«ەگەمەن قازاقستاننىڭ» ارنايى جوباسى: جاسامپازدىق جەمىستەرى
جيىرما جىلدىڭ ىشىندە اتقارىلعان يگى ىستەردىڭ ارقاسىندا ءاربىر ءوڭىرىمىز وزگەرىپ, ءومىرىمىز جاقسارىپ كەلەدى.
«ەگەمەن قازاقستان» گازەتى وسىنداي وركەندى وزگەرىستەردى بەينەلەيتىن ماتەريالداردى تۇراقتى جاريالاپ تۇرادى.
تومەندە ەلىمىزدەگى كولىكتىك مەديتسينا تىنىسىنا ارنالعان فوتورەپورتاج بەرىلىپ وتىر.
مەملەكەت باسشىسىنىڭ «بولاشاقتىڭ ىرگەسىن بىرگە قالايمىز» اتتى قازاقستان حالقىنا بيىلعى جولداۋىنا سايكەس جانە قازاقستان رەسپۋبليكاسىندا دەنساۋلىق ساقتاۋدى دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى شەڭبەرىندە حالىققا, اسىرەسە, ەلدىڭ شالعاي جانە بارۋعا قيىن وڭىرلەرىندەگى اۋىل حالقىنا مەديتسينالىق جاردەمنىڭ قولجەتىمدىلىگىن قامتاماسىز ەتۋ ءۇشىن كولىكتىك مەديتسينانى دامىتۋ جوسپارلانىپ وتىر.
وسى ماقساتتارعا قول جەتكىزۋ ءۇشىن 2010-2011 جىلدارى جالپى سوماسى 4,3 ميلليارد تەڭگەگە زاماناۋي مەديتسينالىق جابدىقتارمەن جاراقتاندىرىلعان جانە دارىگەرلەر بريگادالارىمەن جاساقتالعان 50 جىلجىمالى مەديتسينالىق كەشەن (جمك) ساتىپ الۋ قاراستىرىلعان.
قازىرگى كۇنى جمك-نى 2011 جىلدىڭ سوڭىنا دەيىن جەتكىزىپ بەرۋ ءۇشىن كونكۋرستىق پروتسەدۋرالار ءوتكىزىلدى. بۇگىندە جمك-نىڭ مەديتسينالىق باقىلاۋىمەن 98324 ادام قامتىلىپ, 68816 دياگنوستيكالىق زەرتتەۋلەر, 46078 زەرتحانالىق زەرتتەۋلەر جۇرگىزىلدى ءجانە سالالىق ماماندار تاراپىنان 86226 كونسۋلتاتسيالار وتكىزىلدى.
سانيتارلىق اۆياتسيانى دامىتۋ قوزعالىس قاۋىپسىزدىگىنىڭ بىرقاتار پروبلەمالارىن شەشۋگە جانە رەسپۋبليكالىق, سونىمەن بىرگە وبلىستىق ماقساتتاعى كۇرەجولداردا جول-كولىك وقيعالارى كەزىندە زارداپ شەككەندەرگە ۋاقىتىلى مەديتسينالىق جاردەم كورسەتۋگە ءمۇمكىندىك بەرەدى.
دەنساۋلىق ساقتاۋ ءمينيسترىنىڭ 2011 جىلعى 14 ساۋىردەگى «سانيتارلىق اۆياتسيا ءجونىندەگى رەسپۋبليكالىق ۇيلەستىرۋ ورتالىعى تۋرالى» №199 بۇيرىعىمەن 2011 جىلدىڭ شىلدە ايىنان 268 ۇشۋ ۇيىمداستىرىلىپ, دارىگەر-رەانيماتولوگتاردىڭ, حيرۋرگتەردىڭ, ۋرولوگتاردىڭ, اكۋشەر-گينەكولوگتاردىڭ جانە پەدياترلاردىڭ قاتىسۋىمەن 115 كونسۋلتاتسيالار ءوتكىزىلدى. سونىمەن بىرگە, 25 جاعدايدا جەرگىلىكتى ورىندا مەديتسينالىق جاردەم (وپەراتسيا جاساۋ) كورسەتىلدى.
مەملەكەت باسشىسىنىڭ 2011 جىلدىڭ 28 قاڭتارىنداعى «بولاشاقتىڭ ىرگەسىن بىرگە قالايمىز» اتتى جولداۋىنا سايكەس 2011-2015 جىلدارى سانيتارلىق اۆياتسيا مۇقتاجدارى ءۇشىن 16 تىكۇشاق ساتىپ الىناتىن بولادى.
قازىرگى ۋاقىتتا «كا-32ا11ۆس» ۇلگىسىندەگى 2 تىكۇشاقتى, «ەس-145» ۇلگىسىندەگى 4 تىكۇشاقتى جانە «ەس-145» تىكۇشاعىن ساقتاۋ جانە تەحنيكالىق قىزمەت كورسەتۋ ءۇشىن قاجەت انگار جەتكىزىپ بەرۋ جونىندە كەلىسىم-شارت جاسالدى.
2011-2015 جىلدارى اۆتوجولداردىڭ نەعۇرلىم اپاتتىق قاۋىپتى دەگەن ۋچاسكەلەرىندە 40 كۇرەجولدىق مەديتسينالىق-قۇتقارۋ پۋنكتتەرىن قۇرۋ جوسپارلانىپ وتىر. 2011 جىلى ولاردىڭ 6-ۋى, 2012 جىلى – 6-ۋى جانە 2014-2015 جىلدارى 14-ءى قۇرىلاتىن بولادى.
