تەگىن تۇردە ۇيىمداستىرىلىپ وتىرعان جوبا استانا قالاسى مادەنيەت جانە سپورت باسقارماسىنىڭ قولداۋىمەن ءۇشىنشى مارتە قولعا الىنىپ وتىر. جوباداعى نەگىزگى ەرەكشەلىك – جەكسەنبى كۇندەرى كاسىپقوي جاتتىعۋلار تاڭەرتەڭگى 10:00-12:00 ارالىعىندا بولسا, كەشكىسى 17:00-19:00 ارالىعىندا وتكىزىلەدى. سونىمەن بىرگە «استانالىق» جانە «ترياتلون» ساياباعىندا توپتىق جۇگىرۋدەن دۇيسەنبى, سارسەنبى جانە جۇما كۇندەرى ساعات 19:30-دان 20:30-عا دەيىن ساباقتار وتكىزىلەدى.
جەكسەنبى كۇنى «استانالىق» ساياباعىندا تاڭەرتەڭگىلىك جاتتىعۋ تۇرىنە كروسسفيت, زۋمبا, يوگا, توپتىق جۇگىرۋ جانە برازيليالىق دجيۋ-دجيتسۋ كىرەدى. قازىرگى تاڭدا الەمدە سپورتتىڭ كروسسفيت تۇرىمەن اينالىسۋشىلار سانى ۋاقىت وتكەن سايىن ارتىپ كەلەدى. سەبەبى وندا جۇگىرۋدەن باستاپ اۋىر اتلەتيكا, پاۋەرليفتينگ, گيمناستيكا سياقتى دەنە جاتتىعۋلارىنىڭ بارلىعى قامتىلعان. برازيليالىق دجيۋ-دجيتسۋ ونەرى جەكپە-جەك ءتۇرى بولعاندىقتان, سپورتتىق كەشەندەردە وعان قاتىسۋ اقىلى تۇردە بولادى. ال ساياباقتاعى ساباقتار تەگىن.
ساياباقتاعى كەشكى باعدارلاماعا شاحمات, دويبى جانە Street Workout, جۇگىرۋ, ستريتبول سياقتى توپتىق ويىندار مەن بالالارعا ارنالعان ويىن-ساۋىق تۇرلەرى دە ەنگىزىلىپ وتىر.
كروسسفيت, زۋمبا, يوگا جانە برازيليالىق دجيۋ-دجيتسۋ باعىتتارىنا «پرەزيدەنتتىك», «ستۋدەنتتىك» جانە «جەرۇيىق» ساياباقتارىنا جەكسەنبى كۇندەرى تاڭعى ۋاقىتتا بارىپ قاتىسا الادى, ال كەشكى ۋاقىتتا «پرەزيدەنتتىك» پاركتەن باسقا ساياباقتاردا ۇستەل ويىندارى وينالادى.
«ترياتلون» پاركىندە جەكسەنبى سايىن تاڭەرتەڭ جانە كەشكە توپتىق جاتتىعۋلار وتەدى.
بۇل قولعا الىنىپ وتىرعان Fitness Park Astana جوباسى 27 مامىردان 9 قىركۇيەككە دەيىن استانا ساياباقتارىندا ءار جەكسەنبى سايىن وتكىزىلەدى.
ازامات ماۋلەن ۇلى
