ىرگەلى ىزدەنىسكە لايىقتى باعا

جۋىردا استانانىڭ م.گوركي اتىنداعى ورىس دراما تەاترى ۆەن­گريادا گاسترولدىك ساپاردا بولىپ, راحىمجان وتارباەۆتىڭ «سۇلتان بەي­بارىس» سپەكتاكلىن ماديار جۇرتشىلىعىنا كورسەتىپ قايتتى. بۇل ساپار قازاقستان رەسپۋبلي­كا­­سى تاۋەلسىزدىگىنىڭ 20 جىلدىعى شەڭ­­بەرىندە ىسكە اسقان ەرەكشە ءما­­دە­ني جوبا بولدى. تەاتر ديرەكتو­رى ءارى كور­كەمدىك جەتەكشىسى ەركىن قاسە­نوۆتىڭ ايتۋىنا قاراعاندا, ەل ءتاۋ­ەلسىزدىگىنىڭ 20 جىلدىعىنا ار­نالعان گاسترولدىك جوبانى ىسكە اسىرۋعا قازاقستاننىڭ ماجار­ستان­­­داعى ءتو­تەن­شە جانە وكى­لەت­تى ەلشىسى راشيد يبراەۆ پەن ۆەن­گريانىڭ قازاق­ستان­داعى توتەنشە ءجا­نە وكىلەتتى ەلشىسى يمرە لاسلوتسكي ىقپال ەتكەن بولسا, قارجىلىق جانە ۇيىمداستىرۋشى­لىق جاعى­نان استانا قالاسىنىڭ اكى­مى يمان­عالي تاسماعام­بەتوۆ قولداۋ بىلدىرگەن ەكەن. قازاق­ستان­دىق تەاتر ۆەن­­گريانىڭ ءجۇز مىڭ­عا تارتا تۇرعى­نى بار سولنوك قالا­سىندا ونەر كورسەتتى. ءبىر جىل بۇرىن وسىندا كەلگەن ساپارىندا قازاقستاننىڭ ۆەن­گريادا­عى ەلشىسى راشيد يبراەۆ قالا باس­شى­لىعىمەن كەزدەسىپ, ەكى ەلدىڭ ارا­سىن­داعى جوعارى دەڭگەيدە كەلىسىلگەن ىن­تىماقتاستىق جونىندەگى كەلىسىم-شارت شەڭبەرىندە ەكونو­مي­كالىق, ءما­دەني-گۋمانيتارلىق سالادا ارىپتەس­تىك ورناتۋ جونىندە كەلىسكەن بولا­تىن. سول جو­لى وسى قالادا پرەزيدەنت ن.نازا­ر­باەۆتىڭ «قازاقستان­دىق جول» اتتى كىتا­بى­نىڭ تۇساۋ­كە­سەرى دە وتكىزىلىپ, «ءبۇ­گىنگى قازاقستان: حالىق بىرلىگى – ۇلتتىڭ ەڭ باستى جەتىستىگى» اتتى فيلم كورسەتىلگەن. استانا تەات­رى­­نىڭ مىنا ساپارى سول ءارىپ­تەس­تىكتى ودان ءارى تەرەڭدەتۋ ماق­ساتىندا جا­سال­عان شارالاردىڭ ءبىرى بولدى. «سۇلتان بەيبارىس» – استانالىق ورىس تەاترىنىڭ شوقتىعى بيىك قو­يى­لىمدارىنىڭ ءبىرى. سانكت-پە­تەر­­بۋرگ­تىك رەجيسسەر اندرەي كي­زيلوۆ­تىڭ بۇل سپەكتاكلى استانالىق كورەر­مەندەر تا­راپىنان جوعارى با­عاسىن العان بو­لا­تىن. اسىرەسە, سۋرەتشى قانات مانسۇروۆتىڭ ساح­نا­لىق دەكوراتسيا مەن رەكۆيزيتتەر جاساۋداعى تاپقىرلىعى جۇرتتىڭ اۋزىندا قالعان. ماديار ەلىندە ەجەلگى