كۇرەجولدىق مەديتسينالىق-قۇتقارۋ پۋنكتتەرىن قۇرۋعا 2011 جىلى مەملەكەتتىك باعدارلاما شەڭبەرىندە 378,5 ميلليون تەڭگە اقشالاي قارجى قاراستىرىلعان.
توتەنشە جاعدايلار مينيسترلىگىنىڭ جوسپارلى جۇمىستارىنا سايكەس 2011 جىلى «دەنساۋلىق» جانە «جاردەم» كونسۋلتاتيۆتىك-دياگنوستيكالىق پويىزدارى باتىس جانە وڭتۇستىك وڭىرلەر حالقىنا مەديتسينالىق ءجاردەم كورسەتتى. اتالعان پويىزدار 91 ستانسادا مەديتسينالىق جاردەم كورسەتىپ, 40131 ادامنىڭ, ولاردىڭ ىشىندە 11744 بالانىڭ دەنساۋلىقتارىن قارادى. دارىگەرلىك قاراۋلار سانى 220096-نى قۇرادى. 144427 دياگنوستيكالىق تەكسەرۋلەر ءجۇرگىزىلدى (ىشكى ورگانداردى ۋزي-تەكسەرۋلەر – 40777, سپيروگرافيا – 729, باس ميىن ەحوەنتسەفالوگيالىق جانە ۋلترادىبىستى دوپپلەروگرافيالاۋ – 4576, ەلەكتروكارديوگرافيا – 9733, كوز ءىشى قىسىمىن ولشەۋ – 9610, رەنتگەندىك تەكسەرۋ – 9414, ەزوفاگوگاسترودۋودەنوسكوپيا – 2362, كلينيكالىق-بيوحيميالىق تالداۋ – 67233), 190 شاعىن امبۋلاتوريالىق وپەراتسيالار جاسالدى. ماممولوگتار 5340 ايەلدى قاراپ, 10114 تۇرعىنعا ستوماتولوگيالىق جاردەم كورسەتىلدى.
مەملەكەت باسشىسىنىڭ «بولاشاقتىڭ ىرگەسىن بىرگە قالايمىز» اتتى جولداۋىنا ءسايكەس ءۇستىمىزدەگى جىلدىڭ 26 قىركۇيەگىندە ءۇشىنشى كونسۋلتاتسيالىق-دياگنوستيكالىق «سالاماتتى قازاقستان» پويىزى جولعا شىعىپ, وعان دەنساۋلىق ساقتاۋ مينيسترلىگى جالپى سوماسى 47330,0 ميلليون تەڭگە بولاتىن 122298 كونسۋلتاتيۆتىك-دياگنوستيكالىق قىزمەتكە قولداۋ كورسەتتى.
ءۇشىنشى كونسۋلتاتسيالىق-دياگنوستيكالىق «سالاماتتى قازاقستان» پويىزى 2011 جىلدىڭ 26 قىركۇيەگى مەن 30 قاراشاسى اراسىندا جولعا شىعىپ, رەسپۋبليكانىڭ پاۆلودار, اقمولا جانە قوستاناي وبلىستارىنىڭ تۇرعىندارىنا مەديتسينالىق جاردەم كورسەتتى.
60 كۇننىڭ قورىتىندىسىندا «سالاماتتى قازاقستان» پويىزى 3,4,5 كلاستاعى 30 ستانسادا جانە ولارعا جاقىن ەلدى مەكەندەردەگى حالىققا مەديتسينالىق قىزمەتتەر كورسەتتى, دارىگەرلەر 12353 ادامدى, ونىڭ ىشىندە 3492 بالانى قارادى.
دارىگەرلەردىڭ قاراۋ سانى 38528-ءدى قۇرادى. 20092 دياگنوستيكالىق پروتسەدۋرالار وتكىزىلدى (ىشكى ورگانداردى ۋلترادىبىستى تەكسەرۋ – 5882, سپيروگرافيا – 147, باس ميىن ەحوەنتسەفالوگيالىق جانە ۋلترادىبىستى دوپپلەروگرافيالاۋ – 2630, ەلەكتروكارديوگرافيا – 3079, كوز ءىشى قىسىمىن ولشەۋ – 2506, رەنتگەندىك تەكسەرۋ – 710, ەزوفاگوگاسترودۋودەنوسكوپيا – 337, كلينيكالىق-بيوحيميالىق تالداۋ – 480), 44 شاعىن امبۋلاتوريالىق وپەراتسيالار جاسالدى. ماممولوگتار 1186 ايەلدى قارادى. ستوماتولوگتار 3192 تۇرعىنعا جاردەم كورسەتتى.
توتەنشە جاعدايلار مينيسترلىگى 2012 جىلدىڭ قاڭتارىنان باستاپ كونسۋلتاتيۆتىك-دياگنوستيكالىق «دەنساۋلىق», «جاردەم» جانە «سالاماتتى قازاقستان» پويىزدارىمەن حالىققا مەديتسينالىق جاردەم كورسەتۋدى ودان ءارى جالعاستىرادى. جوسپارلانعان مەديتسينالىق قىزمەتتەر سانى – 517056. اتالعان قىزمەتكە قاجەتتى شىعىندار رەسپۋبليكالىق بيۋدجەتتەن بولىنەتىن بولادى.
ارنايى بەتتى دايىنداعان, سەيفوللا شايىنعازى, «ەگەمەن قازاقستان».
