بۇل سەرۆيس ازاماتتاردىڭ: تۋى, ءولىم, نەكە قيۋ, اجىراسۋ, بالا اسىراپ الۋ, اكەلىگىن انىقتاۋ, اتى-ءجونىنىڭ وزگەرۋى سەكىلدى بارلىق 7 وقيعا قىزمەتىنىڭ (ونىڭ ىشىندە 2008 جىلعا دەيىن جاسالعان) ارحيۆتەگى اكتى جازبالارىن تسيفرلاۋعا جانە تەكسەرۋگە مۇمكىندىك بەرەدى. ەندى جوق نەمەسە دۇرىس ەمەس مالىمەتتى تۇزەتۋدى تسيفرلاندىرۋ ءۇشىن مىنا سىلتەمە eGov.kz ارقىلى قۇجاتتاردىڭ سكانەرلەنگەن كوشىرمەسىن جىبەرسەڭىز, سول جەتكىلىكتى. مىسالى, ءسىزدىڭ بالالارىڭىزدىڭ تۋ تۋرالى اكتىلىك جازباسىن تەكسەرۋ كەزىندە, بالا تۋرالى دەرەكتەر (تەگى, اتى, ازاماتتىعى, ۇلتى, تۋعان كۇنى, انا مەن اكە تۋرالى مالىمەتتەر) ۇسىنىلعان بولىمىندە دۇرىس ەمەس جازبالار ەنگىزىلگەنىن بايقاساڭىز, قۇجاتتاردىڭ سكانەرلەنگەن كوشىرمەلەرىن قويىپ, اقپاراتتى جاڭارتۋعا بولادى.
قىزمەت كورسەتۋدىڭ ناتيجەسى احاج اج مالىمەتتەرىن جاڭارتۋ مارتەبەسى تۋرالى اقپارات بولىپ تابىلادى. قىزمەتتىڭ كورسەتىلۋى مەرزىمى - 1 جۇمىس كۇنى, قىزمەت تەگىن كورسەتىلەدى. بۇل سەرۆيس ەلەكتروندىق ۇكىمەت پورتالىنىڭ باستى بەتىندە ورنالاسقان.
