فوتو: inform.kz
كەزدەسۋ بارىسىندا پرەزيدەنتى قازاقستان ۇلتتىق كومپانيالاردى گونكونگ پەن شانحاي بيرجالارىنا شىعارۋ مۇمكىندىگىن قاراستىرىپ جاتقانىن ايتتى.
ء«بىز اۋقىمدى جەكەشەلەندىرۋ جۇرگىزىپ جاتىرمىز. تاۋ-كەن ءوندىرۋ, مەتاللۋرگيا, كولىك جانە باسقا دا سالالارداعى كاسىپورىنداردىڭ اكتيۆتەرى ساتىلىمعا شىعارىلادى. تاياۋ جىلداردىڭ ىشىندە ءبىز «قازاقتەلەكوم», «ەير استانا», «قازمۇنايگاز», «قازاقستان تەمىر جولى», «قازپوشتا» سىندى ءىرى ۇلتتىق كومپانيالاردى ءىرو-عا شىعارۋدى جوسپارلاپ وتىرمىز. ءبىز نىساندارعا قاتىستى مامىلە جاساۋدا بارىنشا تارتىمدى ۇسىنىستى ايقىنداۋ ءۇشىن شەتەلدىك ينۆەستورلار تاراپىنىڭ سۇرانىستارىن زەردەلەۋدەمىز», - دەدى نۇرسۇلتان نازارباەۆ.
بۇل رەتتە مەملەكەت باسشىسى ۇلتتىق كومپانيالاردى ساتىپ الۋشىلار اراسىندا ازيالىق نارىق باسىمدىققا يە ەكەنىن باسا ايتتى.
ء«بىز كومپانيالارىمىزدىڭ گونكونگ پەن شانحايدىڭ بيرجالىق الاڭدارىنا شىعۋ مۇمكىنشىلىكتەرىن قاراستىرىپ جاتىرمىز. بۇعان قوسا, شانحاي بيرجاسى ەندىگى ۋاقىتتا استانا حالىقارالىق قارجى ورتالىعىنىڭ ستراتەگيالىق سەرىكتەسى سانالادى. ونى اعىمداعى جىلدىڭ شىلدەسىندە اشۋدى جوسپارلاپ وتىرمىز جانە سىزدەردى قاتىسۋعا شاقىرامىز», - دەدى ەلباسى. سونداي-اق ول قازاقستاندا بيزنەستى دامىتۋداعى ءتيىمدى شارتتاردى اتاپ ءوتتى.
«بۇگىندە قازاقستان ءتيىمدى بيزنەس جۇرگىزۋ ءۇشىن جاڭا مۇمكىنشىلكتەر مەن ۇلكەن الەۋەت بولىپ وتىر. ينۆەستيتسيالىق احۋالدى جاقسارتۋ بويىنشا جۇمىستار تۇراقتى جۇرگىزىلىپ, كاسىپكەرلىك سالاسىنداعى زاڭنامالار ىرىقتاندىرىلۋدا. دۇنيەجۇزىلىك بانكتىڭ «Doing Business» رەيتينگىندە قازاقستان بۇگىندە 36 ورىندا تۇر. ءبىز ەىدۇ ينۆەستيتسيا جونىندەگى كوميتەتىنىڭ اسسوتسيالانعان مۇشەسى بولىپ سانالامىز جانە حالىقارالىق ينۆەستيتسيالار جونىندەگى دەكلاراتسياعا قوسىلدىق», - دەدى ەلباسى.
پرەزيدەنتى شەتەلدىك ينۆەستورلار مەن بيزنەسمەندەرمەن ءوزارا ءتيىمدى ءىس-قيمىلدى جولعا قويۋ ماقساتىندا ارنايى KazakhInvest جانە KazakhExport كومپانيالارىنىڭ قۇرىلعانىن اتاپ ءوتتى.
«مەتاللۋرگيا, مۇناي حيمياسى, ماشينا جاساۋ, ازىق-ت ۇلىك ءوندىرىسى سىندى باسىمدىققا يە سالالاردا ينۆەستيتسيالىق جوبالاردى جۇزەگە اسىرۋ بارىسىندا كورپوراتيۆتىك, جەر جانە م ۇلىك سالىقتارىنان بوساتۋ قاراستىرىلعان. مۇنداي سالالارعا شەتەلدىك جۇمىس كۇشىن تارتۋ كۆوتاسىز جۇزەگە اسىرىلىپ, جەر قويناۋىن پايدالانۋعا ليتسەنزيا الۋ جانە كەلىسىمشارتتار جاساسۋ شارتتارى جەڭىلدەتىلەدى. ويتكەنى, بۇل نىساندار قازاقستاننىڭ يندۋستريالدى-يننوۆاتسيالىق دامۋ ۇلتتىق باعدارلاماسىنىڭ قۇرامىنا كىرەدى», - دەدى نۇرسۇلتان نازارباەۆ.
