ناۋقاستىڭ «اۋىرسام دا ۇستاي بەرەمىن», - دەپ شەشىم قابىلداۋى دۇرىس ەمەس.
«رامازان – ءاربىر ءمۇمىن اسىعا كۇتەتىن بەرەكە مەن مەيىرىمگە تولى اي. بۇل ايدىڭ ءاربىر ساتىندە كۇللى الەمگە اللا تاعالانىڭ راقىمى ۇزدىكسىز توگىلىپ تۇراتىنى اقيقات. سول بەرەكەلى ساتتەردەن قۇرالاقان قالماۋىمىز ءۇشىن شامامىز كەلگەنىنشە اللانىڭ پارىزىن ورىنداپ, ورازا ۇستايتىنىمىز بەلگىلى. الايدا, اللا تاعالا ادام بالاسىنا تەك قانا جەڭىلدىك قالايتىنىن ەستەن شىعارماۋىمىز قاجەت. سول ءۇشىن اللا تاعالا ادامنىڭ ءتۇرلى جاعدايلارى مەن كۇيىن ەسكەرە وتىرىپ, قاجەتتىلىك تۋىنداعان كەزدەردە ورازاسىن ءۇزىپ, كەيىنىرەك قايتا وتەۋىنە قۇراندا رۇقسات بەردى. ءدىنىمىز ەشكىمگە اۋىرلىق جۇكتەمەيدى. ءبىز قالا تۇرعىندارىن ءوز دەنساۋلىقتارىن ساقتاۋعا شاقىرامىز. اللا تاعالا ەلىمىزدى ءتۇرلى اۋرۋ-سىرقاۋلاردان امان ساقتاسىن!», دەدى باس يمام.
ەلۆيرا سەرىكقىزى,
«ەگەمەن قازاقستان»
الماتى
