كونكۋرس 16 مەن 18 مامىر ارالىعىندا ءوتتى. ءبىرىنشى كۇنى قاتىسۋشىلار جەرەبە الىپ, ورىنداۋ رەتتىگىن انىقتاسا, ەكىنشى كۇنى - ياعني 17 مامىردا كونكۋرستىڭ نەگىزگى بولىگى ۇيىمداستىرىلدى. وندا كونكۋرسانتتار 2 ءان ورىندادى, ونىڭ ءبىرى باتىرحان شۇكەنوۆتىڭ رەپەرتۋارىنان بولدى.
بيىل ءان سايىسىنا ەلىمىزدىڭ بارلىق وڭىرلەرىنەن جانە وزبەكستان مەملەكەتىنەن 25 ورىنداۋشى قاتىستى.
قازىلار القاسىنىڭ قۇرامىندا ديلناز احماديەۆا, رينات گايسين, ەركەش شاكەەۆ, ولجاس بايكانوۆ (ۇزاق ۋاقىت بويى باتىرحان شوكەنوۆ اتىنداعى قوردىڭ ديرەكتورى بولعان), سونداي-اق, قر ەڭبەگى سىڭگەن قايراتكەر ەرجان ءابدراحمانوۆ بار.
ءادىل قازى مۇشەلەرى ورىنداۋشىنىڭ ءاربىر ءانىنىڭ تەحنيكاسى مەن تەمبرىنە ءمان بەرىپ, داۋىس كۇشى مەن ارتىستىك قابىلەتىن باعالادى.
سونىمەن, باس جۇلدە وڭتۇستىك قازاقستان وبلىسىنان كەلگەن ەرىك تولەنوۆكە بۇيىردى. ءبىرىنشى ورىندى قاراعاندىلىق گۇلنار كوشەنوۆا, ەكىنشى ورىندى باتىس قازاقستان وبلىسىنان كەلگەن سارتۋكوۆ ايىمبەك جانە ءۇشىنشى ورىندى قىزىلوردالىق ينديرا بايمبەتوۆا مەن استانالىق كۇلايىم قايىرباەۆا يەلەندى. سونداي-اق, شوكەنوۆتەر وتباسىنىڭ ارنايى جۇلدەسىمەن الماتىلىق ەڭسەپوۆ سىرىمتاي, قالا اكىمىنىڭ ارنايى جۇلدەسىمەن اقتوبەلىك نۇرتاس وماروۆ جانە قىزىلوردالىق تۇرعانالى شاراپوۆ ماراپاتتالسا, قىزىلوردا وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ ارنايى جۇلدەسى ماحانبەتجانوۆا ارايلىمعا بۇيىردى.
ەستەرىڭىزگە سالا كەتسەك, قىزىلوردادا 16-18 مامىر كۇندەرى وبلىس اكىمدىگىنىڭ قولداۋىمەن ب.شۇكەنوۆ اتىنداعى "وتان - انا" اتتى ءىى رەسپۋبليكالىق انشىلەر كونكۋرسى ءوتتى. شارانىڭ ۇيىمداستىرۋشىلارى - وبلىستىق مادەنيەت, ارحيۆتەر جانە قۇجاتتاما باسقارماسى جانە "تاڭداۋ" پروديۋسەرلىك ورتالىعى.
