ء«بىرىنشى كەزەكتە ەلىمىزدەگى ۇستەل تەننيسىنىڭ قالىپتاسۋى مەن دامۋىنا ولشەۋسىز ۇلەس قوسقان قاسىم-جومارت كەمەل ۇلىنا ۇلكەن العىس بىلدىرەمىز. ونىڭ باسشىلىعىمەن ماتەريالدىق-تەحنيكالىق بازا نىعايىپ, ايماقتارداعى ينفراقۇرىلىم جاقسارىپ, باپكەرلەردىڭ بىلىكتىلىگى ارتىپ, ۇستەل تەننيسى بۇقارالىق سپورتقا اينالدى. فەدەراتسيا دامۋىنداعى ەڭ باستى باعىت – الەمدىك قاۋىمداستىقتاعى بەدەلىمىزدى نىعايتۋ بولاتىن. قازىرگى كۇنى دە ءبىزدىڭ الدىمىزدا تۇرعان ماقساتتار وزگەرمەيدى. ءبىز وتاندىق ۇستەل تەننيسىن دامىتۋدى ءارى قاراي جالعاستىرامىز», - سكازال دەدى دانيار ابۋلگازين.
ەسكە سالا كەتەيىك, وتكەن جىلدىڭ سوڭىندا استانا تمد ەلدەرى اراسىندا العاش بولىپ حالىقارالىق ۇستەل تەننيسى فەدەراتسياسى وتكىزەتىن ەڭ ماڭىزدى تۋرنيرلەردىڭ ءبىرى ITTF World Tour Grand Finals دوداسىن قابىلدادى. بۇل باسەكەگە الەمدىك ۇستەل تەننيسىنىڭ جۇلدىزدارى جينالدى. فەدەراتسيانىڭ حالىقارالىق باعىتى اياسىندا قازاقستاندىق جاس سپورتشىلاردىڭ شەتەلدە وقۋ-جاتتىعۋ جيىندارىن ءجيى وتكىزۋىنە مۇمكىندىك جاسالماق. بۇل ۇلتتىق قۇرامانىڭ قوسالقى قۇرامىن نىعايتۋعا كومەكتەسەدى. سونىمەن قاتار, وتاندىق مامانداردى حالىقارالىق باپكەرلىك كۋرستارعا قاتىستىرۋ دا ۇيىمنىڭ باستى مىندەتتەرىنىڭ ءبىرى.
