سۋرەتتەردى تۇسىرگەن ۆالەري بۋگاەۆ
وبلىستىق شتابقا مەملەكەتتىك الەۋمەتتىك تاپسىرىس اياسىندا 69 ميلليون تەڭگە بولىنگەن. جىل سايىن «جاسىل ەلدىكتەردىڭ» قاتارى كوبەيۋدە. ەڭبەكاقىلارى 35-80 مىڭ تەڭگە. «جاسىل ەل» وبلىستىق شتابىنىڭ كومانديرى زاۋىر سوۆەتتىڭ ايتۋىنشا, وبلىس ورتالىعىنداعى مەملەكەتتىك پەداگوگيكالىق ۋنيۆەرسيتەتتىڭ «مارعۇلان ورتالىعىمەن» بىرگە جاستار ساكرالدى ورىنداردىڭ اۋماعىن تازالاپ, قورشاۋمەن اينالىسادى. ياعني, ەكىباستۇزدىڭ اۋليەكول, ولەڭتى, اقبيدايىق, باياناۋىلدىڭ تورايعىر وزەنى مەن كەمپىرتاس ەسكەرتكىشى, ماي اۋدانىنىڭ كەمەرتۇز اۋىلىنا اتتانادى.
وتكەن جىلى جۇمىسىن باستاعان سۋ استىنداعى وترياد جۇمىسى بيىل دا جالعاسادى. تاعى ءبىر باستاما- 1000 اعاش كوشەتىن وتىرعىزباق. بۇعان دەيىن ستۋدەنتتەر ساياباقتا, اۋلالاردا 100 اعاش ەكتى. قالا ىشىندە شاعىن سەنبىلىك وتكىزىپ, 300 قاپ قوقىس شىعاردى. وبلىس اكىمدىگى «جاسىل ەلدىكتەرگە» ءوڭىر ەكولوگتارىمەن بىرلەسە جۇمىس جاساۋدى تاپسىردى. جاستاردى جۇمىسپەن قامتۋ بويىنشا وڭىردەگى قۇرىلىس كومپانيالارىمەن دە كەلىسىمشارتتار جاسالعان.
فاريدا بىقاي,
«ەگەمەن قازاقستان»
پاۆلودار
