استانا ەكونوميكالىق فورۋمى اياسىندا قازاقستان رەسپۋبليكاسى ەنەرگەتيكا مينيسترلىگى, استانا قالاسىنىڭ اكىمدىگى جانە نازارباەۆ زياتكەرلىك مەكتەپتەرى دەربەس ءبىلىم بەرۋ ۇيىمى مەن «شەلل» كومپانياسى اراسىندا «مەكتەپتەرگە كۇن ەنەرگياسى» پيلوتتىق جوبانى ىسكە اسىرۋ بويىنشا مەموراندۋمعا قول قويىلدى.
استانا, الماتى, اقتاۋ, اتىراۋ, ورال قالالارىنداعىنازارباەۆ زياتكەرلىك مەكتەپتەرىندە كۇن فوتوەلەكترلىك جۇيەسى ورناتىلادى, دەپ حابارلايدى استانا قالاسى اكىمدىگىنىڭ رەسمي سايتى.
«مەكتەپتەرگە كۇن ەنەرگياسى» اتتى پيلوتتىق جوبانى ىسكە اسىرۋ 2016 جىلى «شەلل» كومپانياسىنىڭ قر ەنەرگەتيكا مينيسترلىگىمەن بەكىتىلگەن مەموراندۋم اياسىندا جۇزەگە اسادى. اتالعان پيلوتتىق جوبا «جاسىل ەكونوميكاعا كوشۋدىڭ» جالپىۇلتتىق اۋقىمدا ماقساتىن ودان ءارى قولداۋ بويىنشا شاعىن گاباريتتى ەنەرگيا ءوندىرىس سالاسىن دامىتۋ,
ء«بىز وسى جوبانى ىسكە اسىرۋ ارقىلى ەلىمىزدىڭ ءار اۋماقتارىندا جاڭارتىلاتىن ەنەرگيا كوزدەرىنىڭ ودان ءارى جاپپاي قولدانۋ قوندىرعىلاردى پايدالانا وتىرىپ وزىندىك پلاتفورما قالىپتاستىرۋ ءۇشىن ەلۇكىمەتىنىڭ جاڭارتىلاتىن ەنەرگيا كوزدەرى سالاسىندا جانە پارنيكتىك گازدار شىعارىندىلارىن ازايتۋ باعىتىندا اتقارىپ جاتقان جۇمىستارىنىڭ ناتيجەسىن كورسەتۋى ءتيىس», - دەدى ەنەرگەتيكا ءمينيسترى قانات بوزىمباەۆ.
«وسى مەموراندۋم اياسىندا ءبىز مەكتەپتەردىڭ شاتىرلارىنا كۇن فوتوەلەكترلىك جۇيەسىن ورناتامىز. بۇل جوبا جاڭارتىلاتىن ەنەرگيا كوزدەرىن ءتيىمدى پايدالانۋدىڭ تاماشا ۇلگىسى جانە بولاشاقتا ەلىمىزدىڭ باسقا ايماقتارىندا ەنگىزىلۋى مۇمكىن», - دەپ اتاپ ءوتتى استانا اكىمى اسەت يسەكەشەۆ.
ء«بىز «شەلل» كومپانياسىنىڭ قازاقستانداعى 25 جىلدىق جۇمىس بارىسىندا قازاقستان رەسپۋبليكاسى مەن قالىپتاسقان سەرىكتەستىك قارىم-قاتىناستى جوعارى باعالايمىز. ءبىزدىڭ كومپانيا قازاقستاندا ءوز جۇمىسىن ودان ارىدە دامىتا بەرۋگە مۇددەلى. وسى مەموراندۋم اياسىندا قازاق ەلىنىڭ «جاسىل ەكونوميكا» سالاسىندا جاساپ جاتقان جۇمىستارىن قولداۋعا قۋانىشتىمىز جانە وسى جوبا بۇل باعىتتاعى ەڭبەكتىڭ جەمىسىن كورسەتەدى دەپ ويلايمىز», - دەدى قازاقستانداعى «شەلل» كونتسەرنىنىڭ ۆيتسە-پرەزيدەنتى جانە توراعاسى وليۆە لازار.
