ميسسيا بايقاۋشىلارىمەن كەزدەستى

كەشە قازاقستان رەسپۋبليكاسى ورتالىق سايلاۋ كوميسسياسىندا كوميسسيا باسشىلىعى قازاق­ستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىن بايقاۋ جونىندەگى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دە­مو­كراتيالىق ينستيتۋتتار مەن ادام قۇقىقتارى جونىندەگى بيۋروسىنىڭ (ەقىۇ/دياقب) ميسسياسى نەگىزگى توبىنىڭ ەقىۇ/دياقب ديرەكتورىنىڭ ءبىرىنشى ورىنباسارى داگلاس بريۋس ۋەيس باستاپ كەلگەن بايقاۋشىلارمەن كەزدەستى. ورتالىق سايلاۋ كوميسسياسىنىڭ توراعاسى قۋان­دىق تۇرعانقۇلوۆ ەقىۇ/دياقب ميسسياسىنىڭ وكىل­دەرىن سايلاۋ ناۋقانىنىڭ بارىسىمەن تانىستىرىپ ءوتتى جانە بۇل رەتتە ساياسي پارتيالار ۇسىنعان پار­تيالىق تىزىمدەردى تىركەۋ, سايلاۋ ۇدەرىسىنە قاتىسۋ­شى­لار مەن سايلاۋدى ۇيىمداستىرۋشىلاردى وقىتۋدى ۇيىمداستىرۋ, سايلاۋ ناۋقانىنا اقپاراتتىق قولداۋ كورسەتۋ ماسەلەلەرىنە توقتالدى. سونداي-اق ورت­ساي­لاۋ­كوم باسشىسى كەزدەسۋگە قاتىسۋشىلاردى رەسپۋبليكا ءماسليحاتتارى دەپۋتاتتىعىنا كانديداتتار ۇس­ىنۋ بارىسى تۋرالى قىسقاشا حاباردار ەتتى. قۋاندىق تۇرعانقۇلوۆ ءارى قاراي ورتالىق سايلاۋ كوميسسياسى ەقىۇ/دياقب-نىڭ 2011 جىلعى 3 ءساۋ­ىردە وتكەن قازاقستان رەسپۋبليكاسى پرەزيدەنتىنىڭ ساي­لاۋىن بايقاۋ قورىتىندىلارى بويىنشا ۇسىنىم­دارىن ىسكە اسىرۋ جونىندە بىرقاتار قاۋلىلار قابىل­داعانىن اتاپ ءوتتى. اتاپ ايتقاندا, ازاماتتاردىڭ ءوتى­نىش­تەرى مەن شاعىمدارىن قاراۋ راسىمىنە قاتىستى قاۋ­لى قابىلداندى. جۇيەلى سيپاتتاعى جانە سايلاۋعا اسەر ەتە الاتىن شاعىمدار وسك-نىڭ وتىرىستارىندا قا­را­لاتىن بولادى. «ءبىز سايلاۋدىڭ ايقىن جانە اشىق, سايلاۋ تۋرالى زاڭناما تالاپتارىنا سايكەس وتۋىنە كۇش سالاتىن بولامىز», – دەدى ورتسايلاۋكوم توراعاسى. ال ەقىۇ/دياقب ميسسياسى دەلەگاتسياسىنىڭ باسشىسى ءوز كەزەگىندە سايلاۋدى بايقاۋعا شاقىر­عان­دا­رى ءۇشىن ريزاشىلىعىن ءبىلدىردى جانە قازاقستان رەسپۋبليكاسى ورتالىق سايلاۋ كوميسسياسىمەن ارا­دا­عى ىنتىماقتاستىقتى ەسكەرە وتىرىپ, ەقىۇ/دياقب قازاقستانعا تولىققاندى ميسسيا جولداۋدى ۇيعارعانىن اتاپ ءوتتى. «ءبىز ءماسليحاتتار سايلاۋىن ونىڭ ءماجىلىس سايلاۋىنا جاسايتىن ىقپالىنا قا­تىستى عانا بايقايتىن بولامىز. ءماسليحات دەپۋتات­تا­رىنىڭ سايلاۋىنا دا ءبىزدىڭ قىزىعۋشىلىعىمىز بار. ويتكەنى, ول قازاقستانداعى ساياسي ۇدەرىستەردىڭ بەلسەندىلىگىن كورسەتەدى», – دەدى ۋەيس مىرزا. ول سونداي-اق قازىرگى ۋاقىتتا قازاقستانعا ەقىۇ/دياقب ميسسياسى نەگىزگى توبىنىڭ 15 حالىقارالىق بايقاۋشىسىنىڭ كەلگەنىنە, 15 جەلتوقساندا تاعى 28 ساراپشىنىڭ كەلەتىنىنە جانە ولاردىڭ ەلدىڭ بارلىق ءوڭىر­لەرىنە جىبەرىلەتىنىنە توقتالدى. سايلاۋ كۇنى قار­ساڭىندا ەقىۇ/دياقب-نىڭ 400-دەي قىسقا مەرزىمدى بايقاۋشىلارى كەلەتىن بولادى. «سايلاۋ قورىتىن­دى­لارى بويىنشا ءبىز ەكى ارالىق ەسەپ ۇسىناتىن بول­ا­مىز, ال قورىتىندى ەسەپ سايلاۋ وتكەن سوڭ 2 اي مەرزىم ىشىندە بەرىلەدى. ودان ءارى ءبىزدىڭ ۇسىنىستا­رى­مىزدىڭ زەردەلەنۋى مەن ىسكە اسىرىلۋى تۇرعىسىندا ىنتىماقتاسا جۇمىس ىستەيتىن بولامىز, ويتكەنى, ەشبىر ەلدە ءمىنسىز سايلاۋ بولمايدى», – دەپ اتاپ ءوتتى ەقىۇ/دياقب ديرەكتورىنىڭ ورىنباسارى. كەزدەسۋ سوڭىندا تاراپتار ءداستۇرلى قالىپتاسقان ىنتىماقتاستىق پەن تىلەكتەستىك قارىم-قاتىناستار 2012 جىلعى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ سايلاۋىندا دا جالعاسىن تاباتىنىنا سەنىم ءبىلدىردى.