«تۇمارعا» جۇرت قۇمار بولسىن

استاناداعى ۇلتتىق اكادە­ميا­­لىق كىتاپحانادا «تۇمار» رەس­­پۋبليكالىق ادەبي-كوركەم جۋر­نا­لى سايتىنىڭ تۇساۋكەسەرى ءوت­تى. قازاقتىڭ كورنەكتى اقىن قى­زى فاريزا وڭعار­سىنو­ۆا­نىڭ جەتەكشىلىگىمەن جارىق كورىپ كەلە جات­قان جۋرنال­دىڭ عالامتور­داعى Aitumar.kz سايتىنىڭ اشى­لۋى­نا مەملەكەت قايراتكەرى قۋا­نىش سۇل­تانوۆ, ەلىمىزگە تانىمال تۇلعالار زەينوللا الشىمباەۆ, ءۋاليحان قاليجانوۆ, «ەگەمەن قازاق­ستان» اق پرەزيدەنتى ساۋىتبەك ابدراحمانوۆ جانە باسقا دا بىرقاتار زيالى قاۋىم وكىلدەرى قاتىسىپ, ءوز قۇتتىق­تاۋ­لارىن جەتكىزدى. قازاق جانە ورىس تىلدەرىندە جارىق كورەتىن اitumar.kz سايتى پروزا مەن پوەزيا, درامالىق شى­عارمالار جانە كوركەم سۋرەت جانرىن قامتىعان. «وسىدان ءۇش جىل بۇرىن ماعان «تۇمار» جۋر­نالىن شىعارۋ تۋرالى وي كەلدى. ءوزىم دە تالاي جاستار باسىلىم­دارىندا جۇمىس ىستەدىم. قاراپ وتىرسام, ەلىمىزدە اڭگىمە-ولەڭ, درامالىق شىعارما جازاتىن جاستار كوپ ەكەن. قازىر جاستار كىتاپ وقىمايدى دەگەن پىكىرلەر بار. مۇمكىن, راس تا بولار. ويتكەنى, ولار عالامتورعا, تەلەديدارعا الاڭ­دايدى. الايدا, قازاقستاندا كىتاپ بەتىن مۇلدەم جاۋىپ قو­يىپ, بارلىعى ينتەرنەتكە كوشىپ كەتتى دەي دە المايمىن. جۋرنالعا شى­عارماسى شىققان جانداردىڭ بار­لىعى مۇحتار اۋەزوۆ, ءابىش كەكىلباەۆ, تولەگەن ايبەرگەنوۆ بو­لىپ كەتەدى دەپ تە ويلامايمىن, بىراق مىقتىلارى دا كەزدەسىپ جاتادى. ءبىر ايتا كەتەتىن جايت, جۋرنال ساپاسى جوعارى بول­عانىمەن, وكىنىشكە وراي, ازىرگە تيراجىمىز از», دەيدى جۋرنال­دىڭ باس رەداكتورى, اقىن, مەملەكەتتىك سىيلىقتىڭ لاۋرەاتى فاريزا وڭعارسىنوۆا. شارا بارى­سىندا قۋانىش سۇلتانوۆ: «تۇمار دەسە تۇمارداي» ادەمى باسىلىمنىڭ اشىلۋ بارىسىنا كۋا بولدىم. 3 جىل ىشىندە شىققان 18 ءنومىردىڭ قاي-قاي­سىسىندا دا ناشار دۇنيە جوق. جۋرنال بەتىنەن ۇلتتىق تاربيە مەن سيپاتتى ساقتاپ قالۋعا دەگەن تالپىنىس كورەمىن», دەسە «ەگەمەن قازاقستان» اق پرەزيدەنتى ساۋىتبەك ابدراحمانوۆ اعا باسى­لىم اتىنان «تۇمار­دىڭ» جاس سايتىنا دەگەن تىلەگىن:  «سايتتىڭ دي­زاينى, اسىرەسە فلەش-تەحنو­لو­گيا ارقىلى بەتتەردى اۋىستى­رىپ وتى­رۋ شىنىندا دا جۋرنال اق­تارىپ وتىرعانداي اسەر بەرەدى. بۇل سايتتىڭ ارتىقشىلىعى دەۋگە بو­لادى. تولىق ءارحيۆتى سايتتىڭ تا­عى ءبىر قاسيەتى, ەگەر ءتۇرلى-ءتۇستى قاعاز شىعاراتىن قۇرىلعى ارقى­لى ءۇيى­ڭىزدە انتولوگياسىن جاساپ قويۋعا بولادى. بۇل جاڭا زامان ۇردىسىندە شىققان باسىلىم. وسىن­­­داي اتى دا, زاتى دا تاماشا جۋرنالدى شى­عارىپ وتىرعان فاريزا اپايعا العىسىمدى بىلدىرەمىن. «تۇمار» بارلىعىمىز­دىڭ تۇ­مارى­مىزداي بو­لاتىن ارداق­تى باسى­لىمعا اي­نال­سىن», دەپ اياقتادى. جۋرنالدىڭ باس رەداكتورى, اقىن فاريزا «تۇماردىڭ» وقىر­مان­دارى كوبەيىپ, قاراجاتى مو­لايىپ جاتسا, شىعارماشىل جاس­تا­رىمىزدىڭ تۋىندىلارىن اعىل­شىن تىلىنە اۋدارتىپ, شەتەلدىكتەرگە قازىرگى زامانعى ادەبيە­تىمىزدى كورسەتكىسى كەلەتىندىگىن جەتكىزدى. «تۇمار» جۋرنالى مەن ونداعى ارىپتەستەرىمىزگە جازار­لارىڭىز كوبەيىپ, تيراجدارىڭىز ارتا بەرسىن دەگەن تىلەك بىلدىرەمىز. ۆەنەرا تۇگەلباي.