بايقاۋدىڭ قورىتىندى مەرەكەلىك شاراسى كەشە جۋرناليستيكا جانە ساياساتتانۋ فاكۋلتەتىنىڭ اكت زالىندا ءوتتى. فاكۋلتەت ستۋدەنتتەرى اننەن شاشۋ شاشىپ, كۇمبىرلەتىپ كۇي توكتى. ولەڭ وقىپ, كورەرمەندەردى ونەرلەرىمەن ءتانتى ەتتى. جەڭىمپاز ستۋدەنتتەردى ماراپاتتاۋدىڭ كەزى كەلگەندە جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق كوپشىلىك قاۋىمدى تاۋەلسىزدىگىمىزدىڭ 20 جىلدىق مەرەكەسىمەن قۇتتىقتاپ, جۇرەكجاردى تىلەگىن ءبىلدىردى. وسى شىعارماشىلىق بايقاۋدى ۇيىمداستىرۋعا ءوز ۇلەسىن قوسقانى ءۇشىن بۇقارالىق اقپارات قۇرالدارىنا العىسىن جەتكىزدى. الپىستان استام ستۋدەنتتىڭ شىعارماسى قابىلدانعان بايقاۋ جەڭىمپازدارىنا باعالى سىيلىقتار مەن ديپلومداردى ەلىمىزدىڭ جەتەكشى باق وكىلدەرى تابىستادى.
اتاپ ايتساق, جەڭىمپازدارعا “ەگەمەن قازاقستان” رەسپۋبليكالىق گازەتى” اكتسيونەرلىك قوعامىنىڭ ۆيتسە-پرەزيدەنتى ەركىن قىدىر قۇرمانعازى جۇماعۇل ۇلىنا, «كازاحستانسكايا پراۆدا» گازەتىنىڭ باس رەداكتورى تاتيانا كوستينا زارينا سەيفۋلليناعا, «استانا» جۋرنالىنىڭ باس رەداكتورى ماقسات ءتاج-مۇرات ايدانا ۇسەنبايعا, «نۇر استانا» گازەتىنىڭ باس رەداكتورى عابيت مۇسىرەپ اقتولىس ايتبوزىمعا جانە «قازاقستان» ۇلتتىق ارناسىنىڭ اقپاراتتىق-ساراپتامالىق باعدارلامالار ديرەكتسياسىنىڭ ديرەكتورى جانۇزاق ءمۇساپىر ايعانىم يبراەۆاعا, «حالىق ءسوزى» گازەتىنىڭ باس رەداكتورى قۋات اۋەسباي ماديار يشانبەكوۆكە ارنايى جۇلدەلەرى مەن ستيپەنديالارىن تابىستاسا, قازاقستان رەسپۋبليكاسى ىشكى ىستەر ورگاندارىنىڭ «مەديا» ورتالىعىنىڭ باس ديرەكتورى الماس سادۋباەۆ ساۋلە تەمىرباەۆا, ولجاس بەركىنباەۆ جانە اسەم قونىسبەكتەگىنە, «ەل» گازەتىنىڭ باس رەداكتورى دينارا داۋىلبايقىزى نۇرسۇلتان مىقتىبايعا, «استانا اقشامى» گازەتىنىڭ شولۋشىسى ايگۇل ۋايسوۆا ىڭكار تۇلەباەۆاعا, «استانا» راديوسىنىڭ شەف رەداكتورى جانەتتا سادۋاقاس روزا ىسقاققا اقشالاي جانە باعالى سىيلىقتارىن تاپسىردى. سونداي-اق رەسپۋبليكالىق «تۇمار» جۋرنالى فاكۋلتەتىمىزدىڭ 4-كۋرس ستۋدەنتتەرى ءارى «تۇماردىڭ» بەلسەندى اۆتورلارى جاسۇلانبەك مايلىباي مەن ابزال قاليەۆكە اقشالاي سىيلىق تاعايىنداعانى حابارلاندى. وسى مەرەكەلىك شارادا اۋعان-ستان سوعىسى ارداگەرلەرى ۇيىمدارى قاۋىمداستىعى تاراپىنان جۋرناليستيكا جانە ساياساتتانۋ فاكۋلتەتىنىڭ اعا وقىتۋشىسى, «ەۋرازيا-اقپارات» ورتالىعىنىڭ ديرەكتورى كەنجە جۇماعۇلوۆ باۋىرجان مومىش ۇلى اتىنداعى «باتىر شاپاعاتى» مەدالىمەن ماراپاتتالدى.
ەلميرا ەرىكقىزى,
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ دوكتورانتى.
