كەزدەسۋدە نۇرسۇلتان نازارباەۆقا ءوڭىردىڭ الەۋمەتتىك-ەكونوميكالىق دامۋى جانە كاسپي ماڭى مەملەكەتتەرى باسشىلارىنىڭ سامميتىنە دايىندىق بارىسى جونىندە ەسەپ بەرىلدى.
قازاقستان پرەزيدەنتى ءسامميتتى وتكىزۋگە تىڭعىلىقتى دايىندالۋ قاجەتتىگىن ايتتى.
– اقتاۋدا بەس ەلدىڭ دەلەگاتسيالارى قاتىساتىن كاسپي ماڭى مەملەكەتتەرى باسشىلارىنىڭ ءسامميتىن وتكىزۋ جوسپارلانۋدا. وسى كەزدەسۋگە قاتىستى بارلىق ۇيىمداستىرۋ ماسەلەلەرىن پىسىقتاۋ كەرەك, – دەدى نۇرسۇلتان نازارباەۆ.
سونىمەن قاتار ەرالى توعجانوۆ ءوندىرىس, قۇرىلىس, اۋىل شارۋاشىلىعى جانە ينۆەستيتسيا تارتۋ سالالارىنداعى مەملەكەتتىك جانە سالالىق باعدارلامالاردىڭ جۇزەگە اسىرىلۋ بارىسىن باياندادى.
– نەگىزگى ەكونوميكالىق كورسەتكىشتەردىڭ ءوسىمى بايقالىپ وتىر. ءسىزدىڭ قويعان مىندەتتەرىڭىزدىڭ ءبارى ىسكە اسىرىلۋدا. 2017 جىلدىڭ قورىتىندىسى بويىنشا وڭىردەگى ءوندىرىستىڭ كولەمى 100,1 پايىزعا جەتتى, – دەدى ماڭعىستاۋ وبلىسىنىڭ اكىمى.
كەزدەسۋ سوڭىندا مەملەكەت باسشىسى بىرقاتار ناقتى تاپسىرما بەردى.
