مودۋلدىك قويما اۋەجايدىڭ پەررونعا تىكەلەي شىعاتىن باقىلاۋ ايماعىندا ورنالاسقان. نىساننىڭ جالپى اۋماعى 1100 شارشى مەتردەن اسادى, ءارى وندا ىشكى اۋە باعىتتارى مەن كەدەندىك وداق ەلدەرىنەن پوچتا مەن جۇكتەردى قابىلداپ جانە شىعاراتىن, سونداي-اق, ترانسفەرتتىك (ترانزيتتىك) جۇكتەردى قابىلداپ جانە جونەلتەتىن اۋماق قاراستىرىلعان. جوبامەن جىلىنا 12 مىڭ تونناعا دەيىن پوچتا مەن جۇكتەر وتكىزىلەدى.
نىسانعا اۆتوماتتاندىرىلعان دابىل جۇيەسى ورناتىلىپ, بەينەباقىلاۋ قويىلعان.
بيىلعى جىلدىڭ شىلدە ايىندا اۋەجاي اۋماعىندا وزدەرىنىڭ سۇرىپتاۋ ورتالىقتارىن اشۋ ءۇشىن وتاندىق جانە شەتەلدىك كومپانيالارعا قويمانىڭ قوسىمشا اۋماعى جالعا بەرىلەدى. بولاشاقتا الىس جانە جاقىن شەت ەلدەردىڭ ۇشۋ باعىتتارىن ارتتىرىپ, قازاقستاننىڭ وبلىس ورتالىقتارى مەن جاقىن قالالارعا تيەسىلى جۇك كولەمىن استانانىڭ اۋە قاقپاسى ارقىلى وتكىزۋ جوسپارلانىپ وتىر.
نۇرسۇلتان نازارباەۆ حالىقارالىق اۋەجايى وسى باعىت بويىنشا قىزىعۋشىلىق تانىتقان ارىپتەستەرمەن ىنتىماقتاستىق ورناتىپ, ولارعا ساپالى قىزمەت كورسەتۋگە دايىن.
