ەستونياداعى دەنساۋلىق ساقتاۋ سالاسىندا تسيفرلىق تەحنولوگيالاردى قولدانۋ مەن دامىتۋداعى تاجىريبەلىك تاجىريبەنى ەستونيا پرەزيدەنتىنىڭ بۇرىنعى كەڭەسشىسى ماديس تيك تانىستىردى. ماديس تيك - ەستونيا ەلەكتروندىق دەنساۋلىق ساقتاۋ جۇيەسى ازىرلەۋشىلەردىڭ ءبىرى جانە ەلەكتروندىق دەنساۋلىق ساقتاۋ سالاسىنداعى رەفورمالاردى, ءتۇرلى زەرتتەۋلەر مەن جوبالاردى جۇزەگە اسىرۋدا ۇلكەن تاجىريبەcى بار.
ەستونيا - تسيفرلىق مەملەكەتتىك باسقارۋ, سونىڭ ىشىندە ەلەكتروندىق دەنساۋلىق ساقتاۋ سالاسىندا الەمدىك كوشباسشىلاردىڭ ءبىرى. 2008 جىلى ەستونيا ازاماتتاردىڭ تۋعانىنان ولىمىنە دەيىنگى بارلىق مەديتسينالىق مالىمەتتەردى جيناقتايتىن ەلەكتروندىق مەديتسينالىق كارتالار جۇيەسىن تولىق ەنگىزگەن العاشقى ەل بولدى. 2009 جىلى ەستونيا بۇكىل مەديتسينالىق قۇجاتتاردى ءبىر ەلەكتروندى جۇيەگە ەنگىزۋگە مۇمكىندىك بەرەتىن دەنساۋلىق ساقتاۋ اقپاراتىمەن الماسۋ مەحانيزمىن ىسكە قوستى. ەستونيانىڭ وسى سالاداعى تاجىريبەسى قازاقستان ءۇشىن ۇلكەن قىزىعۋشىلىق تۋدىرۋدا.
سەمينارعا دەنساۋلىق ساقتاۋ مينيستىرلىگىنىڭ جەتەكشى قىزمەتكەرلەرى مەن ماماندارى, مەديتسينا مەكەمەلەردىڭ باس دارىگەرلەرى, پرەزيدەنت اكىمشىلىگىنىڭ مەديتسينا ورتالىعى, استانا قالاسىنىڭ دەنساۋلىق ساقتاۋ باسقارماسى, «نازارباەۆ ۋنيۆەرسيتەتى», «زەردە» حولدينگىنىڭ جانە «ازاماتتارعا ارنالعان ۇكىمەت» مەملەكەتتىك كورپوراتسياسى قىزمەتكەرلەرى قاتىستى.
استانا مەملەكەتتىك قىزمەت حابىمەن قاتار سەميناردى «نازارباەۆ ۋنيۆەرسيتەتى» جانە «قوعامدىق اۋديت» ۇلتتىق سەرىكتەستىك پلاتفورماسى قاۋىمداستىعى ۇيىمداستىردى.
