ءاز-اعانى ەسكە الدى

جاقىندا وسكەمەندەگى پۋشكين اتىنداعى وبلىستىق كىتاپحانادا شىعىس قازاقستان وبلىسى اكىمىنىڭ قولداۋىمەن قازاقستاننىڭ حالىق جازۋشىسى ءازىلحان نۇرشايىقوۆ تۋرالى زامانداستارىنىڭ, دوستارى­نىڭ, جەرلەستەرىنىڭ جانە ارىپتەس قالامگەرلەردىڭ ەستەلىكتەر كىتابى جارىق كوردى. ونى «شىعىس اقپارات» باسپاسى «ءاز-اعا» دەگەن اتپەن كوز تارتاتىنداي كورىكتى ەتىپ شىعاردى. كىتاپتىڭ تۇساۋكەسەرىنە ءا.نۇرشايىقوۆتىڭ نەمەرەلەرى, بەلگىلى جازۋشى, فيلولوگيا عىلىمدارىنىڭ دوكتورى, ءاز-اعانىڭ جانىندا ۇزاق جىلدار بىرگە جۇرگەن نۇرداۋلەت اقىش, اقىن-جازۋشىلار قاتىس­تى. جيىندا ءوڭىر باسشىسى بەردىبەك ساپارباەۆ: – ەلباسى ن. نازارباەۆ حالقىمىزدىڭ دارا جازۋشىسى ءازىلحان اعانى ەرەكشە قۇرمەتتەيتىن. «ءاز-اعا» – ناعىز حالىق جازۋشىسى ەدى. ونىڭ ءاربىر تۋىندىسىن جۇرتشىلىق قىزىعا وقيتىن» دەپ ۇلت كوشباسشىسى اتاپ كورسەت­كەن بولاتىن. ەندەشە, ءاز-اعاڭ تۋرالى بۇل ەستەلىك كىتابى قۇندى دۇنيە. كۇنى كەشە ازيا ويىندارىندا جاسى 90-عا اياق باسسا دا تۋعان ەلىنە كەلىپ, باسىن ءيدى. امانشىلىق بولسا, كەلەر جىلى جازۋشى اعانىڭ 90 جىلدىق مەرەيتويىن ەل ەسىندە قالارلىقتاي اتاپ ءوتۋ ويدا بار, – دەدى ءوڭىر باسشىسى. وڭداسىن ەلۋباي, وسكەمەن.