جيىن كەزىندە ءبىلىم بەرۋ جانە مەديتسينا سالالارىنا تسيفرلىق تەحنولوگيانى ەنگىزۋ سۇراقتارى ەگجەي-تەگجەيلى قارالدى.
وبلىس اكىمىنىڭ ورىنباسارى ەربول نۇرعاليەۆ مالىمدەگەندەي, ءبىرىنشى كەزەڭدە جوسپارلانعان بارلىق 32 مەديتسينا مەكەمەسىنە اقپاراتتىق جۇيە ەنگىزىلگەن. ول دارىگەر, باسشى مەن ەمدەلۋشى ءۇشىن ستاندارتتار مەن مالىمەتتەر قورىنىڭ بىرلىگىن قامتاماسىز ەتۋگە مۇمكىندىك بەرەدى. دەنساۋلىق ساقتاۋ سالاسىن ءارى قاراي تسيفرلاندىرۋ ماقساتىندا «دامۋ مەد» ءموبيلدى قوسىمشاسىن, قابىلداۋعا ەلەكتروندى تۇردە جازىلۋ جانە دارىگەردى ۇيگە شاقىرۋ قىزمەتتەرىن كەڭىنەن دامىتۋ جالعاسۋدا. بۇدان باسقا, وبلىس حالقىنىڭ 20% -نىڭ نەمەسە 169 مىڭعا جۋىعىنىڭ دەنساۋلىقتىڭ ەلەكتروندى تولقۇجاتى تولتىرىلدى.
وبلىس مەكتەپتەرىنىڭ شامامەن جارتىسىنان استامى نەمەسە 46 پايىزى «كۇندەلىك كز» ەلەكتروندى جۋرنال مەن كۇندەلىك جۇيەسىنە قوسىلعان.
سونىمەن قاتار ەربول نۇرعاليەۆ بيىلعى جىلى مەكتەپتەردى ودان ءارى كومپيۋتەرلەندىرۋ ءۇشىن 1700, مەديتسينالىق مەكەمەلەرگە 1056 كومپيۋتەرلەر ساتىپ الىنعانىن حابارلادى.
جۇيە قاعاز قۇجات اينالىمىنىڭ كولەمىن ازايتىپ, مۇعالىمدەردىڭ ۋاقىتىن ۇنەمدەپ جانە اتا-انالارعا وقۋ قىزمەتىنىڭ اشىقتىعىن ارتتىرادى. وقۋ ۇلگەرىمى جانە قاتىسىمى تۋرالى بارلىق اقپارات ونلاين تۇرىندە قولجەتىمدى.جيىنعا قاتىسۋشىلار ءبىلىم بەرۋ مەكەمەلەرىنىڭ جوعارى جىلدامدىقتى ينتەرنەتكە قول جەتىمدىلىگى ماسەلەسىنە باسا نازار اۋداردى.
جىل سوڭىنا دەيىن ايماقتىڭ 60 پايىز مەكتەبىن سەكۋندىنا 12-16 مبيت جىلدامدىقپەن قامتاماسىز ەتۋ جوسپارلانۋدا.
وبلىس اكىمى تاعى دا «تسيفرلىق قازاقستان» اياسىندا ەنگىزىلگەن بارلىق اقپاراتتىق جۇيەلەردى تولىق ينتەگراتسيالاۋ قاجەتتىگىنە نازار اۋداردى.
-سوڭعى ەكى ايدا وبلىس كولەمىندە تسيفرلاندىرۋ قارقىنى باسەڭدەپ كەتتى.الدىندا جوسپارلانعان ينديكاتورلار جەتىستىگى بويىنشا تولىقتاي باقىلاۋعا الىپ بەلسەندىلىگىن ارتتىرۋ قاجەت, -دەدى وبلىس اكىمى جيىندى قورىتىندىلاي كەلە.
تەمىر قۇسايىن,
«ەگەمەن قازاقستان»
استانا
