كونكۋرس باعدارلاماسى سان ءتۇرلى تاقىرىپتاردان قۇرالعان بولاتىن, ولار: «قايسار» اسكەري-سپورت سايىسى, «بارىس» اسكەري قويان-قولتىق كۇرەسى, وق دايىندىعىنان «مەرگەن» ەتاپى, اسكەري تەحنيكانى جۇرگىزۋدەن «تۇلپار», بىلىمدىلەر اراسىنان ء«بىلىمپاز» ەتاپى, «شەبەر» تەحنيكالىق دايىندىق تاقىرىبى, «دەنساۋلىق» اسكەري-مەديتسينالىق دايىندىعى مەن «باعدار» اسكەري توپوگرافيا تاقىرىپتارى.
كونكۋرس ناتيجەسى بويىنشا «ۇزدىك باتالون سەرجانتى» اتاعىن 30238 اسكەري بولىمىنەن (اقتوبە) 3 سىنىپتى سەرجانت ارتۋر قازىباەۆ يەلەندى. «ۇزدىك روتا سەرجانتى» اتاعى 75488 اسكەري ءبولىمىنىڭ اسكەري قىزمەتشىسى (اقتاۋ) 3 سىنىپتى سەرجانت سامات اباي ۇلىنا بۇيىرسا, 99116 اسكەري بولىمىنەن سەرجانت جۇماعالي مۇزداق پەن كىشى سەرجانت الماسحان مامبەتوۆ, سايكەسىنشە «ۇزدىك ۆزۆود سەرجانتى» مەن « ۇزدىك بولىمشە سەرجانتى» نوميناتسيالارىندا جەڭىمپاز اتاندى.
- ءبىز جىل سايىن وسى كونكۋرستىڭ دەڭگەيى مەن سەرجانتتاردىڭ كورسەتكىشتەرىن جاقسارتۋعا بارىمىزدى سالامىز كەلەمىز. بۇگىنگى كۇنى, سەرجانت كورپۋسى «مەن سياقتى جاسا, مەنەن دە جاقسى جاسا» ۇرانىمەن جەكە قۇرامدى العا جەتەلەپ, وڭىرلىك قولباسشىلىقتىڭ قۋاتىن ارتتىرۋعا ءوز سەپتىگىن تيگىزىپ كەلەدى, دەدى 99116 اسكەري ءبولىمىنىڭ سەرجانتى - 2 سىنىپتى سەرجانت باعدات ۇلىقپانوۆ.
كونكۋرس سوڭىندا جەڭىمپازدار باعالى سىيلىقتارمەن جانە گراموتالارمەن ماراپاتتالدى. سونىمەن قوسا, ءار تاقىرىپتاعى ۇزدىك سەرجانتتاردا نازاردان تىس قالمادى.
بۇگىنگى كۇنى «باتىس» وڭىرلىك قولباسشىلىعى سەرجانتتار قۇرامى, جەكە قۇرامنىڭ جاۋىنگەرلىك جانە دەنە دايارلىعىنداعى, جوعارى اسكەري ءتارتىپتى ۇستاۋداعى, كۇندەلىكتى اسكەري قىزمەت ءۇردىسىن قاداعالاۋداعى الاتىن ورىندارى زور.
رۇستەم يگيسينوۆ,
«باتىس» وڭىرلىك قولباسشىلىعى باسقارماسىنىڭ ءباسپاسوز قىزمەتى, اعا لەيتەنانت.
ماڭعىستاۋ وبلىسى
