مەملەكەتتىك قىزمەت ورگاندارىنىڭ 20 جىلدىق مەرەيتويى مەن «مەملەكەتتىك قىزمەتشىلەر كۇنى» مەرەكەسىنە ورايلاستىرىلعان سپارتاكيادا ەرەجەسىنە سايكەس, جارىسقا مەملەكەتتىك قىزمەتشىنىڭ جانۇياسى, ياعني, اتا-انا جانە 6-8 جاس ارالاعىنداعى ەكى بۇلدىرشىننەن قاتىستى.
جارىستىڭ اشىلۋ سالتاناتىندا اۋماقتىق دەپارتامەنت باسشىسى, ادەپ جونىندەگى كەڭەسىنىڭ ءتورايىمى ن.جاننازاروۆا ءسوز سويلەپ, «رۋحاني جاڭعىرۋ» باعدارلاماسىنىڭ «وزگەرىستەردى وزىڭنەن باستا» كىشى باعدارلاماسى اياسىنداعى سپورتتىق ءىس-شارانىڭ ماقساتى مەملەكەتتىك قىزمەتشىلەردىڭ اراسىندا سالاۋاتتى ءومىر-سالتىن ناسيحاتتاپ, مەملەكەتتىك قىزمەتتىڭ وڭ ءيميدجىن قالىپتاستىرۋ ەكەندىگىن اتاپ ءوتتى.
ماڭعىستاۋ وبلىستىق دەنە شىنىقتىرۋ جانە سپورت باسقارماسىنىڭ ءبولىم باسشىسى ن.جۇماباي ەلباسىنىڭ بۇقارالىق سپورتتى دامىتۋعا باعىتتالعان باستامالارىن جۇزەگە اسىرۋ شەڭبەرىندە وسىنداي سپورتتىق ءىس-شارالار مەملەكەتتىك قىزمەتشىلەردىڭ قاتىسۋىمەن ودار ءارى جالعاسىن تاباتىنداعىن جەتكىزدى.
11 ويىن تۇرىنەن وتكەن سايىس ناتيجەسى بويىنشا ءبىرىنشى جۇلدەلى ورىندى «پاراسات» توبى (دالاباەۆتار وتباسى-مقىسجقىا ماڭعىستاۋ وبلىسى بويىنشا دەپارتامەنتى), ەكىنشى ورىندى «امانات» توبى (دولداشەۆتار وتباسى - مقىسجقىا ماڭعىستاۋ وبلىسى بويىنشا دەپارتامەنتى), ءۇشىنشى ورىندى «قىراندار» توبى (ەلەشوۆتار وتباسى - مقىسجقىا ماڭعىستاۋ وبلىسى بويىنشا دەپارتامەنتى) يەلەندى.
سايىس قورىتىندىسى بويىنشا جاقسى ناتيجەگە قول جەتكىزگەن «قۇلاگەر» توبى (قارابەكوۆتەر وتباسى - قىلمىستىق-اتقارۋ جۇيەسى دەپارتامەنتى) مەن «پاتريوتتار» كومانداسى (كۋنگۋروۆتار توبى-«شكولنيك» ورتالىعى) باعالى سىيلىقتارمەن, ال جەڭىمپازدار ديپلومدار, مەدالدار جانە كۋبوكتارمەن ماراپاتتالدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
