ورتالىق جۇمىسىنىڭ باستالۋىن بىلدىرەتىن لەنتانى سالتاناتتى جاعدايدا قيۋ ءۇشىن قازاقستان رەسپۋبليكاسىنداعى شۆەتسيا كورولدىگىنىڭ وكىلى ماتس فويەر (Mats Foyer) كەلدى. سونىمەن قاتار جيىنعا ورتالىق ازيا مەملەكەتتەرىندەگى, ۋكرايناداعى, موڭعوليا مەن مولدوۆاداعى كومپانيانىڭ ۆيتسە-پرەزيدەنتى كاترين الاكباروۆ, قازاقستانداعى جانە ورتالىق ازياداعى باس ديرەكتورى ەكاتەرينا مامەدوۆا, ساتۋ جونىندەگى مەنەدجەرى اننا وريششەنكو, ساتۋدى قولداۋ جانە ماركەتينگ جونىندەگى مەنەدجەرى انيفە گافاروۆا قاتىستى.
كونتسەپتۋالدى ورتالىقتىڭ تانىستىرىلىمىنان كەيىن كوپشىلىك قاۋىم Public Talk ايماعىنا باردى, وندا ءباسپاسوز كونفەرەنتسياسى مەن سۇراق-جاۋاپ سەسسياسى ءوتتى. قوناقتار كومپانيانىڭ جەتەكشى ساراپشىلارى ۇيىمداستىرعان ەكى شەبەرلىك ساباعىنا قاتىستى. تمد مەملەكەتتەرىندەگى Oriflame پروداكت-جاتتىقتىرۋشى, بەت تەرىسىنىڭ كۇتىمى بويىنشا ساراپشى اناستاسيا فۋركا بەت تەرىسىنىڭ تەستىلەۋ ديدجيتالىن اڭگىمەلەسە, رەسەيدەگى جانە تمد-داعى رەسمي ءۆيزاجيسى الەنا تەرەششەنكو ماكياجداعى ساندىك ترەند بويىنشا ءدارىس وقىدى.
باسقوسۋلاردى تانىمال جۇرگىزۋشى جانە مودەل ەكاتەرينا كراسنوۆا جۇرگىزدى.
50 جىلدان استام تاريحى بار سۇلۋلىق كومپانياسىنىڭ كوسمەتيكالىق ونىمدەرى تابيعي زاتتاردان جانە ەڭ ۇزدىك عىلىم ناتيجەلەردەن تۇرادى. ماركا 1967 جىلى قۇرىلدى جانە بۇگىندە الەمنىڭ 60-تان استام مەملەكەتتەگى شامامەن 3 ميلليونعا جۋىق كەڭەسشىمەن ىنتىماقتاسا جۇمىس ىستەيدى, ال جىلدىق اينالىمى شامامەن 1,4 ملرد ەۋرونى قۇرايدى. برەندتىڭ شۆەتسياداعى, رەسەيدەگى, پولشاداعى, قىتايداعى جانە ۇندىستانداعى جەكە فابريكالارىمەن قاتار عىلىمي-زەرتتەۋ ورتالىعى بار, وندا 100-دەن استام عالىم زەرتتەۋ جۇمىستارىمەن اينالىسادى.
