«قولدايىق, اۋىل مەكتەبىن!» اكتسياسى اياسىندا اۋىل مەكتەپتەرىنە الماتى قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى قۇراستىرعان 3D پرينتەرلەرى سىيعا بەرىلدى. مەرەكەلىك كەرۋەن شالعايداعى ءبىلىم وشاقتارىنا 6 مىڭعا جۋىق كىتاپ, 3 مىڭعا تارتا بولمە گۇلدەرى جانە سپورتتىق ويىندارعا ارنالعان قۇرالداردى دا سىيلادى. ءارتۇرلى ادەبيەتتەردى زياتكەرلىك مەكتەپتىڭ وقۋشىلارى مەن ۇستازدارى وقۋ ورنىندا داستۇرگە اينالعان «Bookrossing» اكتسياسى بويىنشا جيناعان بولاتىن. ال سىنىپتارعا ەرەكشە ءسان بەرگەن وسىمدىكتەردى زياتكەرلىك مەكتەپتىڭ وقۋشىلارى مەكتەپتىڭ جىلىجايلارىندا ءوسىردى. سونداي-اق مەكتەپتەردىڭ دالىزدەرىنە «وقۋ. ىزدەنۋ. تالاپتانۋ», جاڭارتىلعان ءبىلىم بەرۋ مازمۇنى اياسىنداعى ادىستەمەلىك تاقتالار ءىلىندى. اۋىل بالالارىن اسىرەسە «100 كىتاپ» جوباسى, «بولاشاققا باعدار: رۋحاني جاڭعىرۋ» ماقالاسىنا نەگىزدەلگەن ءىس-شارالار ەرەكشە قىزىقتىردى.
ەڭ اۋەلى «نازارباەۆ زياتكەرلىك مەكتەپتەرى» دببۇ باسقارما ءتورايىمى كۇلاش ءشامشيدينوۆا مەن استانا قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ ديرەكتورى مەيرام جاكەنوۆتىڭ تارتۋىن اقمولا وبلىسىنداعى قازقالاشىق اۋىلىنىڭ مەكتەبى يەلەندى. قازقالاشىق وقۋشىلارى زياتكەرلىك مەكتەپتەردىڭ ون جىلدىعىنا وراي «Black & Whitە» ستۋدياسى ءتۇسىرىپ جاتقان «10 جىلدىق بەلەستەر» اتتى دەرەكتى ءفيلمنىڭ كەيىپكەرلەرى دە بولدى. ال الماتى قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ قاۋىمداستىعى جۋىردا جارىققا شىققان «باستاۋ» اتتى وقۋشىلاردىڭ شىعارمالار جيناعىن جامبىل اۋدانىنىڭ مەكتەبىنە تابىستاسا, شىمكەنت وڭىرىندە اتالعان اكتسيا سەنبىلىكتەن باستالدى. ايماقتاعى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ ۇستازدارى مەن وقۋشىلارى تولە بي اۋدانىنداعى تاسارىق اۋىلىنا ەكى كۇن بۇرىن ارنايى كەلىپ مەكتەپتىڭ قابىرعالارىن بەزەندىردى. مۇنداعى وقۋ ورنىنىڭ ەكىنشى قاباتىنا قازاقتىڭ ايگىلى عۇلامالارى ءال-فارابي, اباي, مۇحتار اۋەزوۆ, ىبىراي التىنسارين, احمەت بايتۇرسىنوۆتىڭ اسىل سوزدەرى جازىلعان تۋىندىلارى ءىلىنىپ, قازاقستاننىڭ تۇڭعىش پرەزيدەنتى نۇرسۇلتان نازارباەۆ بۇرىشى جانە اقپاراتتىق ستەند ورنالاستى.
– ارىپتەستەرىمىزگە ەلىمىزدەگى جەتەكشى مەكتەپتەردىڭ ۇزدىك وقىتۋشىلارى مەن دارىندى شاكىرتتەرى ارنايى كەلىپ, بۇرىن بولماعان مەرەكە ۇيىمداستىردى, – دەيدى پاۆلودار وبلىسىنداعى مايقايىڭ ورتا مەكتەبىنىڭ ديرەكتورى سامال ساقتاسىنقىزى. ونىڭ ايتۋىنشا, باياناۋىلدا نازارباەۆ مەكتەبىنىڭ كۇنى وتكىزىلەتىنىن ەستىگەن وزگە دە سەرىكتەس مەكتەپتەردىڭ مۇعالىمدەرى اتالعان شاراعا ارنايى كەلىپ, تاجىريبە الاڭىنا قوسىلعان ەكەن.
«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى باسقارما توراعاسىنىڭ ورىنباسارى نازيپا ايۋباەۆا جامبىل وبلىسىنداعى قوستوبە ورتا مەكتەبىندە بولدى. ول ءوز كەزدەسۋىندە NIS رrogramme وقىتۋ باعدارلاماسىنىڭ حالىقارالىق دەڭگەيدە مويىندالعانىن راستادى. «بەس جىل بۇرىن جۇمىسىمىزدى باستاعاندا كوبى كۇدىكپەن قارادى. بۇگىن ۇجىمدىق ەڭبەكتىڭ جەمىسىن كورىپ وتىرمىز. ويتكەنى بارلىق ايماقتا قۇرىلعان نازارباەۆ زياتكەرلىك مەكتەپتەرى ورتا ءبىلىم بەرۋ ۇيىمدارىن جەتەلەپ كەلەدى», دەدى نازيپا التىنبەكقىزى.
وسى ىسپەتتى «ويلاۋ ديزاينى», ۇشتىلدىلىك, «CLIL» ءادىسى, «STEAM-XXI عاسىرعا قاجەتتى داعدىلاردى دامىتۋدىڭ جاڭا جولى» نەگىزىندە وقۋشىلاردىڭ زەرتتەۋشىلىك قابىلەتىن ارتتىرۋ باعىتىنداعى سۇراقتار اقتوبە وبلىسىنىڭ مارتوك اۋدانىنداعى رودنيكوۆ ورتا مەكتەبىندە تالقىعا ءتۇستى. «قولدايىق, اۋىل مەكتەبىن!» اكتسياسى اتىراۋ وبلىسىنداعى جانباي اۋىلىنىڭ مادەنيەت ۇيىندە قورىتىندىلاندى. مۇندا اتىراۋلىق بالالار ءابىش كەكىلباەۆتىڭ «اقىرعى ايالداما» شىعارماسىن ساحنالىق دراما جانە كولەڭكە تەاترى ارقىلى ۇسىندى.
اكتسياعا تۇڭعىش پرەزيدەنت كىتاپحاناسى قولداۋ كورسەتتى. «ابىروي» ۇلتتىق قۇندىلىقتاردى دامىتۋ قورى, بەلگىلى مەديامەنەدجەر بيبىگۇل جەكسەنباي مىڭداعان شىعارمالاردى, مۇقاعالي ماقاتاەۆتىڭ ولەڭدەر جيناعىنىڭ ەلەكتروندى نۇسقاسىن سىيعا تارتتى. شالعايداعى مەكتەپتەرگە كەڭ كولەمدى كىتاپ قورىن تابىستاۋعا «دەلوۆوي مير استانا» جشس ەرەكشە قولداۋ ءبىلدىردى. ال «قازتسينك» مەتاللۋرگيالىق كومپانياسىنىڭ قارجىلاي قولداۋىمەن 300-گە تارتا فۋتبول, باسكەتبول جانە ۆولەيبول دوپتارى ساتىپ الىندى.
دۋمان اناش,
«ەگەمەن قازاقستان»
