«پارلامەنتتىڭ 2013 جىلعى 20 جەلتوقسانداعى №15 قاۋلىسىنا سايكەس قر قارۋلى كۇشتەرىنىڭ وفيتسەرلەرىن بەيبىتشىلىك پەن قاۋىپسىزدىكتى قولداۋ جونىندەگى جارتىلاي مىندەتتەردى ورىنداۋ ءۇشىن بۇۇ-نىڭ بىتىمگەرشىلىك ميسسيالارىنا اسكەري بايقاۋشىلار رەتىندە جىبەرۋ جۇزەگە اسىرىلادى. 2014 جىلدان باستاپ قازىرگى ۋاقىتقا دەيىن 11 وفيتسەر 12 اي باتىس ساحارادا جانە كوت ديۆۋاردا بۇۇ-نىڭ ميسسيالارىنا قاتىستى. پارلامەنت ماقۇلداعان گايتي مەن ليبەرياداعى باسقا 2 ميسسياعا جىبەرۋ كونتينگەنت اۋقىمىنىڭ قىسقارۋىنا جانە بۇۇ-نىڭ سۇراۋىنىڭ بولماۋىنا بايلانىستى جۇرگىزىلمەدى. كوت د`يۆۋاردىڭ تۇراقتالۋىنا بايلانىستى وسى ەلدەگى بۇۇ-نىڭ ميسسيالارىنا اسكەري بايقاۋشىلار مۇنان ارى جىبەرىلمەيدى», - دەلىنگەن ەلباسى ۇسىنىسىندا.
سونىمەن قاتار مەملەكەت باسشىسىنىڭ دەرەگىنشە, قازىرگى ۋاقىتتا باتىس ساحارادا بۇۇ-نىڭ ميسسياسىندا قازاقستاننىڭ 5 اسكەري قىزمەتشىسى قىزمەت اتقارۋدا. كوپتەگەن قازاقستاندىق وفيتسەرلەر بىتىمگەرشىلىككە قوسقان ۇلەسى ءۇشىن مەدالدارمەن ناگرادتالدى جانە ميسسيالاردان العىس الدى. سونداي-اق ساحارادا بۇۇ-نىڭ ميسسياسىندا باسشىلىق لاۋازىمدارعا تاعايىندالعان قازاقستاندىقتار دا بار.
«بۇۇ-نىڭ باسشىلىعى اسكەري قىزمەتشىلەردىڭ دايارلىق دەڭگەيىنە جوعارى باعا بەردى جانە ولاردىڭ سانىن ارتتىرۋعا مۇددەلىلىك تانىتۋدا. وسىعان بايلانىستى بىتىمگەرشىلىك قىزمەتكە قاتىسۋدى كەڭەيتۋ ماقساتىندا اسكەري بايقاۋشىلار مەن شتابتىق وفيتسەرلەردى, قر قارۋلى كۇشتەرىنىڭ وفيتسەرلەرىن بۇۇ-نىڭ ميسسيالارىنا قاتىسۋ گەوگرافياسىن كەڭەيتۋ ۇسىنىلادى. بۇل بۇۇ-نىڭ بىتىمگەرشىلىك وپەراتسياسىن جۇرگىزۋ اۋماعىنداعى قاۋىپسىزدىك پەن اعىمداعى احۋال تۋرالى اۋقىمدى اقپارات الۋعا جانە وسى اقپاراتتى كونتينگەنت قۇرامىندا ميسسياعا ودان ارى قاتىسۋ جونىندەگى ۇستانىمدى پىسىقتاۋ ءۇشىن پايدالانۋعا مۇمكىندىك بەرەدى. ودان باسقا ميسسيادا بولۋ ناتيجەسىندە الىنعان حالىقارالىق ستاندارتتار جونىندەگى تاجىريبە مەن جۇمىس داعدىلارى قارۋلى كۇشتەردىڭ ەلىمىزدەگى وقۋ-جاتتىعۋ تالاپتارى وتكىزەتىن وقۋ, ءبىلىم بەرۋ پروتسەسىندە قولدانىلادى. كوماندالىق جانە شتابتىق لاۋىزىمدارعا تاعايىنداۋ كەزىندە ەسكەرىلەدى. وسى كونتەكستە قورعانىس مينسترلىگى سىرتقى ىستەر مينيسترلىگىمەن بىرلەسىپ, قاۋىپسىزدىك سالاسىنداعى اسكەري-ساياسي ىنتىماقتاستىعى, ساياسي ىنتىماقتاستىعى جانە قازاقستاننىڭ باسقا مەملەكەتتەرمەن قارىم-قاتىناستارىن ەسكەرە وتىرىپ, باسىمدىق بەرىلگەن بىتىمگەرشىلىك ميسسيالارىنىڭ ءتىزىمىن ازىرلەدى», - دەلىنگەن پرەزيدەنت ۇسىنىسىندا.
