«ورلەۋ» بىلىكتىلىكتى ارتتىرۋ ۇلتتىق ورتالىعى» اق ەلىمىزدەگى ءبىلىم بەرۋ جۇيەسىندەگى پەداگوگيكالىق قىزمەتكەرلەردىڭ بىلىكتىلىگىن ارتتىرۋمەن اينالىساتىن بىردەن-ءبىر مەكەمە. جاقىندا ورتالىقتىڭ ورالداعى فيليالى – باتىس قازاقستان وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا «پەداگوگيكالىق قىزمەتكەرلەردىڭ بىلىكتىلىگىن ارتتىرۋ جۇيەسىندەگى سمارت تەحنولوگيالار» اتتى وبلىستىق عىلىمي-تاجىريبەلىك كونفەرەنتسيا بولىپ ءوتتى. كونفەرەنتسياعا بقو ءبىلىم بەرۋ ۇيىمدارىنىڭ پەداگوگتەرى, سونىڭ ىشىندە 41 بازالىق ءبىلىم بەرۋ ۇيىمدارىنىڭ باسشىسى قاتىستى.
شاراعا قاتىسۋشىلاردى تىركەۋ ەلەكتروندى تۇردە جۇرگىزىلدى, ياعني الدىن الا دايىندالعان گۋگل كەستەگە تىركەلدى. 4 توپقا شوعىرلانعان سەكتسيالىق وتىرىستاردا ينستيتۋتتىڭ «ماتەماتيكا وقۋلىعى» جوباسى, «بىرگە وقيمىز!», «قاشىقتىق كۋرستارى», «ساباق جوسپارى» جوبالارى تانىستىرىلدى. بارلىق قاتىسۋشىلار ىستىق ىقىلاس ءبىلدىرىپ, قىزىعۋشىلىق تانىتتى.
كونفەرەنتسيادا پەداگوگتەرگە سمارت تەحنيكالاردى قولدانۋ بويىنشا ادىستەمە كورسەتىلدى. يننوۆاتسيالىق تەحنولوگيانى قولدانۋداعى شەتەلدىك تاجىريبەنى زەرتتەۋ, وتاندىق پراكتيكاداعى جەتىستىكتەر, تۋىندايتىن قيىندىقتار تالقىلاندى. قاتىسۋشىلار وزدەرىنە قولجەتىمدى سمارت تەحنيكا ارقىلى تەوريا تۇرىندە ايتىلعان ساباقتى پراكتيكالىق تۇرعىدا جۇزەگە اسىرىپ كوردى. ساپالى ۇيىمداستىرىلعان كەرى بايلانىس ناتيجەسىندە وزدەرىن قىزىقتىرعان سۇراقتارعا تۇشىمدى جاۋاپ الدى.
250 پەداگوگتى قامتىعان ايتۋلى شاراعا كەلىپ تۇسكەن ماقالالار 6 سەكتسياعا توپتاستىرىلىپ, ينستيتۋت سايتىندا تالقىلاۋ جۇرگىزىلدى. ءار قاتىسۋشىنىڭ ماقالاسىنا پىكىر جازىلىپ, ۇسىنىستار دا بەرىلدى. كونفەرەنتسيانىڭ سايتتاعى بەتى ءالى دە اشىق. مامىر ايىنىڭ سوڭىنا دەيىن سايتتاعى ماقالالاردى تالقىلاپ, پىكىر الماسۋعا بولادى.
قازاقستان رەسپۋبليكاسىنىڭ پرەزيدەنتى ن.نازارباەۆ 2018 جىلعى 10 قاڭتارداعى ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا «ادامي كاپيتال – جاڭعىرۋ نەگىزى» دەگەن بولاتىن. جولداۋدا تىكەلەي ءبىلىم بەرۋ ماسەلەلەرىنە قاتىستى «وقىتۋدىڭ مازمۇندىلىعى زاماناۋي تەحنيكالىق تۇرعىدان قولداۋ كورسەتۋ ارقىلى ۇيلەسىمدى تۇردە تولىقتىرىلۋعا ءتيىس. تسيفرلىق ءبىلىم بەرۋ رەسۋرستارىن دامىتۋ, كەڭجولاقتى ينتەرنەتكە قوسۋ جانە مەكتەپتەرىمىزدى ۆيدەوقۇرىلعىلارمەن جابدىقتاۋ جۇمىستارىن جالعاستىرۋ قاجەت. ورتا مەكتەپ پەن كوللەدجدەر جانە جوعارى وقۋ ورىندارى ۇزدىك وقىتۋشىلارىنىڭ ۆيدەوساباقتارى مەن ۆيدەولەكتسيالارىن ينتەرنەتتە ورنالاستىرۋ كەرەك. بۇل بارلىق قازاقستاندىقتارعا, ونىڭ ىشىندە شالعايداعى ەلدى مەكەن تۇرعىندارىنا وزىق ءبىلىم مەن قۇزىرەتتىلىككە قول جەتكىزۋگە جول اشادى» دەگەن تۇجىرىمدار بار.
پرەزيدەنتىمىزدىڭ ءوزى ۆيدەوساباق تۋرالى ناقتى تاپسىرما بەرگەن كەزدە ءبىلىم بەرۋدىڭ الدىندا ءتۇرلى سالاسىنداعى ۇزدىك پەداگوگتاردى انىقتاۋ جانە ولاردىڭ ساباقتارىن بەينەگە ءتۇسىرىپ, وڭدەۋ, كەيىن ينتەرنەتكە ورنالاستىرۋ ءتارىزدى جاۋاپتى ءارى اۋقىمدى ىستەردىڭ تۇرعانى ءمالىم بولدى. وسىلايشا ءبىز باتىس قازاقستان وبلىستىق ءبىلىم باسقارماسىمەن ىنتىماقتاستىق مەموراندۋمىن جاساسىپ, 41 بازالىق ءبىلىم بەرۋ ۇيىمىن انىقتادىق.
