بيىل Yessenov University-ءدى باكالاۆريات باعدارلاماسى بويىنشا 517, ماگيستراتۋرا باعدارلاماسى بويىنشا 67, كەشكى جانە سىرتقى بولىمدەردە 178 تۇلەك ءتامامدادى. ونىڭ ىشىندە 22 ستۋدەنت قىزىل ديپلوممەن ءبىتىرىپ وتىر. ۋنيۆەرسيتەتتە بۇگىندە 3100 ستۋدەنت ءبىلىم الۋدا, ونىڭ ىشىندە كۇندىزگى بولىمدە وقيتىن 2500 ستۋدەنتتىڭ 265-ءى مەملەكەتتىك گرانت بويىنشا وقىپ جاتىر. سونىمەن قاتار, وبلىس اكىمىنىڭ گرانتىمەن وقيتىن 79 ستۋدەنت بار.
«40 جىلدىق تاريحى بار, 35مىڭنان استام مامان دايىنداعان ۋنيۆەرسيتەت تۇلەكتەرى وبلىستىڭ الەۋمەتتىك-ەكونوميكالىق دامۋىنا قارقىندى ۇلەسىن قوسۋدا, حالىق شارۋاشىلىعىنىڭ بارلىق سالالارىندا قىزمەت اتقارۋدا. بۇگىندە ۋنيۆەرسيتەتتە 306 وقىتۋشى قىزمەت ەتسە, ونىڭ 12-ءسى عىلىم دوكتورى, 148-ءى عىلىم كانديداتى. سوڭعى دەرەك بويىنشا, ەسەنوۆ ۋنيۆەرسيتەتى رەسپۋبليكادا ءبىلىم بەرۋ دەڭگەيى جاعىنان 130 ۋنيۆەرسيتەتتىڭ ىشىندە 18-ورىندا. قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىن ورىنداۋ ماقساتىندا ۋنيۆەرسيتەتتە 500 ورىندىق 2 جاتاقحانا, كوللەدج ستۋدەنتتەرى ءۇشىن 1600 ورىندىق 4 جاتاقحانا سالۋ جوسپارلانىپ وتىر. جانە دە وسى جىلى ۋنيۆەرسيتەتتە ۇزدىكسىز ءبىلىم بەرۋ ينستيتۋتى اشىلعان بولاتىن», دەدى وبلىس اكىمى ەرالى توعجانوۆ.
سالتاناتتى شارا كونتسەرتتىك باعدارلاماعا ۇلاسىپ, مەرەكەلىك وت-شاشۋمەن اياقتالدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
