زاڭ جوباسى بالانىڭ قۇقىقتارىن قورعاۋدى باسىم تۇردە قامتاماسىز ەتۋ قاجەتتىلىگى نەگىزگە الىنا وتىرىپ, بالالاردىڭ اقپاراتتىق قاۋىپسىزدىگىن قامتاماسىز ەتۋگە باعىتتالعان, ونىڭ ىشىندە قازاقستان رەسپۋبليكاسى راتيفيكاتسيالاعان بۇۇ-نىڭ بالا قۇقىقتارى تۋرالى كونۆەنتسياسىندا بەكىتىلگەن, حالىقارالىق قۇقىقتىڭ جالپى تانىلعان قاعيداتتارى مەن نورمالارىنا سايكەس ازىرلەندى.
زاڭ جوباسىنىڭ مىندەتى بالالاردى فيزيكالىق جانە پسيحيكالىق دەنساۋلىعىنا, يماندىلىق, رۋحاني, پسيحيكالىق, فيزيكالىق جانە الەۋمەتتىك جاعىنان دامۋىنا زاردابىن تيگىزەتىن اقپاراتتان, ونىڭ ىشىندە زورلىق-زومبىلىق پەن قاتىگەزدىكتى, پورنوگرافيانى, قوعامعا جات جانە قۇقىق بۇزۋشىلىق مىنەز-ق ۇلىقتى ناسيحاتتايتىن باسپا, اۋديو- جانە اۋديو-بەينە ونىمدەردى, ەلەكتروندىق جانە كومپيۋتەرلىك ويىنداردى تاراتۋدان قورعاۋدىڭ ۇيىمداستىرۋشىلىق-قۇقىقتىق تەتىكتەرى مەن زاڭنامالىق كەپىلدىكتەرىن ەنگىزۋ بولىپ تابىلادى.
وسىعان بايلانىستى زاڭ جوباسىمەن:
بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ باسىمدىلىعىن ايقىنداۋ;
جاس سىنىپتاماسى مەن اقپاراتتىق ءونىمدى ماركالاۋدى ەنگىزۋ;
بالالاردىڭ دەنساۋلىعى مەن دامۋىنا زاردابىن تيگىزەتىن اقپاراتتى تاراتۋعا باقىلاۋ مەن قاداعالاۋدى جۇزەگە اسىرۋ جونىندەگى فۋنكتسيالاردىڭ اراجىگىن اجىراتۋ;
اقپاراتتىق ءونىمدى ماركالاۋدى جۇزەگە اسىراتىن سۋبەكتىلەردى (مەنشىك يەسى جانە (نەمەسە) تاراتۋشى) ايقىنداۋ جونىندەگى شارالار رەتتەلەدى.
سەناتورلار ودان باسقا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا قارادى.
نەگىزگى زاڭ جوباسىنىڭ تۇجىرىمدامالىق باعىتتارىن ەسكەرە وتىرىپ, جەتى زاڭنامالىق اكتىگە, ونىڭ ىشىندە قىلمىستىق كودەكسكە جانە كاسىپكەرلىك كودەكسىنە, اكىمشىلىك قۇقىق بۇزۋشىلىق تۋرالى كودەكسكە, «بۇقارالىق اقپارات قۇرالدارى تۋرالى», «قازاقستان رەسپۋبليكاسىنداعى بالانىڭ قۇقىقتارى تۋرالى», «مادەنيەت تۋرالى», «تەلەراديو حابارلارىن تاراتۋ تۋرالى» زاڭدارعا وزگەرىستەر مەن تولىقتىرۋلار ەنگىزۋ ۇسىنىلادى.
بۇل تۇزەتۋلەر سالاارالىق سيپاتقا يە, بالالاردى دەنساۋلىعى مەن دامۋىنا زاردابىن تيگىزەتىن, قازاقستان رەسپۋبليكاسىنىڭ زاڭدارىندا تىيىم سالىنباعان كەز-كەلگەن تاسىلمەن اشىق تاراتىلاتىن اقپاراتتان ولاردىڭ اقپاراتتىق قاۋىپسىزدىگىنە بايلانىستى قاتىناستاردى كەشەندى تۇردە قۇقىقتىق رەتتەۋگە ارنالعان.
قىلمىستىق كودەكس پەن اكىمشىلىك قۇقىق بۇزۋشىلىق تۋرالى كودەكسكە تۇزەتۋلەرمەن بالالاردى دەنساۋلىعى مەن دامۋىنا زاردابىن تيگىزەتىن اقپاراتتان قورعاۋ سالاسىنداعى زاڭنامانى بۇزعانى ءۇشىن ءتيىستى جاۋاپتىلىق كوزدەلەدى.
كاسىپكەرلىك كودەكسىنە, «بۇقارالىق اقپارات قۇرالدارى تۋرالى», «قازاقستان رەسپۋبليكاسىنداعى بالانىڭ قۇقىقتارى تۋرالى», «مادەنيەت تۋرالى» جانە «تەلەراديو حابارلارىن تاراتۋ تۋرالى» زاڭدارعا قولدانىستاعى نورمالاردى نەگىزگى زاڭ جوباسىنىڭ ەرەجەلەرىمەن ۇشتاستىرۋعا باعىتتالعان وزگەرىستەر ەنگىزىلەدى, اتاپ ايتقاندا فيلمدەردىڭ جاس سىنىپتاماسى ەنگىزىلەدى, فيلمدەردىڭ جاس ساناتى بەلگىسىن پايدالانۋ رەگلامەنتتەلەدى.
زاڭ جوباسى بالالاردىڭ تولىققاندى يماندىلىق, رۋحاني, پسيحيكالىق, فيزيكالىق جانە الەۋمەتتىك جاعىنان دامۋىنا زاردابىن تيگىزەتىن اقپاراتتان ولاردى قورعاۋ سالاسىنداعى قازىرگى زامانعى اقپاراتتىق كەڭىستىك جاعدايىنداعى بالانىڭ اقپاراتتىق قاۋىپسىزدىككە قۇقىقتارىن قامتاماسىز ەتۋدىڭ ءتيىمدى تەتىكتەرىن قۇرۋعا مۇمكىندىك بەرەدى.
زاڭ جوباسى قولدانىسقا ەنگىزىلگەننەن كەيىن بالالاردى اگرەسسيۆتى, قاتىگەز, قوعامعا جات مىنەز-ق ۇلىققا, قۇقىققا قايشى ارەكەتتەرگە يتەرمەلەيتىن, پسيحيكاسىن زاقىمدايتىن جانە بۇزاتىن ىقپالدار ازايا تۇسەتىن بولادى.
زاڭ جوبالارى پالاتانىڭ قاراۋىنا جىبەرىلدى.
