اتالعان فوتوالبومنىڭ ءبىرىنشى داناسىن سىيلىققا اقمولا وبلىسى اكىمىنىڭ ورىنباسارى قانات ىدىرىسوۆ الدى. قر تۇڭعىش پرەزيدەنتى - ەلباسى قورىنىڭ اتقارۋشى ديرەكتورىنىڭ كەڭەسشىسى ءاليا قايشاروۆا: ء«بىز بۇل فوتوالبومدى بۋرابايدىڭ بىرەگەي تابيعي ەرەكشەلىگىن الەمگە كورسەتۋ ءۇشىن شىعارۋدى ۇيعاردىق. مەملەكەت باسشىسى وسى وڭىردە بولعان كەزدە ونىڭ سۇلۋلىعىنا ءاردايىم تاڭ قالادى. بۋراباي ءوڭىرى ابىلاي حانمەن بايلانىستى ۇلى تاريحقا يە. وسى وڭىرگە بايلانىستى كوپتەگەن اسەم اڭىزدار دا بار. جاڭا فوتوالبومنىڭ ارقاسىندا قازاقستاندىقتاردىڭ جانە شەتەلدىك تۋريستەردىڭ نازارىن قازاقستاننىڭ ءىنجۋ-مارجانىنا اۋدارا الامىز دەگەن سەنىمدەمىز».
«سونداي-اق استانانىڭ 20 جىلدىعىنا ارنالعان «A day in Astana» فوتوالبومىمىزبەن ءوز قۋانىشىمىزدى بولىسكىمىز كەلەدى. وسى فوتوالبومنىڭ نەگىزىندە ءبىز «استانا – ۇلى دالانىڭ جاۋھارى» فوتوالبومىن دايىندادىق. كورمە ماسكەۋدە, سانكت-پەتەربۋرگتە, مادريدتە, الماتى مەن استانا قالالارىندا ءوتتى. تاياۋ كۇندەرى كورمەنى تاراز قالاسىنىڭ تۇرعىندارى دا كورە الادى».
ء بىزدىڭ فوتوكورمەمىز مادريدتە بۇۇ جانىنداعى دۇنيەجۇزىلىك تۋريستىك ۇيىمنىڭ عيماراتىندا وتكەن كەزدە اتالعان ۇيىمنىڭ قىزمەتكەرلەرىنە فوتوكارتينالاردىڭ ۇناعانى سونشاما, ولار ەلورداعا مىندەتتى تۇردە كەلۋدى جوسپارلادى. بيىلعى جازدا ولار يسپانيا استاناسىنان ءوز موتوتسيكلدارىمەن شىعىپ 20 كۇن جولدا بولىپ, استاناعا كەلمەك. بولاشاقتا قازاقستانعا ساپارلارى تۋرالى كىتاپ شىعارماق».
قر تۇڭعىش پرەزيدەنتى - ەلباسىنىڭ قورى جانە اقمولا وبلىسىنىڭ اكىمدىگى اراسىندا 2017 جىلدىڭ 26 مامىرىندا قول قويىلعان ءوزارا قارىم-قاتىناس تۋرالى مەموراندۋم اياسىندا بۇگىنگى تاڭدا مادەني جانە الەۋمەتتىك سالالاردا بەلسەندى جۇمىس اتقارىلىپ كەلەدى.
اقمولا وبلىسىنداعى بالالار «كوشباسشى جولى», سونداي-اق العاشقى بالالار پاراليمپياداسى سياقتى قور جوبالارىنا قاتىسۋدا. ارداگەرلەرگە قولداۋ كورسەتۋگە باعىتتالعان الەۋمەتتىك شارالار جىل سايىن قازاقستاننىڭ ءار ءتۇرلى وڭىرلەرىندە, سونىڭ ىشىندە اقمولا وبلىسىندا وتكىزىلىپ وتىرادى.
بيىل بۋرابايدا ترانسشەكارالىق ىنتىماقتاستىق, IT جانە نانو-تەحنولوگيالاردى دامىتۋ بويىنشا BURABAY FORUM II حالىقارالىق جاس عالىمدار فورۋمى وتەدى. ءبىرىنشى فورۋم 2017 جىلى ءوتتى. ءىس-شارانى قر تۇڭعىش پرەزيدەنت قورى ۇيىمداستىردى. فورۋمنىڭ نەگىزگى ماقساتى وتاندىق جانە رەسەيلىك جاس عالىمداردىڭ عىلىمي-تەوريالىق جانە پراكتيكالىق بايلانىستارىن نىعايتۋ, ترانسشەكارالىق ءبىلىم بەرۋ سالاسىنداعى ىنتىماقتاستىق, عىلىم, ەكونوميكا, بيزنەس سەرىكتەستىكتى كەڭەيتۋ جانە تۋريستىك كلاستەردىڭ باسەكەگە قابىلەتتىلىگىن دامىتۋ بولىپ تابىلادى. بىلتىرعى فورۋمنىڭ ماڭىزدى ناتيجەسى شەكارالاس مەملەكەتتەردىڭ مەملەكەتتىك ورگاندارىنا ەكونوميكالىق, ساياسي جانە الەۋمەتتىك ماسەلەلەردى شەشۋگە كومەكتەسەتىن بىرلەسكەن قازاقستان-رەسەي ساراپتامالىق كەڭەسىنىڭ قۇرىلۋى بولدى.
«رۋحاني جاڭعىرۋ» باعدارلاماسىنىڭ اياسىندا قر تۇڭعىش پرەزيدەنت قورى قازاقستاننىڭ قاسيەتتى جەرلەرى تۋرالى اڭگىمەلەيتىن «Qazaq quest» ينتەرنەت-حابارلاماسى; استانا مەن بۋرابايعا ارنالعان فوتوالبومدار; «استانا – ۇلى دالانىڭ جاۋھارى» سياقتى جوبالاردى ىسكە اسىردى.
تاياۋدا الەۋمەتتىك جەلىلەردە قوردىڭ «Qonaqjai Elim» ينتەرنەت -جوباسىنىڭ ءبىرىنشى ەپيزودى شىقتى, وندا قازاقستاننىڭ كوپۇلتتى حالقى تۋرالى باياندالادى. جوبا بارشا قاۋىمدى قازاقستاندا بەيبىت ءومىر ءسۇرىپ جاتقان ءار ءتۇرلى ۇلتتاردىڭ ءداستۇرى مەن ادەت-عۇرپى, تاعامى مەن تۇرمىسىمەن تانىستىرادى.
سونداي-اق ەلىمىزدىڭ ۆۋندەركيند - بالالارى جانە قازاقستاندىق قاھارماندارى تۋرالى «Wunder Qazaqstan» جانە «Qaharman Qazaq» ينتەرنەت-جوبالارى ازىرلەنۋدە.
