ماماندار جاز ايلارىندا 16 مىڭ ادامنىڭ ەلەكتروندىق ساۋاتىن اشۋدى جوسپارلاپ وتىر. كۇنىنە 10 ادام وقىپ ءبىلىپ شىعادى. وڭىردەگى 85 مەكتەپتە اشىلعان سىنىپتىق كابينەتتەر كومپيۋتەرلەرمەن جابدىقتالىپ, جوعارى جىلدامدىقتى ينتەرنەت جەلىسىنە قوسىلعان. بىلىكتى ماماندار ساباق جۇرگىزەدى.
سەمينارلار بارىسىندا الدىمەن كومپيۋتەردە جۇمىس ىستەۋ تاسىلىمەن تانىسىپ, «اشىق ۇكىمەت» پورتالىنىڭ مۇمكىندىكتەرىن مەڭگەرەدى. ەلەكتروندى تۇردە مەملەكەتتىك قىزمەتتەردى پايدالانادى. وقۋ جۇيەسىنە سايكەس, قاتىسۋشىلارعا Microsoft PowerPoint, Microsoft Word, Microsoft Excel باعدارلامالارى ارقىلى جۇمىس ىستەۋ ۇيرەتىلۋدە. كۋرس قاتىسۋشىلارى ينتەرنەت-دۇكەن Egov.kz پورتالىمەن دە جۇمىس جاساۋدا. سوڭىندا وقۋ باعدارلامالارىن مەڭگەرگەندەرگە ارنايى سەرتيفيكات بەرىلەدى.
فاريدا بىقاي,
«ەگەمەن قازاقستان»
