فورۋمعا فر ەۋروپا جانە سىرتقى ىستەر مينيسترلىگىنىڭ (ەسىم) مەملەكەتتىك حاتشىسى جان-باتيست لەمۋان, قر ءسىم ينۆەستيتسيالار كوميتەتىنىڭ توراعاسى ەرلان قايىروۆ, قر فرانتسياداعى ەلشىسى جان عاليەۆ, فرانتسيانىڭ قر-داعى ەلشىسى فيليپپ مارتينە, Kazakh Invest باسقارما توراعاسى ساپاربەك تۇياقباەۆ, سونىمەن قاتار ەكى ەلدىڭ بيزنەس-قاۋىمداستىقتارىنىڭ وكىلدەرى قاتىستى.
فورۋمنىڭ اشىلۋىندا ەلشى جان عاليەۆ فرانتسيالىق قاتىسۋشىلاردى قازاقستان پرەزيدەنتىنىڭ استانا ەكونوميكالىق فورۋمىندا سويلەگەن ءسوزىنىڭ, ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى جانە «بەس الەۋمەتتىك باستاماسىنىڭ» حالىقارالىق بيزنەس ءۇشىن قىزىقتى تۇستارىمەن تانىستىرىپ ءوتتى.
ءوز كەزەگىندە ەرلان قايىروۆ وتكەن جىلى شەتەلدىك ينۆەستيتسيالاردىڭ شامامەن تورتتەن ءبىر بولىگى وڭدەۋ ونەركاسىبىنە باعىتتالعانىن مالىمدەدى.
«بۇل قازاقستاننىڭ مۇناي ونەركاسىبىنەن باسقا سالالاردا دا تارتىمدى بولا باستاعانىن بىلدىرەدى. ءبىز حالىقارالىق ستاندارتتار بويىنشا جۇمىس ىستەيمىز, وتكەن جىلى قازاقستان ەىدۇ ينۆەستيتسيالار كوميتەتىنىڭ مۇشەسى بولدى», — دەدى ە. قايىروۆ.
سونىمەن قاتار, جان-باتيست لەمۋان قازاقستانمەن ارىپتەستىكتىڭ ماڭىزدىلىعىن اتاپ ءوتتى.
ء«بىز قازاقستانمەن ستراتەگيالىق ارىپتەستىك تۋرالى ايتقانىمىزدا, بۇل ۇلكەن ىسكە اسادى دەپ ايتا الامىن. بۇل ارىپتەستىككە جاڭا دەم بەرىپ, ەكونوميكالىق, ساياسي ەرەكشەلىكتەردى ەسكەرە وتىرىپ, نىعايتۋ كەرەك. قازاقستاننىڭ جەكەشەلەندىرۋ باعدارلاماسى – بۇل وتە قىزىقتى تاقىرىپ. ۇسىنىلىپ وتىرعان قازاقستاندىق ىنتىماقتاستىققا ءۇن قاتا الاتىنداي فرانتسيادا قۇزىرەتتىلىك بار دەپ ويلايمىن», — دەدى جان-باتيست لەمۋان.
Kazakh Invest باسقارما توراعاسى ساپاربەك تۇياقباەۆ ورتالىق ازيا ەلدەرىنىڭ ءجىو-نە ينۆەستيتسيالاردىڭ ⅔ جۋىعى قازاقستانعا كەلەتىنىن اتاپ ءوتتى. سونىمەن قاتار ول شەتەلدىك ينۆەستورلاردى قولداۋدىڭ قولدانىستاعى تەتىكتەرى, سونىڭ ىشىندە احقو-نىڭ قارجىلىق قۇرالدارىنىڭ كەڭ سپەكترى ارقىلى قولداۋ تۋرالى ايتتى.
Kazakh Invest اقپاراتى بويىنشا, قازىرگى تاڭدا قازاقستاندا جۇمىس ىستەپ جاتقان الەمدىك كومپانيالارعا 500 ملن-نان استام ادامنان تۇراتىن نارىق قولجەتىمدى. قازاقستان ارقىلى قۇرامىنا بەس تەمىرجول جانە التى اۆتوموبيل حالىقارالىق باعدارلارى, سونىڭ ىشىندە زاماناۋي ترانسكونتينەنتالدىق «باتىس ەۋروپا — باستىس قىتاي» اۆتوماگيسترالى ەنەتىن مۋلتيمودالدىق ەۋرازيا كولىك ءدالىزى وتەدى.
