ق.توقاەۆ نەگىزگى ەكى اعىمنىڭ – جاھاندانۋ مەن ۇلتشىلدىقتىڭ ء تۇيىسۋى سالدارىنان تۋىنداعان الەمدەگى جاعدايلاردىڭ شيەلەنىستى سيپاتتارىن اتاپ ءوتتى. توراعا سونداي-اق قازىرگى زامانداعى حالىقارالىق قاتىناستاردا ءبىرىنشى كەزەكتە نارىق جولىنداعى كۇرەس كورىنىس تاۋىپ وتىرعانىنا توقتالدى. وسىعان بايلانىستى ىقپالداسۋ بىرلەستىكتەرىندەگى پروتسەستەر سالماقتى تالداۋدى قاجەت ەتەدى. قازاقستان ەكونوميكاسىنىڭ مۇددەسىنە وراي الەۋەتىن كۇشەيتۋ تۇرعىسىندا ەۋرازيالىق ەكونوميكالىق وداققا ەرەكشە نازار اۋدارىلۋى ءتيىس. توراعا ساراپشىلاردى جاھاندىق ساياساتتا سالماقتى ورىن الا باستاعان شىۇ ماسەلەلەرىمەن شۇعىلدانۋعا شاقىردى. قازاقستاننىڭ ورتالىق ازياداعى نەگىزگى مەملەكەتتەرمەن ىنتىماقتاستىعى ىرگەلى تالداۋ جۇمىستارى بويىنشا دامۋى ءتيىس.
ق.توقاەۆتىڭ پىكىرىنشە, كەڭەس اياسىندا جۇزەگە اساتىن تالداۋ جۇمىستارىنا ينستيتۋتتاردىڭ, ورتالىقتاردىڭ, جالپى العاندا ۇكىمەتتىك ەمەس ۇيىمداردان تۇراتىن بۇكىل ازاماتتىق قوعام وكىلدەرىن كەڭىنەن تارتۋ كەرەك.
بايانداماشى استانا حالىقارالىق قارجى ورتالىعىنىڭ تۇساۋكەسەرى; كاسپي ماڭى مەملەكەتتەرىنىڭ ءسامميتى; الەمدىك جانە ءداستۇرلى دىندەر ليدەرلەرىنىڭ VI سەزى سەكىلدى الدا بولاتىن گەوساياساتتاعى ماڭىزدى وقيعالار تۇرعىسىندا ساراپشىلاردىڭ كۇش-جىگەرى قاجەت بولادى. بۇل وقيعالار ساراپشىلاردان ورتا جانە ۇزاق مەرزىمدەگى كەلەشەككە كاسىبي بولجام جاساۋدى جانە پايدالى ۇسىنىستار ازىرلەۋدى تالاپ ەتەدى.
قازاقستاننىڭ حالىقارالىق قاتىناستارى جونىندەگى كەڭەستىڭ توراعاسى ەرلان قارين كەڭەستىڭ 2017 جىلعى جۇمىسى تۋرالى ەسەبى جانە 2018-2019 جىلدارعا ءىس-قيمىلدىڭ باسىم باعىتتارى تۋرالى ءسوز سويلەدى.
شاراعا ەلىمىزدىڭ سىرتقى ىستەر ءمينيسترى قايرات ءابدىراحمانوۆ, پرەزيدەنتتىڭ كومەكشىسى نۇرلان ونجانوۆ, وتاندىق جەتەكشى تالداۋ ورتالىقتارىنىڭ باسشىلارى, ساراپشىلار قاۋىمداستىعىنىڭ وكىلدەرى قاتىستى.
