«شليۋمبەرجە» كومپانياسىنىڭ قازاقتاندىق بولىمشەسىن ارالاۋ كەزىندە باقىتجان ساعىنتاەۆ مۇناي كەن ورىندارىنا قىزمەت كورسەتۋ بويىنشا كاسىپورىننىڭ تەحنولوگيالىق ۇدەرىسىمەن جانە جاڭا وندىرىستىك ءارى سەرۆيستىك مۇمكىندىكتەرىمەن تانىستى.
قازاقستانداعى «شليۋمبەرجە» باسشىسى م. رازيەۆ تسيفرلاندىرۋ بارىسى تۋرالى باياندادى. ول شليۋمبەرجە «تسيفرلىق كەن ورنى», «I-invoicing», «شوت ۇسىنۋ» جوبالارى بويىنشا «قازگەرمۇناي» بك» جشس, «قاراجانباسمۇناي» اق, قنوس, «قاراشىعاناق پەتروليۋم وپەرەيتينگ», «تەڭىزشەۆرويل» جشس سەكىلدى مۇناي ءوندىرۋشى كاسىپورىندارعا قىزمەتتەر ۇسىنۋمەن اينالىساتىنىن ايتتى.
م. رازيەۆتىڭ مالىمدەۋىنشە, كەلەشەكتە كاسىپورىن كاسپي وڭىرىندە جوبالاردى ىسكە اسىرۋ كەزىندە قولداۋ كورسەتەتىن توراپتىق ورتالىققا اينالۋعا مۇددەلى.
Schlumberger كومپانياسى جەر قىرتىسىن باعالاۋ, ۇڭعىمالار قۇرىلىسى, كومىرسۋتەكتى ءوندىرۋدى جانە وڭدەۋدى باسقارۋ بويىنشا الەمدىك جەتەكشى تەحنولوگيالاردىڭ جەتكىزۋشىسى بولىپ تابىلادى. كومپانيا الەمنىڭ 85-تەن استام ەلىندە جۇمىس ىستەيدى جانە ونىڭ 140-تان استام ۇلتتان 100 مىڭعا جۋىق قىزمەتكەرى بار.
ساپاردىڭ كەلەسى نىسانى ونەركاسىپتىك ايماق اۋماعىندا ورنالاسقان جانە بيىل ناۋرىزدا جاڭعىرتۋدان كەيىن پايدالانۋعا بەرىلگەن «Aktau Steel» جشس مەتاللۋرگيالىق زاۋىتى بولدى.
ايتا كەتۋ كەرەك, رەكونسترۋكتسيالاۋ جوباسى $22 ملن سوماسىنا شەتەلدىك ينۆەستيتسيالاردى تارتۋ ارقىلى جۇزەگە اسىرىلدى. پرەمەر-مينيستر الەمدىك ستاندارتتارعا ساي كەلەتىن جاڭا جابدىقتار ورناتىلعان ەلەكترلى بولات بالقىتۋ جانە يلەم تسەحىن كوردى. بۇگىنگى تاڭدا وندىرىستىك قۋاتتىلىعى جىلىنا 300 مىڭ توننا شارشى دايىنداما پەن 250 مىڭ توننا قۇرىلىس ارماتۋراسى يلەمىن قۇرايدى.
دايىن ءونىم ىشكى نارىققا جونەلتىلەدى, سونىمەن قاتار شەتەلگە ەكسپورتقا شىعارىلادى. ارالاۋ كەزىندە «Aktau Steel» جشس ديرەكتورى ر. ميرزاەۆ قازىرگى كەزدە كاسىپورىندا 150-گە جۋىق جۇمىس ورنى قۇرىلعانىن ايتتى. سونىمەن قوسا, زاۋىت تولىق قۋاتتىلىعىنا شىققان سوڭ جۇمىس ورىندارىنىڭ سانى ەكى ەسەگە ارتادى.
قاڭتار-ءساۋىر ايلارىندا ماڭعىستاۋ وبلىسىنىڭ نەگىزگى كاپيتالىنا ينۆەستيتسيالار 131 ملرد. تەڭگەنى قۇرادى. وتكەن جىلعى وسى كەزەڭدە ونەركاسىپتىك ءونىم كولەمى 910 ملرد تەڭگەنى قۇرادى. ناقتى كولەم يندەكسى — 2017 ج. سايكەس كەزەڭگە شاققاندا 101,5%.
ونەركاسىپتىك ءونىم ءوندىرىسىنىڭ جالپى كولەمىنەن ۇلەسى 85,9% قۇرايتىن تاۋ-كەن ونەركاسىبىندە جانە كارەرلەردەن كەن الۋدا ءوندىرىس كولەمى 781,9 ملرد تەڭشەنى قۇرادى, نكي — 101,6%. وڭدەۋ ونەركاسىبىندە (سالا ۇلەسى — 8,6%) ەسەپتىك كەزەڭدە 78,5 ملرد تەڭگەگە ءونىم شىعارىلعان, ناقتى كولەم يندەكسى (نكي) 112,2% قۇرادى. باسقا مەتالل ەمەس مينەرال ونىمدەردى ءوندىرۋ — 14,5%, ماشينالار مەن جابدىقتاردان وزگە, دايىن مەتالل بۇيىمدار — 2,6 ەسە, رەزينا جانە پلاستماسسا بۇيىمدار — 1,8 ەسە, تەرى ونىمدەرى - 1,2 ەسەگە ارتتتى.
