ءانۇران وينالىپ, تۋ كوتەرىلگەن ءسات

تاۋەلسىزدىك جىلدارىندا ەلىمىزدە تۇڭعىش رەت بوكس­تان ەكى دۇركىن الەم چەمپيونى اتانعان سەرىك ساپيەۆپەن شاعىن سۇحبات – بالا كەزىڭدە وسىنداي ءدا­رە­جەگە جەتەمىن دەپ ويلادىڭ با؟ – ەشقاشان ويلاماپپىن. ار­مان­داعان دا ەمەسپىن. ءبارى رەت-رەتىمەن بولدى عوي ءوزى. ءبارى دا­يىندىقتىڭ ارقاسىندا كەلدى. باپكەرلەر قۇراماعا العاندا, سولار­دىڭ سەنىمىن اقتاسام دەپ ۇزاقتى كۇن دايىندالىپ  ءجۇردىم. – ەكى رەت الەم چەمپيونى اتان­عاندا قانداي سەزىمدە بولدىڭ؟ – بۇل سەزىمدى ەندى ايتىپ جەتكىزۋ قيىن. العاشقى جەڭىس 2005 جى­لى مينياندا وتكەن الەم چەم­پيوناتىندا بولدى عوي. ودان كەيىن 2007 جىلى چيكاگودا وتكەن چەمپيوناتتا جەڭىس تۇعىرىنىڭ ەڭ بيىك ساتىسىنا كوتەرىلدىم. بۇل – مەنىڭ ەڭ باقىتتى ساتتەرىمنىڭ ءبىرى. سول كەزدە ازداپ قوبالجۋ بول­عانى راس. بىراق, ارتىنان ەلىمىزدىڭ ءانۇرانى وينالىپ, تۋىمىز كوتە­رىلگەندە بويىمدى ەرەكشە ءبىر قۋانىش سەزىمى بيلەدى. – وسىنىڭ ءبارى تاۋەل­سىز­دىك­­تىڭ ارقاسىندا كەلدى ەمەس پە؟ تاۋەل­سىزدىكتىڭ ساعان جا­ساعان تاعى ءبىر سىيى بەيجىڭ وليم­پياداسىنىڭ اشىلۋ سال­تانا­تىندا ەلىمىزدىڭ مەملەكەتتىك تۋىن الىپ شىققا­نىڭ بولدى عوي. – ءيا, وسىنىڭ ءبارى تاۋەلسىز­دىكتىڭ ارقاسىندا ەكەنىن جاقسى تۇسىنەمىن. تاريحتا ونىڭ قادىر-قاسيەتىن بىلگەن دە بار, بىلمەگەن دە بار. بۇل تۋرالى كوپ ايتا بەرۋگە بولادى. ال ءبىزدىڭ تاۋەلسىز­دىگىمىز اتا-بابالارىمىزدىڭ عا­سىر­لار بويعى ارمانى, ماقساتى ەدى. ول بىزگە تارام-تارام ۇرپاق ارقىلى كەلىپ جەتتى. سوندىقتان ءبىزدىڭ ۇرپاقتى باقىتتى ۇرپاق دەۋ­گە بولادى.  ويتكەنى, قازىر ءبىز ەلىمىز تاۋەلسىزدىك العانىن كورىپ, ەگەمەن, ازات ەلدە ءومىر ءسۇرىپ جاتىرمىز. ءوزىم بوكسشى بولعاننان كەيىن سپورتتا تاۋەلسىزدىكتىڭ قادىر-قا­سيەتىنىڭ قانداي بولاتىنىن جاق­سى بىلەمىن. مۇنى مەن عانا ەمەس, باسقا سپورتشىلاردىڭ دا بىلەتىنىنە ەش كۇمانىم جوق. جاڭا بەيجىڭ وليمپياداسى تۋرالى ايتىپ قالدىڭ عوي. بۇل دا مەنىڭ ءومى­رىمدەگى ەڭ باقىتتى ساتتەردىڭ ءبىرى. ول ءبىر جاعىنان ابىروي, ەكىنشى جاعىنان ۇلكەن جاۋاپكەرشىلىك بولعانىن ايتۋ كەرەك. بۇل ماعان ەلىمىزدىڭ كورسەتكەن سەنىمى ەكەنىن دە جاقسى تۇسىنەمىن. سول ءۇشىن سپورتتىڭ باسى-قاسىندا جۇرگەن اعالارىما العىسىمدى ايتقىم كەلەدى. مۇنداي سەنىم ەكىنىڭ بىرىنە ارتىلمايدى عوي. قازىر ۇلتتىق قۇرامانىڭ كاپي­تا­نى بولعان سوڭ, وكشەمنەن باسىپ كەلە جاتقان جاستارعا ەل نامىسىن قورعاۋدىڭ ۇلگىسىن كورسەتۋگە ۇمتىلىپ ءجۇرمىن. مەنىڭ ەندىگى ءبىر ارماندارىم, اۋەلى وليمپيادا چەمپيونى اتانۋ, سوسىن ءۇش دۇركىن الەم چەمپيونى اتاعىن جەڭىپ الۋ. ماعان سەنسەڭىزدەر, ءتۇپتىڭ-ءتۇ­بىندە ارمانىما جەتپەي قويماي­مىن. – بۇرىن سەن قازاقشا ونشا سويلەي بەرمەيتىن ەدىڭ. قازىر باسقاشا... – راس, بۇرىن ورىسشا سويلەي­تىنمىن. وعان ورتام اسەر ەتتى. قۇراماعا كەلگەلى بەرى قازاقشا ۇيرەنىپ الدىم. – باكۋدەگى الەم چەمپيوناتى قالاي بولدى ءوزى؟ – فينالعا دەيىن ءبارىن تازا جەڭگەنىمدى كوردىڭىزدەر. ال فينالدا تاراس شەلەستيۋكپەن كەزدەسكەندە ءبارى باسقاشا بولدى. بۇعان دەيىن ونى ەكى رەت جەڭگەن ەدىم. امال نە, قولدان كەلگەننىڭ ءبارىن جاسادىم. – ايەلدەر بوكسىنا قالاي قارايسىڭ؟ – مەنىڭشە, ايەلدەرگە بوكس كە­رەك ەمەس. ەگەر مەنىڭ تۋعان-تۋىس­تارىمنىڭ ىشىندە بوكسپەن اينا­لىساتىن قىزدار بولسا, وعان قار­سى بولار ەدىم. ال بىلايشا ايت­قاندا, ايەلدەر بوكسى ەل ءۇشىن جاقسى شىعار. اڭگىمەلەسكەن  داستان كەنجالين.