«گورنياك» قوناق ءۇي كەشەنىنىڭ اۋماعىندا ورىن تەپكەن جاڭا پامپ-ترەك پەن سكەيت ساياباعىنىڭ جالپى كولەمى 800 شارشى مەتر بولادى. مۇندا بارلىق قالا تۇرعىندارى قالاۋى بويىنشا BMX ماركالى ۆەلوسيپەدى مەن سكەيت تەبە الادى. جاڭا دەمالىس ورنىن سسكوب-ءتىڭ قولداۋىمەن الماتىلىق «SporttechKazakhstan» شىعارۋشى-كومپانياسى ورناتتى.
«بىرنەشە الاڭشادان تۇراتىن مۇنداي ۇلكەن جوبامەن ءبىز ءبىرىنشى رەت جۇمىس جاساپ وتىرمىز. بۇرىن ءبىر عانا سپورت تۇرىنە ارنالعان جەكە-جەكە سكەيت ساياباقشالارىن الماتى مەن پەتروپاۆل قالالارىنا ورناتقان ەدىك. اتالعان جوبا قولدانىستاعى نورمالار مەن تالاپتارعا سايكەس ازىرلەندى» دەدى كومپانيا مەنەدجەرى ماعجان قايرات ۇلى.
پامپ-ترەك پەن سكەيت ساياباعىن ورناتۋ باستاماسىن سسكوب پرەزيدەنتى بەرەكە مۇحامەتقاليەۆ كوتەردى. ويتكەنى جاستارمەن كەزدەسۋ بارىسىندا بىرلەستىك باسشىسىنا زاماناۋي سكەيت ساياباعىن سالىپ بەرۋ تۋرالى ءوتىنىش تۇسكەن بولاتىن. بەرەكە مۇحامەتقاليەۆ كومەكتەسۋگە ۋادە بەرگەن-ءدى. جوبانى جۇزەگە اسىرۋعا كاسىپورىن 30 ملن تەڭگە قارجى ءبولدى.
ء«بىز رۋدنىي قالاسىن تارتىمدى جانە زامان تالابىنا ساي دامىتا بەرۋىمىز كەرەك. سكەيت ساياباعى – ءبىزدىڭ جاستارعا قاجەت ۋاقىتتىڭ برەندى. ءبىز ولاردى ءاردايىم قولدايمىز جانە سالاۋاتتى, جان-جاقتى دامىعان, قۋاتتى, وي-ءورىسى كەڭ جاستارعا ەرەكشە سەنىم ارتامىز. ءدال وسىنداي ماماندار سسكوب پەن ERG-ءدىڭ بولاشاعىن قالىپتاستىرادى» دەدى سسكوب پرەزيدەنتى بەرەكە مۇحامەتقاليەۆ.
ءنازيرا جارىمبەت,
«ەگەمەن قازاقستان»
