جاسامپازدىق جەتىستىكتەرى

حالقىمىزعا عاسىرلار بويى ارمان بولعان تاۋەلسىزدىك, ەگەمەندىك ۇستانىمدارىن بيىككە كوتەرەتىن بيىلعى جىل – ءبىزدىڭ وتانىمىزدىڭ ءاربىر ازاماتى ءۇشىن ماڭىزدى, مارتەبەلى كە­زەڭ. بۇرىن-سوڭدى ورتالىق ازيا ايماعى تەك گەوگرافيالىق ۇعىم رەتىندە قارالىپ كەلگەن بولسا, ەندىگى جەردە ەۋرا­زيا­نىڭ جۇرەگىندە ورنالاسقان ەلىمىز – تاۋەلسىز قازاقستان, ەل­باسىمىز نۇرسۇلتان نازار­با­ەۆ­تىڭ حالىقارالىق دارەجەدەگى بەدەلىنىڭ ارقاسىندا, الەمدىك دەڭگەيدەگى ساياسي شەشىمدەر قا­بىلدايتىن ورتالىققا اينالىپ كەلەدى دەسەك ارتىق ەمەس. دامۋدىڭ جاڭا داڭعىلىنا تۇسكەن قوعام جەتىستىكتەرىندە قىزىلوردا جۇرتشىلىعىنىڭ دا ۇلكەن ۇلەسىنىڭ بار ەكەنىن ماقتانىشپەن ايتا الامىز. جول ينفراقۇرىلىمى – قا­شان­دا ەكونوميكانىڭ كۇرەتا­مى­رى. مەملەكەت باسشىسى جىل سايىنعى جولداۋلارىندا جەرگىلىكتى ماڭىزى بار جول­دار­دى بارىنشا دامىتۋدى قام­تا­ماسىز ەتۋ قاجەت ەكەندىگىن مىندەتتەپ كەلەدى. وسى رەتتە, ين­فراقۇرىلىمداردى جاڭارتىپ-جاڭعىرتۋ جانە جوندەۋ باعى­تىندا ەلباسى جولداۋىنان تۋ­ىندايتىن ماقسات-مىندەتتەردى جۇزەگە اسىرۋ دا وبلىس اكىم­دىگىنىڭ باستى نازارىندا. رەسپۋبليكامىزدا العاش­قى­لاردىڭ ءبىرى بولىپ اۋىلدىق ەلدى مەكەندەردىڭ كوشە-جول تو­راپ­تارىن جوندەۋدەن وتكىزۋ جۇ­مىس­تارىن قولعا الا باس­تا­دىق, اتاپ ايتساق, وتكەن جىلى وب­لىسقا قا­راستى 100-گە جۋىق ەلدى مەكەن­دەر­دىڭ كوشەلەرىنە تۇگەن­دەۋ مەن زەرتتەۋ جۇمىس­تارى ءجۇر­گىزىلگەن. ناتيجەسىندە, وسى جىلعا وبلىس­تىق بيۋدجەتتەن 7 اۋدانعا قاراس­تى 26 ەلدى مە­كەننىڭ 100 شاقى­رىمداي كو­شەلەرىن جوندەۋدەن وتكىزۋگە 1,0 ملرد. تەڭگە قارجى وبلىستىق بيۋدجەت ەسەبىنەن ءبول­ى­نىپ, قازىر ماقساتتى جۇمىستار تولىعى­مەن اتقارىلىپ ءبىتتى. سونىمەن قاتار, 2008 جىلى رەسپۋبليكالىق بيۋدجەت ەسەبىنەن باستالعان جالپى قۇنى 1,5 ملرد. تەڭگەدەن استام قارجىنى قۇراعان قارماقشى اۋدانىنا قاراستى «سامارا-شىمكەنت-اق­جار-تۇرماعانبەت-كو­مەك­با­ەۆ» اۆتوموبيل جولىنىڭ كۇر­دەلى جوندەۋ جۇمىستارى تولىق اياقتالىپ پايدالانۋعا بەرىلدى. جالپى, وسى جىلى جولاۋ­شى­لار كولىگى جانە اۆتوموبيل جول­دارى باسقارماسى ارقىلى 3,5 ملرد.-تان استام قارجىعا جول ينفراقۇرىلىمدارى بوي­ىنشا جۇ­مىستار اتقارىلىپ, ناتيجە­سىن­دە 211 شاقىرىم جول­دار مەن كو­شەلەر بويىنشا جۇمىستار جاسالدى. جولاۋشى تاسىمالى بوي­ىن­شا وبلىستاعى شالعاي اۋىلدىق ەلدى مەكەندەرىن اۋدان جانە وب­لىس ورتالىعىمەن بايلانىستى­را­تىن 246 تۇراقتى اۆتوبۋس قا­تى­ناسى ۇيىمداستىرىلىپ, ءبۇ­گىنگى كۇنى وبلىستىڭ 212 ەلدى مەكەنىمەن كولىك قاتىناسى  ور­ناتىلعان. ال اۋە كولىگى بوي­ىنشا وبلىس ورتالىعىن رەس­پۋب­ليكامىزدىڭ استانا, الما­تى جانە باسقا دا وبلىس ور­تالىقتارىمەن بايلانىستىرۋ ءۇشىن «ەير استانا» جانە «سكات» اۋە كومپانيالارى اپتا­سىنا 31 رەيس ورىنداۋدا. وسى جىلدىڭ 30 قازانىنان باستاپ قىزىلوردا-استانا ءجا­نە قىزىلوردا-الماتى رەيستەرى بويىنشا سىيىمدىلىعى 98 ورىندىق «Embraer-190» (برازيليا) ۇشاقتارى ۇشىپ, بۇل ءوز كەزەگىندە ۇشۋ ۋاقىتىنىڭ ءبىرشاما قىسقارۋىنا اكەلدى. ەلباسىنىڭ ءوزى الاشتىڭ اناسى اتاعان سىر ولكەسىن مەم­لەكەت باسشىسىنىڭ سەنىمدى تىرەگىنە اينالدىرۋعا اتسا­لى­سىپ, بىرلىگىمىزدىڭ بەلگىسى رەتىندە ناقتى شارالاردىڭ ورىن­دالۋىن قولعا الۋىمىز قاجەت دەپ ويلايمىن. امىرقۇل جىلقىايداروۆ, قىزىلوردا وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باستىعى.