پرەزيدەنتتىڭ پايىمىنشا, بۇۇ-نىڭ ميسسيالارىنداعى قازاقستان اسكەري بايقاۋشىلارى مەن شتابتىق وفيتسەرلەرىنىڭ سانىن ارتتىرۋ حالىقارالىق قاۋىپسىزدىكتى نىعايتۋعا ەلەۋلى ۇلەس قوسۋمەن قاتار قازاقستاننىڭ بەدەلىن بۇۇ-نىڭ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قىزمەتى اياسىندا حالىقارالىق قاۋىپسىزدىكتىڭ جاۋاپتى مۇشەسى رەتىندە نىعايتا تۇسەدى.
«وسى ايتىلعان مىندەتتەردى شەشۋ ءۇشىن قر كونستيتۋتسياسىنىڭ 53-بابىنا سايكەس مىنالاردىڭ قۇرامىندا اسكەري بايقاۋشىلار مەن شتابتىق وفيتسەرلەر رەتىندە بۇۇ-نىڭ ميسسيالارىنا قاتىساتىن قر قارۋلى كۇشتەرىنىڭ وفيتسەرلەرىن 40 ادامعا دەيىن جىبەرۋ تۋرالى ۇسىنىس ەنگىزەمىن», - دەدى مەملەكەت باسشىسى.
جالپى وتىرىستى اشقان ءماجىلىس سپيكەرى نۇرلان نىعماتۋلين ەڭ الدىمەن قر پرەزيدەنتى نۇرسۇلتان نازارباەۆتىڭ قر قارۋلى كۇشتەرىنىڭ اسكەري قىزمەتشىلەرىن بۇۇ-نىڭ ميسسيالارىنا قاتىسۋ ءۇشىن جىبەرۋ تۋرالى ۇسىنىستارى قارالاتىندىعىن ءمالىم ەتتى.
«قۇرمەتتى ارىپتەستەر! قر كونستيتۋتسياسىنىڭ 53-بابى 5-تارماقشاسىنا سايكەس پرەزيدەنت ۇسىنىسى بويىنشا پارلامەنت حالىقارالىق مىندەتتەمەلەرىن ورىنداۋ ءۇشىن رەسپۋبليكانىڭ قارۋلى كۇشتەرىن پايدالانۋ تۋرالى شەشىم قابىلدايدى», - دەپ اتاپ ءوتتى. ەلباسى ۇسىنىسىن قر قورعانىس مينيسترى ساكەن جاسۇزاقوۆ جاريالادى.
قازاقستان پرەزيدەنتى نۇرسۇلتان نازارباەۆ ەل پارلامەنتىنە قازاقستاندىق وفيتسەرلەر جىبەرىلەتىن بۇۇ ميسسيالارىنىڭ ءتىزىمىن ۇسىندى. قر پرەزيدەنتى قر كونستيتۋتسياسىنىڭ 53-بابىنا سايكەس بىرقاتار كونتينگەنتتىڭ قۇرامىندا اسكەري بايقاۋشىلار مەن شتابتىق وفيتسەرلەر رەتىندە بۇۇ-نىڭ ميسسيالارىنا قاتىساتىن قر قارۋلى كۇشتەرىنىڭ وفيتسەرلەرىن 40 ادامعا دەيىن جىبەرۋ تۋرالى ۇسىنىس ەنگىزگەن بولاتىن. ء«بىرىنشى - بۇۇ-نىڭ تاياۋ شىعىستاعى ميسسياسى. ەكىنشى - بۇۇ-نىڭ كيپرداعى بەيبىتشىلىكتى قولداۋ جونىندەگى قارۋلى كۇشتەرى. ءۇشىنشى - بۇۇ-نىڭ ۇندىستانداعى جانە پاكىستانداعى اسكەري بايقاۋشىلار توبى. ءتورتىنشى - بۇۇ-نىڭ ليۆانداعى ۋاقىتشا كۇشتەرى. بەسىنشى - بۇۇ-نىڭ باتىس ساحارادا رەفەرەندۋم جۇرگىزۋ جونىندەگى ميسسياسى», - دەلىنگەن نۇرسۇلتان نازارباەۆتىڭ ۇسىنىسىندا. قر پارلامەنتىنىڭ دەپۋتاتتارى ەلباسىنىڭ بۇل ۇسىنىسىنا تولىقتاي قولداۋ ءبىلدىرىپ, ارنايى قاۋلى قابىلدادى.
