زاڭ جوباسىمەن اكىمشىلىك قۇقىق بۇزۋشىلىق تۋرالى كودەسىنە, كاسىپكەرلىك كودەكسىنە, «رۇقساتتار جانە حابارلامالار تۋرالى» جانە «گاز جانە گازبەن جابدىقتاۋ تۋرالى» زاڭدارىنا تۇزەتۋلەر ەنگىزىلەدى.
اكىمشىلىك قۇقىق بۇزۋشىلىق تۋرالى كودەسىنە ەنگىزىلەتىن تۇزەتۋلەر 2021 جىلدان باستاپ گاز جەلىسى ۇيىمدارىن اككرەديتتەۋ ينستيتۋتى تاراتىلاتىندىقتان وسى ۇيىمداردى اككرەديتتەۋمەن بايلانىستى نورمالار الىپ تاستالدى. سونداي-اق سۇيىتىلعان مۇناي گازىنىڭ كوتەرمە ساۋداداعى شەكتى باعالارىن ءونىم بەرۋ جوسپارى اياسىندا ەلەكتروندىق ساۋدا الاڭدارىنان تىس شەكتى باعالارعا اۋىستىرۋعا جانە سۇيىتىلعان مۇناي گازىن تيەپ-جونەلتۋ مونيتورينگىن جۇزەگە اسىرۋعا بايلانىستى ناقتىلاۋ سيپاتىنداعى تۇزەتۋلەردى كوزدەيدى.
كاسىپكەرلىك كودەكسىنە ەنگىزىلەتىن تۇزەتۋلەر دە جوعارىدا اتالعان وزگەرىستەرگە بايلانىستى وسى كودەكستىڭ ەرەجەلەرىن ناقتىلاۋعا باعىتتالعان.
«گاز جانە گازبەن جابدىقتاۋ تۋرالى» زاڭعا ەنگىزىلەتىن نەگىزگى وزگەرىستەر قازاقستاننىڭ ىشكى نارىعىنا ەسا ارقىلى سۇيىتىلعان مۇناي گازىن بەرۋدىڭ جاڭا تەتىگىن بەكىتۋ ارقىلى سۇيىتىلعان گازدىڭ كوتەرمە ساۋداداعى باعالارىن كەزەڭ-كەزەڭىمەن قايتا رەتتەۋگە باعىتتالعان.
وسى الاڭقاي ارقىلى ساتىلاتىن سۇيىتىلعان مۇناي گازعا ەنەرگەتيكا مينيسترلىگى بەكىتكەن تۇپكىلىكتى باعا قويىلمايدى.
سونداي-اق 2021 جىلعى 1 قاڭتاردان گاز جەلىسى ۇيىمدارى اراسىندا سۇيىلتىلعان مۇناي گازىن قايتا ساتۋدى توقتاتۋعا تىيىم سالۋ ۇسىنىلادى.
زاڭ جوباسى پالاتانىڭ قاراۋىنا ۇسىنىلدى.
