۋ قۇجاتى — استانا اگلومەراتسياسىن اۋماقتىق دامىتۋدىڭ وڭىرارالىق سحەماسى ازىرلەنىپ, بەكىتىلدى. استانا قالاسىن جانە اقمولا وبلىسىن دامىتۋدىڭ 2016-2020 جىلدارعا ارنالعان باعدارلامالارىنا اگلومەراتسيالىق دامۋ بولىگىندە وزگەرىستەر ەنگىزىلدى. جالپى ءبىرىنشى مىندەتتىڭ جوسپارلانعان 10 ءىس-شاراسىنىڭ ىشىندە 9 ءىس-شارا ورىندالدى جانە باقىلاۋدان الىندى, اگلومەراتسيا ەلدى مەكەندەرىن ەگجەي-تەگجەيلى جوسپارلاۋ ورىندالۋ ساتىسىندا.
ەكىنشى. رەسپۋبليكالىق جانە وڭىرلىك نارىقتاردا استانا اگلومەراتسياسىن ەكونوميكالىق ورنىقتىرۋ.
استانا اگلومەراتسياسىنىڭ ەكونوميكالىق ماماندانۋى قارجىلىق, الەمدىك دەڭگەيدەگى جوعارى مامانداندىرىلعان مەديتسينالىق, ءبىلىم بەرۋ قىزمەتتەرىن ۇسىنۋ, سونداي-اق جوعارى تەحنولوگيالىق وندىرىستەردى دامىتۋ بولىپ تابىلادى. «تسيفرلىق قازاقستان» مەملەكەتتىك باعدارلاماسى شەڭبەرىندە «اقىلدى قالالاردىڭ» ۇلگىلىك تۇجىرىمداماسى ازىرلەندى, ول Smart City تەحنولوگيالارىن ىسكە اسىرۋدىڭ نەگىزىن قالاۋشى قاعيداتتارىن, تاسىلدەرىن, ماقساتتارىن, باسىمدىقتارى مەن مىندەتتەرىن دە ايقىندايدى. بۇل جوبا ءبىرىنشى كەزەكتە استانادا ىسكە اسىرىلا باستادى.
سونىمەن قاتار مەديتسينالىق كلاستەر قۇرىلعان, ونىڭ شەڭبەرىندە مەديتسينالىق قىزمەتتەردىڭ 6 زاماناۋي ورتالىعى جۇمىس ىستەيدى.جالپى بارلىق 10 ءىس-شارا ورىندالدى جانە باقىلاۋدان الىندى.
ءۇشىنشى. وزەك-قالا استانانى, ونىڭ قالا ماڭى ايماعىن جانە تارتىلىس ايماعىن ينفراقۇرىلىمدىق ۇيلەستىرىپ دامىتۋ.
استانا اگلومەراتسياسى گەوگرافيالىق تۇرعىدان ءتيىمدى ورنالاسا وتىرىپ, قازاقستاننىڭ بارلىق كولىك جۇيەلەرىن ودان ءارى دامىتۋعا ىقپال ەتەتىن ءىرى حابقا اينالۋى ءتيىس.
مۇنداي ءىرى ينفراقۇرىلىمدىق جوبالاردى: «استانا — الماتى», «استانا — وسكەمەن» اۆتوجولدارىنىڭ قۇرىلىسىن, جاڭا اۋەجاي مەن تەمىرجول ۆوكزالىنىڭ قۇرىلىسىن ىسكە اسىرۋ رەسپۋبليكانىڭ كولىكتىك كاركاسىن ەلوردادان باستاپ شالعايعا ودان ءارى دامىتۋعا باعىتتالعان.
جالپى جوسپارلانعان 62 ءىس-شارانىڭ 51 ءىس-شاراسى ورىندالدى جانە باقىلاۋدان الىندى, 9 ءىس-شارا ورىنداۋ ساتىسىندا.
«قازىرگى كەزدە وڭىرارالىق جوسپاردىڭ 10 ءىس-شاراسى ىسكە اسىرىلۋدا. مەملەكەت باسشىسىنىڭ تاپسىرماسى بويىنشا 2018 جىلدىڭ سوڭىنا دەيىن ىرى قالالاردىڭ, ونىڭ ىشىندە استانا قالاسىنىڭ دامۋىنىڭ 2050 جىلعا دەيىنگى ۇزاق مەرزىمدى ستراتەگيالارى ازىرلەنەتىن بولادى», — دەپ ناقتىلادى ر. دالەنوۆ.
ءوز كەزەگىندە ينۆەستيتسيالار جانە دامۋ ءمينيسترى ج. قاسىمبەك اتاپ وتكەندەي, يدم 2020 ج. دەيىن استانا اگلومەراتسياسىن دامىتۋ بويىنشا وڭىرارالىق ءىس-شارالار جوسپارىنىڭ ءۇش پۋنكتىن ىسكە اسىرۋ بويىنشا جاۋاپتى بولىپ تابىلادى. بۇگىنگى تاڭدا جوسپاردىڭ ءبىر پۋنكتى ورىندالعان, ەكى پۋنكتى ورىندالۋ ۇستىندە.
«LRT جوباسى ىسكە اسىرىلۋدا. بۇگىنگى تاڭدا قىتاي كومپانيالارى كونسورتسيۋمىنىڭ قاتىسۋشىسى – China Railway №2 Engineering Group Co. كومپانياسى قۇرىلىس-مونتاجداۋ جۇمىستارىنا ليتسەنزيا ء(ى سانات) الدى جانە قادالى تىرەك, ەستاكادالاردى ورناتۋ بويىنشا شارالار جۇرگىزىلۋدە. بارلىق جەلى بويىنشا قۇرىلىس وبەكتىلەرىندە 121 اۋىر تەحنيكا, 2260 جۇمىسشى جۇمىلدىرىلعان», — دەدى ج. قاسىمبەك.
بۇدان وزگە, استانا قالاسى ماڭىنداعى ايماقتىڭ سىرتقى كولىك جۇيەلەرىمەن بايلانىستارى بار اينالما جولداردى (ىشكى جانە سىرتقى) دامىتۋ بويىنشا جۇمىستار جۇرگىزىلۋدە.
«استانا ق. سىرتقى اينالما جولدارىن تۇيىقتاۋ ماقساتىندا «استانانىڭ وڭتۇستىك–باتىس اينالما جولى» اۆتوكولىك جولىن سالۋ جۇمىستارى جۇرگىزىلۋدە. اۆتوجولدىڭ ۇزىندىعى – 33 شاقىرىم. جول ءتورت جولاقتىق قوزعالىسى بار ءى تەحنيكالىق ساناتتى بولادى. شارت بويىنشا قۇرىلىس جۇمىستارى 2017 جىلى باستالدى جانە 2019 جىلى جوبانى اياقتاۋ كوزدەلگەن», — دەپ اتاپ ءوتتى ج. قاسىمبەك.
سونداي-اق, استانا اكىمى اسەت يسەكەشەۆ, اقمولا وبلىسىنىڭ اكىمى مالىك مىرزالين استانا اگلومەراتسياسىن ىسكە اسىرۋ تۋرالى باياندادى.
استانا قالاسىنىڭ اكىمدىگى جوسپاردىڭ 45 پۋنكتىن ورىندادى, 8-ءى اتقارىلىپ جاتىر. اقمولا وبلىسى بەكىتىلگەن 32 شارانىڭ 31-ءىن ىسكە اسىردى.
