ەلىمىزدىڭ ءار وڭىرىنەن سايدىڭ تاسىنداي ىرىكتەلىپ كەلگەن بولاشاق اق حالاتتى ابزال جاندار ءۇش كەزەڭ بويىنشا سايىسقا ءتۇستى. تانىستىرۋ سىنىندا «103» ءنومىرىن ۇمىتپەن تەرەمىن» اتتى تاقىرىپتاعى بەينەروليكتەر كورسەتىلدى. ەكىنشى كەزەڭدە-تەوريالىق ءبىلىم ساراپتالسا, ءۇشىنشى اينالىمدا ناۋقاسقا العاشقى مەديتسينالىق كومەكتىڭ قالاي كورسەتىلەتىنى تەكسەرىلدى.
«سوڭعى بايقاۋ وسىدان ءتورت جىلىن بۇرىن ۇيىمداستىرىلعان ەكەن. بيىل بۇل ءداستۇر جاڭعىرتىلىپ, جۇيەلى وتكىزۋگە شەشىم قابىلداندى», دەيدى سولتۇستىك قازاقستان مەديتسينالىق كوللەدج ديرەكتورىنىڭ ەمدەۋ-وندىرىستىك ماسەلەلەر جونىندەگى ورىنباسارى ەلەنا تەررە.
رەسپۋبليكالىق كاسىبي شەبەرلىك بايقاۋىنىڭ قورىتىندىسىندا تۇركىستان قالاسىنداعى جوعارى مەديتسينا كوللەدجىنىڭ ستۋدەنتى جاينا ءابساتتار جەڭىمپاز اتاندى. ەكىنشى ورىندى تالدىقورعان مەديتسينا كوللەدجىنىڭ ستۋدەنتى ميراس قۇماروۆ, ءۇشىنشى ورىندى باتىس قازاقستان جوعارى مەديتسينا كوللەدجىنىڭ ستۋدەنتى ارمان ماجەنوۆ يەلەندى.
كەلەسى بايقاۋ تۇركىستان قالاسىندا وتەتىن بولىپ بەلگىلەندى.
ءومىر ەسقالي,
«ەگەمەن قازاقستان»