ء«بىزدىڭ كولىك دالىزدەرىمىز ازيادان (ليانيۋنگان پورتى, قىتاي) ەۋروپاعا (دۋيسبۋرگ پورتى, گەرمانيا) نەمەسە كەرى قاراي شامامەن 10-15 كۇن ىشىندە جۇك جەتكىزۋگە مۇمكىندىك بەرەدى, بۇل تەڭىزبەن تاسىمالداۋعا قاراعاندا ەكى-ءۇش ەسە تەزىرەك. كونتەينەرلىك تاسىمالداۋلار ەكى ەسە ءوستى دەپ ايتا الامىن», — دەدى س.تۇياقباەۆ.
فرانتسيا بيزنەسمەندەرىنە ەكونوميكانىڭ ۇلتتىق ستراتەگياعا سايكەس باسىم سالالارىنداعى 50 تاۋاشالىق جوبا ۇسىنىلدى. اتالعان ينۆەستيتسيالىق ۇسىنىستار Deloitte كومپانياسىمەن بىرلەسىپ ازىرلەنگەن.
بۇدان وزگە, فورۋم اياسىندا «قازاقستان «جاڭا جىبەك جولىندا» ينۆەستيتسيالار جانە ەكسپورتقا ارنالعان پلاتفورما رەتىندە», قازاقستانعا شەتەلدىك ينۆەستيتسيالار تارتۋ قۇرالدارى», سونداي-اق «ەكونوميكانى تسيفرلاندىرۋ» سەسسيالارىندا تالقىلاۋلار ءوتتى.
سونىمەن قاتار ينۆەستيتسيالىق فورۋم اياسىندا ECM Technologies جانە «قازاتومونەركاسىپ» اراسىندا ءوزارا تۇسىنىستىك جانە ىنتىماقتاستىق تۋرالى مەموراندۋمدارعا قول قويىلدى.
بۇگىندە قازاقستاننىڭ جەتەكشى ساۋدا ارىپتەستەرىنىڭ تىزىمىندە فرانتسيا بەسىنشى ورىندا تۇر, ال فرانتسۋز كومپانيالارى ەلىمىزدىڭ ەكونوميكاسىنىڭ اسا ىرى ينۆەستورلارىنىڭ قاتارىندا. قازاقستاندا جوعارى تەحنولوگيالىق جوبالاردى ىسكە اسىرىپ جاتقان «توتال», «ارەۆا», «دانون», «ۆيكات», «پەجو», «الستوم» كومپانيالارىن جانە ت. ب. قوسقاندا فرانتسيا كاپيتالىنىڭ قاتىسۋىمەن 130-دان اسا كاسىپورىن تابىستى جۇمىس ىستەۋدە. قر-عا فرانتسۋز كاپيتالىنىڭ سالىمى 2005 جىلدان باستاپ 2017 جىلعى قىركۇيەككە دەيىن $13,9 ملرد قۇرادى. قازاقستاننان فرانتسياعا تىكەلەي شەتەلدىك ينۆەستيتسيالار اعىمى وسى كەزەڭ ىشىندە $29,6 ملن قۇرادى.
قازاقستان مەن فرانتسيا اراسىنداعى ستراتەگيالىق ارىپتەستىك تۋرالى كەلىسىمشارتقا (2008 ج.) قول قويىلعان ساتتەن باستاپ, ەكى ەل اراسىنداعى تاۋار اينالىمىنىڭ كولەمى $43 ملرد اسا سومانى قۇرادى. قازاقستاندىق ەكسپورتتىڭ نەگىزگى تۇرلەرى — مۇناي, مەتالل جانە مەتالل ونىمدەرى, سونىمەن قاتار حيميالىق ونەركاسىپ ءونىمى. قازاقستان فرانتسيادان ەلەكترلىك, ەلەكتروندىق جانە مەحانيكالىق جابدىقتار, تۇتىنۋ تاۋارلارىن, ءدارى-دارمەك پەن كوسمەتيكا, اۆتوموبيل, ازىق-ت ۇلىك, قۇرىلىس ماتەريالدارىن يمپورتتايدى.
