ءبىر عانا «جاھاندىق الەمدەگى زاماناۋي قازاقستاندىق مادەنيەت» جوباسى اياسىندا قازاق مادەنيەتى مەن ونەرىن جاھانعا ناسيحاتتاۋ جولىندا قىرۋار جۇمىستار جۇزەگە اسىرىلىپ, ساپالى ناتيجەلەرگە قول جەتتى. مادەنيەت جانە سپورت مينيسترلىگىنىڭ باستاماسىمەن قولعا الىنعان جوبا اياسىندا قازاق ونەرى مەن مادەنيەتى الەمدى شارلادى. رەسەي, يتاليا, فرانتسيا, تۇركيا, قىتاي, جاپونيا سىندى تالعامى مەن تاعىلىمى ەگىز جاساسقان تالعامپاز ەلدەر قازاقتىڭ كلاسسيكالىق مۋزىكا ونەرىنىڭ جاۋھارلارى – «اباي», «قىز جىبەك», ء«بىرجان-ساراداي» شىعارمالاردى ءتول ساراپتاۋدا تىڭداۋ مەن باعا بەرۋ باقىتىنا يە بولدى. الەم ديماش قۇدايبەرگەنوۆ, مەدەت شوتاباەۆ سىندى دارىندى ونەرپازدار تالانتىنىڭ ارقاسىندا قازاقتاي قاسيەتتى حالىقتىڭ شەبەرلىگىنە باس ءيدى. «التىن ادامنىڭ الەم مۋزەيلەرىنە شەرۋى» جوباسى شەڭبەرىندەگى « ۇلى دالاداعى كوشپەندىلەر تاريحى» اتتى كورمە نەگىزىندە ۇلتىمىزدىڭ كونە جادىگەرلەرى تورتكۇل دۇنيە نازارىنا ۇسىنىلدى. سونداي-اق نيۋ-يورك قالاسىندا وتكەن «PHOTOfest.KZ – گۇلدەنگەن قازاقستان الەم فوتوسۋرەتشىلەرىنىڭ كوزىمەن» اتتى فوتوكورمەدە كۇللى امەريكا بۋراباي, قورعالجىن, باياناۋىل, ۇلىتاۋ, قارقارالى, تۇركىستان, وتىرار, شارىن شاتقالى, شىمبۇلاق, مەدەۋ, تامعالى تاس, كولساي سىندى وتانىمىزدىڭ تاريحى تەرەڭدىگىمەن تاعىلىمدى, تابيعاتى سۇلۋلىعىمەن كوز تارتار اسەم جەرلەرىمەن فوتو ءتىلى ارقىلى تانىسۋعا مۇمكىندىك الدى. كۇنى كەشە ارقا تورىندە شىمىلدىعى تۇرىلگەن ۇلى دۋمان – «رۋحاني قازىنا – 2018» مادەنيەت جانە ونەر سالاسى ۇيىمدارى مەن قىزمەتكەرلەرىنىڭ ءى رەسپۋبليكالىق فەستيۆالى اتقارىلعان اۋقىمدى جوبالاردىڭ زاڭدى جالعاسى دەسەك, قاتەلەسپەيمىز. وسىناۋ تاريحىمەن, تاعىلىمىمەن, ءداستۇر-سالتى, ورەلى ونەرىمەن الەمدى مويىنداتقان اۋقىمدى جۇمىستاردىڭ تاساسىندا, ارينە لايىم ۇلت يگىلىگى جولىندا تەر توگىپ كەلە جاتقان ونەر مەن مادەنيەت سالاسى قىزمەتكەرلەرىنىڭ قىرۋار ەڭبەگى جاتىر.
