جاھان جاڭالىقتارى: مەيۆەزەر ميلليونەرلەر كوشىن باستادى

مەيۆەزەرگە الەمنىڭ ەڭ جوعارى تابىستى سپورتشىسىنا اينالۋعا ءبىر عانا جەكپە-جەك جەتكىلىكتى بولدى. ونىڭ مما جۇلدىزى كونور ماكگرەگورمەن وتكەن كەزدەسۋى ۇيىمداستىرۋشىلارعا 550 ميلليون دوللار تابىس ءتۇسىردى. فلويد 275 ميلليون دوللار جيناپ ءبىرىنشى ورىندا تۇرسا, كونور 85 ميلليون دوللارمەن 24-ورىننان 4-ورىنعا كوتەرىلدى.

جاڭا كەلىسىمشارتقا بايلانىستى برازيليالىق اياقدوپشى نەيمار (پسج) مەن ۇلتتىق فۋتبول ليگا ويىنشىلارى مەتت رايان («اتلانتا فەلكونس») جانە مەتتيۋ ستاففورد («دەترويت لايونس») رەيتينگتە العا جىلجىدى. 
 

«ۆاشينگتون» كلۋبىنىڭ رەكوردىن قايتالادى

شايبالى حوككەيدەن ستەنلي كۋبوگى فينالىنداعى «ۆەگاس گولدەن نايتس» پەن «ۆاشينگتون كەپيتالز» اراسىنداعى ءتورتىنشى ماتچ اياقتالدى (0:4). امەريكالىق دجون كارلسون قورعاۋشىلار اراسىنداعى رەكوردتى قايتالادى. كارلسون 99 ماتچتا 54 (18+36) ۇپاي جينادى. وسىعان دەيىن بۇل رەكوردتى شۆەد قورعاۋشىسى كاللە يۋحانسسون جاساعان بولاتىن. ال سكوتت ستيۆەنس 67 ماتچتا 53 (9+44) ۇپاي جيناپ ءۇشىنشى ورىندا تۇر.
 

تەننيستىڭ شەشىمىن تەرگەۋشىلەر شىعارادى

بەلگيا پوليتسياسى كەلىسىممەن وتكەن تەننيس ماتچىنىڭ 13 ۇيىم­داستىرۋشىسىن ۇستادى. پروكۋراتۋرا ولاردان پارا ال­دى دەپ كۇدىكتەنۋدە. رەسمي مالىمەتكە سۇيەنسەك «ارميان-بەل­گيالىق قىلمىستىق توپ» 2014 جىلدان بەرى جۇمىس ىستەگەن. تەرگەۋشىلەر قىلمىستىق توپ كاسىبي ويىنشىلاردى ساتىپ الىپ, سودان كەيىن بەلگىلى ناتيجەگە ءباس تىككەن دەگەن شەشىمگە كەلدى. وسىنداي ىزدەۋ جۇمىستارى اقش, گەرمانيا, فرانتسيا, گوللانديا جانە بولگاريادا جۇرگىزىلىپ جاتىر.
 

دايىنداعان
ىرىستى قادىربەك,
ەۇۋ ستۋدەنتى