«ادۆوكاتتىق قاۋىمداستىقتىڭ وتىنىشتەرى بويىنشا زاڭ جوبالارىن تالقىلاۋ بارىسىندا حالىقارالىق ۇيىمدار مەن ساراپشىلاردىڭ پىكىرلەرى ەسكەرىلدى, ولار زاڭ جوباسىن سىنعا الىپ, سونىمەن بىرگە ادۆوكاتتىق قىزمەتتىڭ حالىقارالىق ستاندارتتارىنا قايشى كەلەتىن ءپرينتسيپتى كەلىسپەۋشىلىكتەر بويىنشا الاڭداۋشىلىق ءبىلدىردى. سونىمەن بىرگە جوبانىڭ كوپتەگەن قاراما-قايشى جەرلەرى تۇزەتىلدى, ءبىزدىڭ ۇسىنىستارىمىز تىڭدالدى جانە تالقىلاندى.
بارلىق حالىقارالىق ساراپشىلار جۇمىس توبىنىڭ وتىرىسىنا شاقىرىلىپ, پىكىرلەرىن ايتتى», دەيدى ول. ناتيجەسىندە, ەنگىزىلگەن تۇزەتۋلەردىڭ ارقاسىندا زاڭنىڭ رەتتەلۋىنىڭ نەگىزگى قاعيدالارى مەن زاڭ ەرەجەلەرىنىڭ مازمۇنى, تارتىپتىك كوميسسيالاردىڭ ءىس-قيمىل ءتارتىبى حالىقارالىق ستاندارتتارمەن ۇيلەستىرىلىپ, ادۆوكاتتىق وردەردىڭ كۇشىن جويۋ سياقتى داۋلى ماسەلەلەر شەشىلگەن. سونىمەن بىرگە ادۆوكاتتىق قىزمەت كەپىلدىكتەرىنىڭ تىزبەسى كەڭەيتىلگەن, وسى قىزمەتپەن اينالىسۋعا ارنالعان ليتسەنزيانىڭ قولدانىلۋىن توقتاتا تۇرۋ جانە ايىرۋ ماسەلەلەرى شەشىلدى جانە ولاردىڭ اتتەستاتسيالاۋ ءتارتىبى جاقسارعان.
جالپى, جۇمىس توبىنىڭ 50 وتىرىسى وتكىزىلىپ, وعان وسى قىزمەتكە قاتىستى ماماندار, رەسپۋبليكالىق ادۆوكاتتار القاسىنىڭ وكىلدەرى, اۋماقتىق القالاردان ادۆوكاتتار قاتىسقان. ادۆوكاتتىق قاۋىمداستىقتىڭ وتىنىشتەرىمەن حالىقارالىق ۇيىمدار مەن ساراپشىلاردىڭ قورىتىندىلارى كەلىپ تۇسكەن. سونىڭ ىشىندە حالىقارالىق ادۆوكاتتار وداعىنىڭ (دوستاستىقتىڭ) قورىتىندىسى, حالىقارالىق زاڭگەرلەر كوميسسياسىنىڭ ۇندەۋى, ەۋروپا كەڭەسى ساراپشىسىنىڭ ساراپتامالىق قورىتىندىسى, حالىقارالىق ادۆوكاتتار قاۋىمداستىعىنىڭ (IBA) جوباعا ساراپتامالىق تالداۋى, سۋديالار مەن ادۆوكاتتاردىڭ تاۋەلسىزدىگى بويىنشا بۇۇ ارنايى بايانداماشىسىنىڭ ۇندەۋى, ەقىۇ دەموكراتيالىق ينستيتۋتتار مەن ادام قۇقىقتارى بيۋروسىنىڭ (دياقب) قورىتىندىسى سياقتى قۇجاتتار تالقىلاۋشىلارعا ۇسىنىلعان.
قۇرامىنا تۇركيا, ازەربايجان, البانيا, رەسەي, مولدوۆا, قىرعىزستان, موڭعوليا, بوسنيا, تاتارستان جانە باسقا دا ەلدەر ادۆوكاتتىق قاۋىمداستىقتارىنىڭ وكىلدەرى ەنگەن اسسوتسياتسيانىڭ ۇسىنىستارى دا قارالعان.
وسىنداي جۇمىستار جۇرگىزىلگەننەن كەيىن زاڭ جوباسى پارلامەنت ءماجىلىسىنىڭ 2018 جىلدىڭ 5 ماۋسىمىنداعى جالپى وتىرىسىندا ەكىنشى رەت قارالىپ, ماقۇلدانعان سوڭ سەناتتىڭ قاراۋىنا جىبەرىلدى.
دايىنداعان جاقسىباي سامرات,
«ەگەمەن قازاقستان»