قىپشاق­تار ۇرپاقتارىنىڭ تۇراتىندىعى, ولار­دىڭ تىلدەرى مەن داستۇرلەرىنىڭ قازىرگى قازاقتارعا قاتتى ۇقسايتىن­دى­عى تۋرالى كوپتەن بەلگىلى. سون­دىق­تان دا استانالىق تەاتردىڭ تەگى قىپشاق بەيبارىستىڭ قۇلدىققا سا­تىل­عان جەرىندە ۇزاق جىلدار بويى سۇلتان بولعاندىعى تۋرالى وقيعانى كورسەتكەن قويىلىمى اي­رىقشا اسەر ەتتى. ونىڭ ۇستىنە وس­ىندا وقيتىن جۇزدەگەن قازاق جاس­تارى قازاق­ستان­دىق تەاتردىڭ ونە­رىن تاماشالاۋعا اسىعا جەتكەن ەكەن. ءتىپتى بۇل سپەكتاكلدى تاما­شا­­لاۋعا ەۋروپانىڭ كور­شىلەس مەم­­لە­كەتتەرىنەن دە قازاق­ستان­دىق­تار قۋانا جەتىپتى. قويىلىمعا ۆەنگريا ۇكىمەتى تا­راپىنان دا نازار اۋدارىلىپ, مەملەكەتتىك حاتشى ميحاي ۆارگا مەن مادەنيەت ءمينيسترى گەزا سوچ باس­تاعان رەسمي ادامدار قاتىستى. ولار قويىلىمنان سوڭ وزدەرىنىڭ ريزاشى­لىقتارىن ءبىلدىرىپ, ەكى ەل­دىڭ ارا­سىنداعى مادەني قارىم-قا­تىناستىڭ جاندانا تۇسۋىنە قىزمەت ەتكەن ونەر ۇجىمىنا العىس ايتتى. ال ەلدىڭ ەڭ باستى مەملەكەتتىك «دۋنا» تەلەار­نا­سى, رەسپۋبليكا­لىق جانە جەرگىلىكتى باق بۇل ساپاردىڭ ەلدىڭ مادەني ومىرىندەگى ەلەۋلى وقيعا ەكەندىگىن اتاپ ءوتتى. تاۋەلسىزدىك العان جىلداردا ءوز­گە ەل ساحنالارىنا شىعىپ, قازاق ونە­رىن كورسەتىپ جۇرگەن تەاترلا­رى­مىز ساۋساقپەن سانارلىقتاي عانا دەسەك, استانا قالاسىنداعى ورىس درا­ما تەاترى بىرقاتار جەتىستىكتەرگە قول جەتكىزىپ جۇرگەنىن ايتا كەتۋىمىز كەرەك. ولار رەسەيدىڭ سانكت-پەتەر­بۋرگ, ساران قالالا­رى­نىڭ ساحنالا­رىن ايتپاعاندا, قى­تايعا, يسپانيا­عا بارىپ, ونەر كورسەتىپ كەلدى. ەندى, مىنە, ەجەلگى ماجار ەلىنىڭ ساحنا­سىن­دا دا اتا قازاقتىڭ تاريحىنا تىكەلەي باي­لا­نىستى وقيعانى بايان­دايتىن قويى­لىم­دى ۇلكەن تابىسپەن كورسەتىپ قايتتى. تاۋەلسىزدىكتىڭ 20 جىلدىعى قار­­ساڭىندا ەلباسى ن.نازار­­باەۆ­تىڭ جار­لىعىمەن تەاترعا «اكا­دە­ميا­لىق» مارتەبەسىنىڭ,  ال تەاتر­دىڭ ديرەكتورى ءارى كوركەمدىك جەتەكشىسى ەركىن قاسەنوۆكە «قازاق­ستاننىڭ ەڭ­بەك سىڭىرگەن قايرات­كەرى» قۇرمەتتى اتاعىنىڭ بەرىلۋى وسىنداي ۇزدىك ەڭبەكتەرگە بەرىلگەن لايىقتى باعا دەپ بىلەمىز. جاقسىباي سامرات.