اتالعان ءىس-شاراعا پاۆلودار وبلىسى اكىمىنىڭ ورىنباسارى ءاليا ارىنوۆا, «نۇر وتان» پارتياسى پاۆلودار وبلىستىق فيليالى توراعاسىنىڭ ءبىرىنشى ورىنباسارى يليا تەرەنچەنكو, ينەۋ رەكتورى مارات باياندين مەن ايماقتىق كاسىپكەرلەر پالاتاسى ديرەكتورىنىڭ ورىنباسارى ءمادي سىزدىقوۆ قاتىستى.
بۇل بۇكىل قازاقستان بويىنشا اشىلۋى جوسپارلانىپ وتىرعان 20 ءىت-ورتالىقتىڭ العاشقىسى. ورتالىقتا جۇمىسسىزدار مەن جاستاردىڭ ءوزىن-ءوزى جۇمىسپەن قامتۋشى جاستار ىرىكتەۋ سىناعىنان وتەدى. ونى ءساتتى تاپسىرعان جاعدايدا تىڭداۋشى وقۋدى باستايدى. قازىردىڭ وزىندە 44-تەن استام ءوتىنىش بەردى. «نۇر وتان» بۇل جوبانى «اتامەكەن» ۇكپ بىرىگىپ ىسكە اسىرىپ وتىر.
ء وز سوزىندە يليا تەرەنچەنكو اتاپ وتكەندەي, ۇيىمداستىرۋشىلار ءۇشىن ەڭ ماڭىزدىسى – ەڭبەك نارىعىندا ولار ءارى قاراي سۇرانىسقا يە بولاتىنداي بىلىكتى مامانداردى دايىنداۋ. - پارتيالىق جۇمىستى ءارى قاراي جاڭارتۋ ماقساتىندا پارتيا باسشىلىعى 22 جاڭا جوبانى قولعا العانى بەلگىلى. پاۆلودار وبلىسىندا جاڭا پارتيالىق جوبانى ىسكە قوسۋ بويىنشا جۇمىستار باستالدى. سونىڭ ىشىندە, ايماقتا پيلوتتىق رەجيمدە 3 جاڭا پارتيالىق جوبا ىسكە اسىرىلادى. سولاردىڭ ءبىرى – ء«ىت-مامانداردى دايىنداۋ» جوباسى, - ي. تەرەنچەنكو. ينەۋ وقىتۋشىسى ەلەنا مالىشەۆانىڭ ايتۋىنشا, تىڭدارمانداردى ۇلكەن جۇمىس كۇتىپ تۇر
. – وقىتۋ باعدارلاماسىنىڭ كولەمى وتە ۇلكەن. وقىتۋداعى 200 ساعات بويى جاستار تەوريانى دا, پراكتيكانى دا مەڭگەرەتىن بولادى. ءبىز وقىتۋ اياقتالعان كەزدە تىڭداۋشىلار Android قوسىمشاسىن وزدىگىن ازىرلەۋ مەن ونى Play Market-كە سالاتىن دەڭگەيگە جەتەدى دەپ ۇمىتتەنەمىز, - دەيدى وقىتۋشى.
جوبا قاتىسۋشىسى التىناي تەمىرجانوۆا بۇل ءىت-ورتالىق جاستاردىڭ الدىنا ۇلكەن مۇمكىندىك ۇسىنىپ وتىر دەيدى. ول پارتيالىق جوبا تۋرالى الەۋمەتتىك جەلىلەردەن بىلگەن. «قاشىر اۋدانىن تسيفرلىق ءبىلىم الۋعا ارنايى كەلدىم. بولاشاقتا تۋعان اۋدانىم مەن قازاقستاننىڭ ءىت-تەحنولوگياسىن دامىتۋعا ۇلەس قوسقىم كەلەدى», - دەپ اعىنان جارىلدى التىناي.
جوبانىڭ ماقساتى – ازاماتتاردىڭ تسيفرلىق ساۋاتتىلىعىن ارتتىرۋ مەن بىلىكتى ءىت-ماماندار ورتاقتاستىعىن دايىنداۋ. جوبانى ىسكە اسىرۋ اياسىندا جۇمىسسىز جانە ءوزىن-ءوزى جۇمىسپەن قامتىعان جاستاردى قوسقاندا, بۇكىل مەملەكەت بويىنشا 100 مىڭ ادامدى, جىل سايىن بۇكىل ايماقتى تولىقتاي قامتي وتىرىپ 35 مىڭ ادامدى وقىتۋ جوسپارلانىپ وتىر. جاستار سۇرانىسقا يە تسيفرلىق ماشىقتار مەن زاماناۋي باعدارلامالاۋ تىلدەرىن وقيتىن بولادى.
