مەملەكەت باسشىسى ن.نازارباەۆتىڭ 2018 جىلدىڭ 10 قاڭتارىنداعى قازاقستان حالقىنا جولداۋىندا اگرووندىرىستىك كەشەن جاڭا تەحنولوگيالىق دەڭگەيگە, وسىمدىكتى قورعاۋ قۇرالدارى مەن مينەرالدى تىڭايتقىشتاردى ەنگىزۋدىڭ ينتەللەكتۋالدى جۇيەلەرىنە كوشۋى تيىستىلىگى اتاپ ءوتىلدى. وسىمدىك شارۋاشىلىعىندا تيىمدىلىگى از سۋ سىڭىرگىش داقىلداردى ءوسىرۋدى قىسقارتۋ جولىمەن ءجۇرۋ جانە ولاردى كوكونىس, مايلى جانە جەمشوپتىك ونىممەن الماستىرۋ قاجەت. اگروحيميكاتتاردى ءتيىمدى پايدالانۋ, قۋاڭ ايماقتاردا توپىراقتى وڭدەۋدىڭ زاماناۋي تەحنولوگيالارى مەن باسقا دا يننوۆاتسيالاردى قولدانۋدى كەڭەيتۋ بويىنشا شارالار كەشەنىنىڭ قاجەتتىلىگى كورسەتىلدى.
ا.ي. باراەۆ اتىنداعى اشعوو باس ديرەكتورى كەنجە ابدۋللاەۆ پرەزيدەنتتىڭ جولداۋىن ورىنداۋ ءۇشىن قر اۋىل شارۋاشىلىق مينيسترلىگىنىڭ ستراتەگيالىق ماڭىزدى مەملەكەتتىك ماسەلەلەردى شەشۋ ءۇشىن 2018-2020 جىلدارعا قولدانبالى عىلىمي زەرتتەۋلەردى جۇرگىزۋگە باعدارلامالىق-ماقساتتى قارجىلاندىرۋدى ءبولۋ بويىنشا كونكۋرس وتكىزىپ جاتقانىن ايتتى, ولاردىڭ ءبىرى ا.ي.باراەۆ اتىنداعى اشعوو نەگىزىندە اۋدانى 3000 گا ناقتى ەگىنشىلىك پوليگونىن قۇرۋ بولىپ تابىلادى. بۇل جوبانىڭ ماقساتى اقمولا وبلىسىندا ناقتى ەگىنشىلىكتى دامىتۋ بويىنشا اۋىل شارۋاشىلىق داقىلدارىن ءوندىرۋ كەزىندە اگروتسەنوزدى باسقارۋ جانە مونيتورينگ نەگىزىندە ناقتى ەگىنشىلىك تەحنولوگيالارىن بەيىمدەۋ جانە ترانسفەرت بولىپ تابىلادى.
جوبانى ورىنداۋ بارىسىندا كەلەسى مىندەتتەر قويىلادى:
1. ناقتى ەگىنشىلىك پوليگونىنىڭ نەگىزىندە يننوۆاتسيالىق زەرتتەۋلەردى ازىرلەۋ, ترانسفەرت, بەيىمدەۋ, ەنگىزۋ.
2. ءتيىمدى ناتيجەلەردى (ەگىستىك كۇندەرى, بتو, باق) كورسەتۋ ارقىلى ءوسىرۋدىڭ توپىراق-كليماتتىق جاعدايلارىن ەسكەرە وتىرىپ ناقتى ەگىنشىلىك تەحنولوگيالارىن كەڭاۋقىمدى كوبەيتۋ.
3. اۋىل شارۋاشىلىق ءوندىرىسىنىڭ ناقتى ەگىنشىلىك جۇيەسىنە كوشىرۋ جانە ناقتى ەگىنشىلىك ەلەمەنتتەرىن ءتيىمدى پايدالانۋ بويىنشا ۇسىنىستاردى ازىرلەۋ.