سونىمەن قاتار مەملەكەت باسشىسى ەلىمىزدە 11 ارنايى ەكونوميكالىق ايماق, 24 يندۋستريالدى ايماق جۇمىس ىستەپ تۇرعانىن ايتتى. ء«بىز قىتايلىق كومپانيالاردى وسىنداي ءتيىمدى شارتتارمەن بيزنەسىن دامىتۋعا شاقىرامىز», - دەدى ەلباسى.
كەزدەسۋ بارىسىندا نۇرسۇلتان نازارباەۆ قازاقستاندا اگروونەركاسىپ كەشەنىندەگى جوبالاردى جۇزەگە اسىرۋعا شاقىردى. «اگرارلىق سەكتورعا ايرىقشا نازار اۋدارامىز. بۇل رەتتە قازاقستاننىڭ مۇمكىنشىلىكتەرى وراسان زور. اگروونەركاسىپ كەشەنىن دامىتۋ مەملەكەتتىك باعدارلاماسى جۇزەگە اسىرىلىپ جاتىر. ول اۋىل شارۋاشىلىعى ونىمدەرىن وندىرۋشىلەر مەن قايتا وڭدەۋشىلەرگە مەملەكەتتىك قولداۋدى قاراستىرادى», - دەپ اتاپ ءوتتى ەلباسى.
پرەزيدەنتتىڭ ايتۋىنشا, بۇل سەكتوردى دامىتۋدا جاڭا تەحنولوگيالاردى ەنگىزۋ ارقىلى ونىمدىلىكتى ارتتىرۋ جانە ونى ەكسپورتقا شىعارۋ باسىمدىق سانالادى.
ء«بىز سوڭعى جىلدارى العاش رەت قىتايعا اۋىل شارۋاشىلىعى ونىمدەرىن ەكسپورتتاي باستادىق. كەشەگى وتكەن كەلىسسوزدەر بارىسىندا بۇل ساۋدا-ساتتىقتىڭ قارقىنىن ارتتىرۋدى جالعاستىرا بەرەتىندىگىمىزدى اتاپ وتتىك. قىتايلىق كومپانيالاردى اگروونەركاسىپ كەشەنىندەگى جوبالاردى بەلسەندى جۇزەگە اسىرۋعا شاقىرامىز», - دەدى نۇرسۇلتان نازارباەۆ. سونداي-اق ول قىتايلىق كومپانيالاردىڭ قازاقستاندا ءىت-ستارتاپ سالاسىنداعى جوبالاردى جۇزەگە اسىرۋىنا قولايلى جاعداي جاسالاتىنىن ايتتى.
«قازاقستان ەكونوميكاسىن جەدەل جاڭعىرتۋعا جانە يننوۆاتسيانىڭ جاڭا تەحنولوگيالارىن ەنگىزۋگە باعىت الدى. «تسيفرلىق قازاقستان» دەپ اتالاتىن ارنايى مەملەكەتتىك باعدارلاما جۇزەگە اسىرىلۋدا. وسىعان بايلانىستى ەكونوميكا سالالارىن تسيفرلاندىرۋ, يننوۆاتسيالىق ەكوجۇيەنى دامىتۋ بويىنشا جوبالاردى جۇزەگە اسىرۋ ماڭىزدى», - دەپ اتاپ ءوتتى ەلباسى.
وسى ورايدا مەملەكەت باسشىسى ەلىمىزدە نازارباەۆ ۋنيۆرەسيتەتى, يننوۆاتسيالىق تەحنولوگيالار پاركى سىندى يننوۆاتسيالىق كلاستەرلەردىڭ جۇمىس ىستە جاتقاندىعىن باسا ايتتى.
«اعىمداعى جىلى استانادا ءىت-ستارتاپتار حالىقارالىق تەحنوپاركى اشىلادى. مۇنىڭ بارلىعى دا سىزدەرمەن ىنتىماقتاستىعىمىزدىڭ كەلەشەگى زور الاڭى بولا الار ەدى. ءبىز قىتايلىق كومپانيالاردىڭ جۇمىسى ءۇشىن قولايلى جاعداي جاساۋعا دايىنبىز», - دەدى نۇرسۇلتان نازارباەۆ.
