قارجى مينيسترلىگىندە «ءوز ەركىمەن تاراتۋ, سالىق تولەۋشىلەردىڭ بانكروتتىق پروتسەدۋرالارىن جۇرگىزۋدىڭ جەڭىلدەتىلگەن ءتارتىبىن ەنگىزۋ, اكىمشىلىك ءوندىرىستى وڭايلاتۋ ماسەلەلەرى» تاقىرىبىندا دوڭگەلەك ۇستەل بولىپ ءوتتى. باسقوسۋدا قازاقستان سالىق تولەۋشىلەرىنىڭ قاۋىمداستىعى مەن قارجى مينيسترلىگى سالىق كوميتەتىنىڭ وكىلدەرى بايانداما جاسادى.
وتىرىستا اكىمشىلىك ءىس جۇرگىزۋ ماسەلەلەرى (تۇلعا اكىمشىلىك قۇقىق بۇزۋشىلىق فاكتىلەرىمەن جانە ايىپپۇل تولەۋمەن كەلىسكەن جاعدايدا, اكىمشىلىك ماتەريالداردى جويۋ, «ەسكەرتۋ» سەكىلدى شارالاردى ەنگىزۋ, سۋبەكتىدەن «لاۋازىمدى ادامداردان» جانە باسقالاردان اكىمشىلىك جاۋاپكەرشىلىكتى الىپ تاستاۋ) تالقىلاندى.
دوڭگەلەك ۇستەلدە سالىق تولەۋشىلەردىڭ ءوز ەركىمەن تاراتۋ ءتارتىبىن وڭايلاتۋ جانە بانكروتتىقتىڭ جەڭىلدەتىلگەن ءتارتىپتەرىن ەنگىزۋ ماسەلەلەرى قارالدى. اكىمشىلىك ءوندىرىستى وڭايلاتۋ, سالىق تولەۋشىلەردى ءوز ەركىمەن تاراتۋ راسىمدەرىن جەڭىلدەتۋ, بانكروتتىقتىڭ جەڭىلدەتىلگەن ءتارتىبىن ەنگىزۋ ماسەلەلەرى بويىنشا قولدانىستاعى زاڭناماعا ۇسىنىلعان وزگەرىستەر مەن تولىقتىرۋلار جۋىق ارادا ءتيىستى زاڭ جوبالارىنان كورىنىس تاپپاق.
«ەگەمەن-اقپارات».
