جايىقتىڭ بويى كوگىلدىر وتىنمەن قامتىلماق

ورال وڭىرىندە كۇردەلى قارجىنى قاجەت ەتەتىن ءىرى گاز قۇبىرلارى ماگيسترالدارىن تارتۋ ءىسى اياقتالدى. مۇنى تاۋەلسىزدىكتىڭ 20 جىلدىعىنا  قوماقتى سىي دەپ قا­بىلداعانىمىز ورىندى. جاقىندا وبلىس­تاعى ەلدى مەكەندەردى جاپپاي گازداندىرۋ جوباسى شەڭبەرىندە جاناما جانە سارى­ومىر اۋىلدارىندا كوگىلدىر وتىننىڭ الاۋى تۇتاندى. جاناما – مىڭعا جۋىق تۇرعىنى بار, وبلىس ورتالىعىنان ەڭ شالعاي ورنالاسقان, اتىراۋ ايماعىمەن شەكارالاس ەلدى مەكەن. ال ءسارىومىر – اقجايىق­تىڭ ءىنجۋ-مارجانى شالقار كولىنىڭ جاعا­سىندا ورنالاسقان اۋىل. بۇعان دەيىن بۇل جەرگە اسفالت جول مەن سۋ قۇبىرى تار­تىلعان ەدى. ەندى گاز كىرىپ وتىر. مۇنىڭ ءوزى شالقار كولىن تۋريزم ورتالىعىنا اي­نالدىرۋعا قاجەتتى العىشارتتار قالانىپ ۇلگەرگەنىن كورسەتەدى. بۇگىندە وڭىردە جايىق وزەنىنىڭ سول جاعالاۋىنداعى اۋىلداردى جانە تەرەكتى اۋدانىنىڭ بىرقاتار ەلدى مەكەندەرىن كوگىلدىر وتىنعا قوسۋدىڭ ناقتى باعدارلا­ما­سى ىسكە اسۋدا. بۇل ءۇشىن جوبالاۋ-سمە­تالىق قۇجاتتار جاسالىپ, وعان جەرگىلىكتى بيۋدجەتتەردەن ءتيىستى قاراجات بولىنگەن. ءارى بۇعان مەملەكەتتىك ساراپتامانىڭ وڭ قورىتىندىلارى الىنعان. تەمىر قۇسايىن, باتىس قازاقستان وبلىسى.