اۋداندارعا جۇمىس ساپارى اياسىندا وبلىس اكىمى قىرىمبەك كوشەرباەۆ نىسانداردىڭ اشىلۋ راسىمىنە قاتىستى.
اتاپ ايتقاندا, قارماقشى اۋدانىندا № 183 ءۇ.تومانوۆ اتىنداعى ورتا مەكتەپ پەن 50 ورىندىق «سامال» بالاباقشاسىنىڭ اشىلۋى ءوتتى.
«ەلباسىمىز نۇرسۇلتان ءابىش ۇلى نازارباەۆ 2020 جىلعا دەيىن ءبىلىم سالىسىنا قاتىستى 3 مىندەت قويعان بولاتىن: ءۇش اۋىسىمدىق جانە اپاتتىق مەكتەپتەردى جويۋ جانە 3-6 جاستاعى بۇلدىرشىندەردى بالاباقشامەن قامتۋ. ۇشەۋىن دە قىزىلوردا وبلىسى مەرزىمىنەن بۇرىن ورىندادى. 2015 جىلى ءۇش اۋىسىمدىق مەكتەپتەردى تۇبەگەيلى جويۋعا قول جەتكىزدىك جانە 3-6 جاس ارالىعىنداعى بۇلدىرشىندەردى مەكتەپكە دەيىنگى تاربيەمەن قامتاماسىز ەتۋدى مەرزىمىنەن بۇرىن 100 پايىزعا ورىندادىق. مۇندا مەملەكەتتىك-جەكەمەنشىك ارىپتەستىكتى دامىتۋدىڭ ۇلەسى باسىم ەكەنىن ايتۋ كەرەك. بۇگىنگى كۇنى بالاباقشالاردىڭ 71 پايىزى مەملەكەتتىك-جەكەمەنشىك نەگىزىندە جۇمىس ىستەيدى», - دەدى ايماق باسشىسى.
اتاپ وتەيىك, سوڭعى بەس جىلدىڭ وزىندە قارماقشى اۋدانىندا 4 مەملەكەتتىك بالاباقشا, 3 مەكتەپ, 3 اۋىلدىق كلۋب, 1 تاريحي ولكەتانۋ مۇراجايى, 3 دارىگەرلىك امبۋلاتوريا جانە تاۋلىگىنە 250 كەلۋشىگە ارنالعان اۋداندىق ەمحانانىڭ قۇرىلىسى جۇرگىزىلىپ, حالىق يگىلىگىنە بەرىلدى. ودان بولەك, تورەباي بي اۋىلدىق وكرۋگىندە بالاباقشانىڭ قۇرىلىسى جانە تورەتام كەنتىندە دەنە شىنىقتىرۋ ساۋىقتىرۋ كەشەنى قۇرىلىستارى جۇرگىزىلۋدە.
جاڭاقورعان اۋدانىندا مەكتەپ, بالاباقشا جانە سپورتتىق-ساۋىقتىرۋ كەشەنى, ال شيەلىدە مادەنيەت ءۇيى مەن تاعى ءبىر سپورت كەشەنى پايدالانۋعا بەرىلدى.
جاڭاقورعان اۋدانىنىڭ تۇگىسكەن اۋىلىندا 140 ورىندىق بالاباقشا مەن سپورتتىق-ساۋىقتىرۋ كەشەنى اشىلسا, قوجامبەردى اۋىلىندا 200 ورىنعا ارنالعان مەكتەپ پايدالانۋعا بەرىلدى. ءبىلىم ۇياسىنىڭ بۇرىنعى عيماراتى 2000 ج. اسار ادىسىمەن سالىنعان.
بيىل شيەلى اۋدانى 90 جىلدىق مەرەيتويىن اتاپ وتپەك. اتاۋلى كۇنگە وراي اۋداندا مادەنيەت ءۇيى مەن سپورتتىق-ساۋىقتىرۋ كەشەنى اشىلدى.
وبلىس اكىمىنىڭ ايتۋىنشا, 2013 جىلدان باستاپ اۋداندا 6 اۋىلدىق كلۋب, ى.جاقاەۆتىڭ تۋعان اۋىلىندا مۋزەي, تاريحي-ولكەتانۋ مۋزەيى سالىندى. تاعى دا 11 مادەني نىسان كۇردەلى جوندەۋدەن ءوتتى, ال جىل سوڭىنا دەيىن تارتوعاي اۋىلدىق وكرۋگىندە 150 ورىندىق مادەنيەت ءۇيى پايدالانۋعا بەرىلەتىن بولادى.
سوڭعى 5 جىلدا قىزىلوردا وبلىسىندا 200 الەۋمەتتىك نىسان سالىندى.
