سۋرەتتى تۇسىرگەن ەرلان ومار
ەڭسەلى وقۋ ورنى قابىرعاسىندا وتكەن راسىمدە سويلەگەن سوزىندە وبلىس اكىمىنىڭ ورىنباسارى ماديار قوجاحمەت وقىتۋشى-پروفەسسورلار مەن ستۋدەنت-جاستاردىڭ نازارىن ەلباسى قولداۋى ارقاسىندا اتقارىلىپ جاتقان ءىس-شارالاردىڭ ماڭىزدىلىعىنا اۋدارىپ, گۋمانيتارلىق عىلىمدار سالاسىنا دا باسىمدىق بەرىلگەنىن, بىرنەشە جىلعا ەسەپتەلگەن جوبا اياسىندا الەمدەگى ەڭ ۇزدىك وقۋلىقتار قازاق تىلىنە جۇيەلى تۇردە اۋدارىلاتىنىن, مۇنىڭ ءوزى قازاق ءتىلىن بايىتىپ, ءبىلىم بەرۋ ساپاسىن جوعارىلاتاتىنىن اتاپ كورسەتتى.
كىتاپحاناشى جاننا عابدۋللينا قازاقشاعا تارجىمالانعان 18 وقۋلىقتىڭ 3500 داناسى تۇسكەنىن, مۇنىمەن شەكتەلمەيتىنىن, كىتاپحانانى تولىقتىرۋ ءىسى جالعاساتىنىن جەتكىزدى. سويلەۋشىلەردىڭ پىكىرلەرىنە قاراعاندا تاريح, پەداگوگيكا, پسيحولوگيا, الەۋمەتتانۋ, فيلوسوفيا, ەكونوميكا, ساياساتتانۋ ماسەلەلەرىن قامتيتىن ادەبيەتتەر ستۋدەنتتەردىڭ زامان تالابىنا ساي كوزقاراستارىن ورنىقتىرۋمەن قاتار, لايىقتى ءبىلىم الۋلارىنا جان-جاقتى مۇمكىندىك بەرمەك. جاڭا وقۋ جىلىنان باستاپ جوعارى وقۋ ورىندارى بۇل وقۋلىقتاردى ءبىلىم بەرۋ ۇردىسىندە قولداناتىن بولادى.
«رۋحاني جاڭعىرۋ» باعدارلاماسىنىڭ جوباسى نەگىزىندە تىكەلەي اعىلشىن تىلىنەن اۋدارىلعان كىتاپتار قازاق ءتىلىنىڭ اۋقىمىن كەڭەيتەرى, ستۋدەنتتەردىڭ ءبىلىمىن تەرەڭدەتەرى ءسوزسىز. رەسەي پروفەسسورى سۆەتلانا تەرميناسوۆانىڭ ءار ەلدىڭ مادەنيەتىنەن سىر شەرتەتىن ەڭبەگىمەن تانىسىپ شىقتىم. ساپالى اۋدارىلۋىمەن, جەڭىل وقىلۋىمەن ەرەكشەلەنەدى دەيدى قازاق ءتىلى مەن ادەبيەتى كافەدراسىنىڭ مەڭگەرۋشىسى جانار تالاسپاەۆا. جاستار ساياساتى جونىندەگى باسقارمانىڭ باسشىسى يرينا تۋحۆاتۋللينانىڭ پايىمداۋىنشا, الەمدىك دەڭگەيدەگى عىلىم, ءبىلىم جەتىستىكتەرىن يگەرۋ – بۇگىنگى كۇن تالابى. كىتاپتاردىڭ مازمۇنى دا, كوركەمدىك بەزەندىرىلۋى دە كوڭىلگە قونىمدى.
ستۋدەنتتەر دە شەتەلدىك مادەني ءىنجۋ-مارجانداردى قازاق تىلىندە وقۋعا مۇمكىندىك العاندارىنا قۋانىشتى. سولاردىڭ ءبىرى – توعجان دۇيسەنعالي. ول شەتەل فيلوسوفى ەنتونني كەننيدىڭ شىعارماسىن وقۋعا الىپتى. اعىلشىن ءتىلىن مەڭگەرمەگەن جاستار ءۇشىن تاپتىرماس رۋحاني قازىنا بولىپ تابىلاتىنىن, وزگە مەملەكەتتەرمەن رۋحاني ارىپتەستىكتى نىعايتۋدا تاپتىرماس بايلانىس قۇرالى ەكەنىن ايتادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
