وندا مەملەكەتتىك ساتىپ الۋ توڭىرەگىندەگى ىستەر, سوت الدى كەلىسىمگە كەلۋ جانە كورپوراتيۆتىك داۋلار ماسەلەلەرىنە قاتىستى تۇسىندىرمە جۇمىستارى جۇرگىزىلدى
اتاپ ايتساق, وتكەن جىلى سوتقا 3507 تالاپ ارىز تۇسسە, ونىڭ 1509-ى مەملەكەتتىك ساتىپ الۋ سالاسىنا قاتىستى. بيىلعى جىلدىڭ وزىندە سوتتا مەملەكەتتىك ساتىپ الۋ ماسەلەسىنە قاتىستى 372 ءىس تىركەلگەن.
- قازىر بىزگە كاسىپكەرلەردى جوسىقسىز دەپ تانۋ تۋرالى كوپتەگەن ىستەر ءتۇسىپ جاتىر. جەكە كاسىپكەر ما, جاۋاپكەرشىلىگى شەكتەۋلى سەرىكتەستىك پە وعان قارامايدى, ەگەر جوسىقسىز قاتىسۋشى دەپ تانىلسا «قارا تىزىمگە» كىرىپ, 2 جىل كولەمىندە مەملەكەتتىك ساتىپ الۋ پروتسەستەرىنە قاتىسا المايدى. وسى جاعىن ءبىز كاسىپكەرلەرگە كەڭىنەن ءتۇسىندىرۋىمىز قاجەت. الدىندا قانداي تاۋەكەلدەر كۇتىپ تۇرعانىن ىسكەر ازاماتتار ءبىلۋى كەرەك. سوندىقتان دا مەملەكەتتىك ساتىپ الۋ پروتسەستەرىنە قاتىسقاندا الدارىنا قويىلعان مىندەتتەمەلەرمەن مۇقيات تانىسقانى دۇرىس بولار ەدى. جوسىقسىزدىقتىڭ الدىن الۋ ءۇشىن كەلىسىمگە كەلۋ شاراسىن قولدانعانى ءجون بولادى, - دەيدى سۋديا سالتانات ومارسەرىكوۆا.
كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى عالىم ەدىگەەۆ جاڭادان اشىلاتىن سوتسىز تاتۋلاسۋ ورتالىعى الداعى ۋاقىتتا مەملەكەتتىك ورگان مەن كاسىپكەرلەردىڭ اراسىنداعى ماسەلەلەردى بىتىمگەرشىلىك ارقىلى شەشۋگە مۇمكىندىك بەرەتىن تەتىك قابىلداسا ءبىراز ماسەلەنىڭ وڭ شەشىلۋىنە ىقپال ەتەر ەدى دەگەن ۇسىنىسىن ءبىلدىردى.
كاسىپكەرلەرگە كەدەرگى از بولۋى كەرەك. ايتپەسە, تىنىسى تارتىلىپ, جۇمىسىنا توقتاۋ بولادى. توقتاۋ بولۋدىڭ اياعى بيۋدجەتكە قارجى تۇسپەيدى. سوتسىز تاتۋلاسۋدىڭ ءمانىسى وسى.
باقتيار تايجان,
«ەگەمەن قازاقستان»
قىزىلوردا وبلىسى