وسى كەلىسىم اياسىندا اتقارىلعان العاشقى جۇمىس – ورال پوليتەحنيكالىق كوللەدجىنىڭ ارنايى ءپان وقىتۋشىسى ەلميرا ناحۋوۆانىڭ 2 بەينەساباعى بولدى. «قۇبىرلاردى كەسۋ جانە ءپىسىرۋ» بەينەساباعى ەلەكتر دانەكەرلەۋشى ماماندىعىنىڭ 1-كۋرس ستۋدەنتتەرىنە ارنالعان.
بۇگىنگى تاڭدا ينستيتۋت بازاسىندا ءتۇرلى پاندەر بويىنشا 14 بەينەساباق ءتۇسىرىلىپ, ولار «ورلەۋ» باۇو» باس كەڭسەسىنە جولداندى. بۇل ساباقتىڭ ۇزدىكتەرى سايتقا جاريالانىپ, رەسپۋبليكا كولەمىندە ۇستازدار قارالىمىنا ۇسىنىلىپ, لايىقتى باعاسىن الۋدا.
قازاقستاندىق مۇعالىمدەردىڭ وزىق تاجىريبەسىن بەينەساباق تۇرىندە تاراتۋدىڭ قانداي پايداسى بار؟
بىرىنشىدەن, بەينەساباق – قازىرگى زامان تالابىنا ساي قاشىقتان وقىتۋ ءۇشىن اسا قاجەت ماتەريال. بەينەساباقتار جينالا كەلە بولاشاقتا كاسىبي كونتەنت قۇراستىراتىن اۆتورلار قالىپتاسادى دەپ سەنەمىز.
ەكىنشىدەن, بەينەساباق كومەگىمەن وقىتۋ تاجىريبەلەرىن ءىشىنارا ەنگىزۋ ارقىلى قازىرگى بالالاردىڭ ينتەرنەتكە, كومپيۋتەرگە, سمارتفوندار مەن پلانشەتتەرگە دەگەن جوعارى قىزىعۋشىلىعىن پايدالى ارناعا بۇرۋ ماسەلەسى شەشىلۋى مۇمكىن.
ۇشىنشىدەن, قازاق تىلىنە لاتىن گرافيكاسىن ەنگىزۋ ناتيجەسىندە تىلىمىزدە ورفوگرافيالىق وزگەرىس پايدا بولادى. بۇل ورفوەپياعا دا اسەر ەتىپ, سويلەۋ داعدىمىزدا ەلەۋلى وزگەرىس بولۋى مۇمكىن. بەينەساباقتا مۇعالىمنىڭ ساباقتى ءتۇسىندىرۋ بارىسىنداعى سويلەۋ ۇلگىسى جازبادا ساقتالىپ, اقپاراتتى ساقتاۋدىڭ جاڭا فورماتىندا بولاشاق ۇرپاققا قاشاندا قولجەتىمدى بولادى.
بەينەساباقتا مۇعالىمنىڭ جاڭا ساباقتى ءتۇسىندىرۋى, 40 (بۇرىن 45 مينۋت) مينۋتتىق ساباق مازمۇنىندا مۇعالىمنىڭ وقۋشىعا بەرەتىن ەڭ ماڭىزدى اقپاراتتارى بەينەساباق كومەگىمەن 10 مينۋتتان اسپايتىن ۋاقىتقا جيناقتالادى.
دايىندالعان بەينەساباقتاردىڭ قانداي پايداسى بار؟ وقۋشى وسى بەينەباياننان جاڭا ساباق مازمۇنىمەن الدىن الا تانىسىپ, ساباققا جوعارى دايىندىقپەن كەلەدى. ءتىپتى دەنساۋلىعىنا بايلانىستى مەكتەپكە كەلە الماعان كەزدە دە ساباق مازمۇنىمەن ءوز بەتىنشە شۇعىلدانۋعا مۇمكىندىك الادى. سونداي-اق اۋا-رايىنا, توتەنشە جاعدايعا بايلانىستى مەكتەپتە ساباق توقتاتىلعان كەزدە دە وقۋشى وقۋ ۇدەرىسىن ءوز بەتىمەن جالعاستىرا الادى. ال ۇلگەرىمى تومەندەگەن وقۋشىلار ساباقتى قابىلداۋ قابىلەتى كۇشەيگەن كەزدە ءوز بەتىمەن بۇرىنعى ساباقتى قايتالاپ تۇسىنە الادى.
مىنە, XحI عاسىردىڭ ءبىلىم بەرۋ جۇيەسى مۇعالىمدەر اراسىنداعى سەرىكتەستىكتىڭ كەڭەيۋىنە اكەلەدى. مۇنىڭ اياسىندا مۇعالىمدەر بىرلەسىپ جۇمىس جاساي الادى, يننوۆاتسيالىق جانە ءتيىمدى ويلارىمەن بولىسە الادى. وسىنداي مۇمكىندىكتەرگە قول جەتكىزۋ ءۇشىن «ورلەۋدەگى» ورەلى وزگەرىستەر قوعام دامۋىنا قاراي جالعاسىن تابا بەرەرى ءسوزسىز.
سوفيا ىزمۇحانبەتوۆا,
«ورلەۋ» باۇو» اق فيليالى
بقو بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى ديرەكتورى
