وتانىمىزدىڭ تاۋەلسىزدىك العانىنا 20 جىل بولدى. وسى ۋاقىت ىشىندە اۋىلدى جەردە تۇرىپ جاتقان بىزدەر دە ۇلى كۇنگە ازدى-كوپتى ۇلەسىمىزدى قوسىپ جاتىرمىز. 90-شى جىلداردىڭ باسىنداعى قيىن كەزەڭدە قيۋى كەتكەن كوپ تىرلىك قايتا جانداندى. ارى-بەرى كوش توقتاپ, حالىق ورنىعا باستادى. اۋىلىمىزدىڭ باس كوتەرەر ازاماتتارى بىرىگىپ, كەيىنگىگە ۇلگى بولار ىسكە ۇيىتقىلىق كورسەتۋدە. ءبىر كەزدەرى قاراۋسىز قالعان 450 ورىندىق مادەنيەت ءۇيى جوندەۋدەن وتكىزىلدى. كوشەلەرگە اسفالت توسەلىپ, 140 ورىندىق بالاباقشا بۇلدىرشىندەرگە ەسىك اشتى.
الدىڭعى تولقىن اعالاردى قۇرمەتتەپ, ولاردىڭ ەڭبەگىن كەيىنگى ۇرپاققا تانىستىرۋ ماقساتىندا دا اتقارىلعان ىستەر بارشىلىق دەسەك, ەلدىگىمىزدىڭ 20 جىلدىق مەرەكەسى قارساڭىندا ۇلى وتان سوعىسىنىڭ ارداگەرلەرى مەن تىل ەڭبەككەرلەرىنە ارنالعان ەڭسەلى مونۋمەنت اشىلدى. بۇل يگىلىكتى ىسكە اۋىلىمىزدىڭ تۇلەكتەرى س.ابدىقاليەۆ, ا.سولتانبەكوۆ, ە.قايىپجانوۆ, س.داركەنباەۆ, ب.جامالبەكوۆ, ە.سىبانباەۆ, ا.ايمامبەكوۆ, ا.مولداسانوۆ, تاعى باسقالار قارجىلاي كومەكتەسسە, مونۋمەنت جوباسىن ءنابيجان دوسەكە جاسادى. وسى جۇمىسقا ۇيىتقى بولعان ازامات, اۋىل اكىمى ايتجان قاشاعانوۆ ەكەنىن دە ايتا كەتسەم دەيمىن.
ديدار جانبولات ۇلى, و.جاندوسوۆ اتىنداعى ورتا مەكتەپتىڭ مۇعالىمى.
الماتى وبلىسى,
ەڭبەكشىقازاق اۋدانى.
