ونىڭ قورىندا جاساقتالعان قۇجاتتار مەن دەرەكتەر پارتيانىڭ قۇرىلعاننان بەرگى قالىپتاسۋ, دامۋ تاريحىنان سانالۋان سىرلار شەرتەدى. مۇندا كەلۋشىلەر تۇڭعىش ەلباسىمىزدىڭ ەڭبەكتەرىمەن, باسقا دا قۇندى جادىگەرلەرمەن كەڭىنەن تانىسا الادى.
مۇراجايدىڭ تۇساۋكەسەر راسىمىندە وبلىستىق فيليالدىڭ العاشقى جەتەكشىسى, وسى وقۋ ورداسىنىڭ ديرەكتورى الەكساندر مەرك سويلەپ, ەلىمىزدىڭ الەۋمەتتىك-ەكونوميكالىق, ساياسي-مادەني دامۋىنا ولشەۋسىز ۇلەس قوسىپ كەلە جاتقان باسپارتيانىڭ ورنى مەن رولىنە كەڭىنەن تولعادى.
ء«بىزدىڭ كوللەدجدە پارتيانىڭ "جاس وتان" جاستار قاناتى جۇمىس ىستەيدى. ستۋدەنتتەرىمىز ارداگەرلەرگە كومەك كورسەتىپ, ءتۇرلى شارالارعا قاتىسىپ تۇرادى», دەدى ول.
«نۇر وتان» حدپ سقوف توراعاسىنىڭ ءبىرىنشى ورىنباسارى ارتۋر مولداعۇلوۆتىڭ ايتۋىنشا مۇراجايدىڭ اشىلۋى ەلىمىز بەن باس پارتيامىزدىڭ دامۋ كەزەڭدەرىمەن, تاريحىمەن جەتە تانىسۋعا مۇمكىندىك بەرەدى. پارتيا مۇشەلەرى مەن جاستار ءۇشىن ماڭىزدى وقيعا, ونەگە الارلىق تاعىلىم بولىپ سانالادى.
باسقوسۋدا ساياسي ۇيىمنىڭ قۇرىلۋىنا ۇلەس قوسقان ارداگەرلەرىمىز تۋرالى دا ايتىلدى.
وسىندا «دوڭگەلەك ۇستەل» ۇيىمداستىرىلىپ, پارتيانىڭ كۇن تارتىبىندەگى جوسپارلارى مەن الداعى ماقساتتار تالقىلاندى.
ءومىر ەسقالي,
«ەگەمەن قازاقستان»
