اتاپ ايتقاندا, ول – بىرىڭعاي نورماتيۆتىك اكتىلەردە قاعاز جانە ەلەكتروندىق قۇجاتتاردى جوبالاۋ مەن ساقتاۋعا قويىلاتىن تالاپتاردى بىرىكتىرۋ, سونداي-اق قوعامدىق ءومىردىڭ بارلىق سالالارىندا قۇجاتتامالىق قولداۋدىڭ جاڭا اقپاراتتىق نىساندارىن ەنگىزۋ جانە ەلەكتروندىق قۇجات اينالىمىنا تولىق كوشۋ.
وسى ورايدا مادەنيەت جانە سپورت مينيسترلىگىنىڭ باستاماسىمەن مەملەكەتتىك ورگانداردا ەلەكتروندى قۇجات اينالىمىنىڭ بىرىڭعاي جانە قۇجات اينالىم جۇيەسىندە قالىپتاسقان قۇجاتتاردى ەلەكتروندى قۇجاتتار قويماسىنا كوشىرۋ جۇمىستارى جۇرگىزىلۋدە. ەلەكتروندى قۇجات اينالىمىنىڭ بىرىڭعاي جۇيەسى قۇجاتتاردى ساقتاۋدىڭ قۇپيالىلىعىن جانە كىرۋ قۇقىعىن شەكتەۋدى قامتاماسىز ەتەدى, سونداي-اق قۇجاتتى پايدالانۋ تاريحىن, ىزدەۋدىڭ ىڭعايلىلىعى مەن جىلدامدىعىن باقىلايدى.
ارحيۆ ءىسى سالاسىنداعى زاڭنامانى جەتىلدىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ارحيۆ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىمەن قابىلدانعان وزگەرىستەر مەن تولىقتىرۋلار ەلەكتروندىق جۇيە قۇجاتتاردى ەلەكتروندىق تۇرگە اينالدىرۋعا, وعان قولجەتىمدىلىكتى قامتاماسىز ەتۋگە جانە ەلەكتروندىق ءارحيۆتى باسقارۋعا مۇمكىندىك بەرەدى.
ەلەكتروندى ءارحيۆتىڭ نەگىزگى مىندەتى – ەلىمىزدىڭ ۇلتتىق ارحيۆ قورىنداعى قۇجاتتاردى جيناقتاۋ, تىزىمگە الۋ, ساقتاۋ جانە پايدالانۋ سىندى ارحيۆ قىزمەتىنىڭ نەگىزگى باعىتتارىن اقپاراتتاندىرۋ.
ارحيۆتەر قوعامنىڭ رۋحاني, مادەني, عىلىمي, الەۋمەتتىك-قۇقىقتىق قاجەتتىلىكتەرىن قاناعاتتاندىرۋ ماقساتىندا ەلدىڭ تاريحي-مادەني قۇجاتتىق مۇرالارىن ساقتايدى. ارحيۆ قىزمەتىنىڭ نەگىزگى باعىتى حالىقتىڭ قۇجاتتىق ەستەلىگىن ساقتاۋ بولىپ تابىلادى, بۇل ەل ازاماتتارىنا رەتروسپەكتيۆتى قۇجاتتامالىق اقپاراتتى وڭتايلى تۇردە الۋعا مۇمكىندىك بەرەدى. بۇگىندە ەلىمىزدىڭ ۇلتتىق ارحيۆىنە مەملەكەتتىك ساقتاۋعا قۇندى قۇجاتتار قابىلدانۋدا, ولاردى تسيفرلىق نىسانعا كوشىرۋ جۇمىستارى جۇرگىزىلۋدە. اسا قۇندى قۇجاتتاردىڭ ساقتاۋ قورىن قۇرۋ ءۇشىن ميكروفيلمدەۋ تەحنولوگياسى قولدانىلادى.
قازىردە ەلىمىزدە مەملەكەت باسشىسىنىڭ تاپسىرماسىمەن «تسيفرلى قازاقستان» مەملەكەتتىك باعدارلاماسى جۇزەگە اسىپ جاتقانى انىق. باعدارلامانىڭ نەگىزگى باعىتتارىنىڭ ءبىرى – تسيفرلىق ەكوجۇيەنى ۇدەمەلى دامىتۋ ارقىلى قاجەت مالىمەتتەردى ەلەكتروندى تۇردە پايدالانىپ, ءومىر ءسۇرۋ ساپاسىن جەڭىلدەتۋ. وسى ورايدا ارحيۆتەگى مالىمەتتەرگە قول جەتكىزۋ ءىسى دە ۋاقىت تالابىنا بەيىمدەلىپ كەلەدى.
جانگەلدى ماحاشوۆ,
قازاقستان رەسپۋبليكاسى ۇلتتىق ءارحيۆىنىڭ ديرەكتورى