4. ناقتى ەگىنشىلىك تالاپتارىن ەسكەرىپ اۋىل شارۋاشىلىق داقىلدارىن ءوسىرۋدىڭ تەحنولوگيالىق كارتالارىن جەتىلدىرۋ.
5. جازدىق بيدايدىڭ جەرگىلىكتى سەلەكتسياسىنىڭ ۇزدىك وتاندىق سورتتارىنىڭ الەۋەتىن كورسەتۋ.
6. ناقتى ەگىنشىلىك ءۇشىن بەرىلگەن پارامەترلەرى بار بيوتەحنولوگيالىق ادىستەردىڭ نەگىزىندە جازدىق بيدايدىڭ جاڭا سورتتارىن شىعارۋ.
ناقتى ەگىنشىلىكتىڭ ارقاسىندا ەگىن ەگۋ مەن استىقتى جيناۋدىڭ وڭتايلى ۋاقىتتى بولجامداۋدىڭ, «اقىلدى سۋارۋدىڭ», مينەرالدى تىڭايتقىشتى سەبۋدىڭ, زيانكەستەرمەن جانە ارامشوپپەن كۇرەسۋدىڭ ينتەللەكتۋالدى جۇيەلەرىن پايدالانىپ ەڭبەك ونىمدىلىگىن بىرنەشە ەسە ارتتىرۋعا بولادى. جۇرگىزۋشىسى جوق تەحنيكا ادامي فاكتوردى ازايتىپ, ەگىنشىلىكتىڭ وزىندىك قۇنىن ايتارلىقتاي تومەندەتۋگە مۇمكىندىك بەرەدى.
كليماتتىڭ وزگەرۋىنە ءوندىرىستىڭ تۇراقتىلىعىن ارتتىرۋ ءۇشىن جەرگىلىكتى جاعدايلارعا بەيىمدەلگەن اقپاراتتىق تەحنولوگيالاردى, ءوسۋ مەن دامۋدىڭ بيوۇدەتكىشتەرىن, ماكرو- جانە ميكروتىڭايتقىشتاردى قولدانۋ, تىكەلەي ەگۋ, توپىراقتى وڭدەۋدىڭ جاڭا جۇيەلەرى سياقتى ءوسىرۋ تەحنولوگيالارىنىڭ ەلەمەنتتەرىن وندىرىستىك جۇيەلەرگە بىرىكتىرۋ جانە ءوسىرىلىپ جاتقان داقىلداردى ءارتاراپتاندىرۋ قاجەت. توپىراق-, قورۇنەمدەگىش ەگىنشىلىك تاسىلدەرى توپىراقتىڭ ورگانيكالىق زات قۇرامىن جانە ونىڭ فيزيكالىق سيپاتتامالارىن وڭتايلاندىرادى, بۇل اتموسفەرالىق جاۋىن-شاشىن ىلعالىن پايدالانۋ تيىمدىلىگىن ارتتىرادى جانە ەروزيالىق ۇدەرىستەردى قىسقارتادى.
بۇل جوبانىڭ ورىندالۋى قۇرامىنا ءىرى الدىڭعى قاتاردى اۋىل شارۋاشىلىق كاسىپورىنداردىڭ, اقمولا وبلىسىنىڭ اكىمدىگىنىڭ وكىلدەرى كىرگەن, عىلىمي وندىرىستىك كەڭەسپەن, ۇلتتىق بيوتەحنولوگيا ورتالىعىنىڭ عالىمدارىمەن بىرلەسىپ جۇرگىزىلەتىندىگىن اتاپ ءوتۋ كەرەك.
ك.ابدۋللاەۆ ءوز سوزىندە «اۋدانى 3000 گا وندىرىستىك-تاجىريبەلىك پوليگون نەگىزىندە وسى جوبانى جۇزەگە اسىرۋ استىق داقىلدارىنىڭ ونىمدىلىگىن 25 تس/گا دەيىن ارتتىراتىنىن جانە ەڭبەك ونىمدىلىگىن 2,0-2,5 ەسەگە كوبەيتەتىندىگىن» باسا ايتتى.
